~...حاوّلت أنا اكتــم عــبرتــي يــوم فرقـــــّاه ...~

**معلومات** **العضو** · 03-09-2009, 07:20 PM

ياويل قلبي كل مااشتقت لقياه
وشلون ماتشـــتاق عيني لعــينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابــه وأحيـاه
وشلون أجـل لو صافحـتني يمينه

حاولت أنا اكتم عبرتي يوم فرقاه
وألملم جـــروح الزمـــان الطـعينه

واعطيه من قلب المـعنّى معـاناه
وآخــذ من جــروحه ولو هي دفينه

وأضيع به في زحمة الناس وأنساه
وأنـسى معه ذكرى السـنين وحنينه

لـــقيت نفــسي كل ما حــل طــرياه
عــروق قلبي كــلها تــقول ويـــنه

يـامـر على قلـبي ولا شـك ينـهاه
كــلي أنـا تحــت الإشــارة رهــينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حـــبيبي مــاتـــغيّر بــزيـنه

ماجيت أسولف عن حلاه ومزاياه
يكفي أحاسيسي وقلبي عارفينه

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلوع الحنينه

بوسط الحشا في داخل الصدر مثواه
إما يسار القلب وإلا يمينه

ممأ رأإق لــي..أإرجوا أن ينال اعجابكـم

كلمه اخيره>>>>>>>(*•.¸(`•.¸ظروف الوقت لو جارت وخلتنا نعيش بعاد

اكيد الوقت به ثغرة تجدد للقاء ميعاد

تحيااااااااااااااااااتي