مانع بن زريق العجمي يمدح خواله الدواســـــــر

**معلومات** **العضو** · 13-04-2005, 06:31 AM

تغنيت باسم اعجيم جدي وجـدي يـام=ومن ديرة الدامر بسـوق القـدم يمـه
الى وادي العود الفحل دوسر الضرغـام=راع الوادي المسمى مهو وادي الرّمـه
ظنا زايد وتغلب اتحط العلـوم اقسـام=كلام عليـه الحلـف والنـذر والذمـه
تعنا الشريف لدارهـم معتليـه اعـرام=وردت عزاويـه بعـد جورهـم ياامـه
تعدا القبايـل ساكنـه يبتحـص قـدام=وبعد ماوصلهم قصوا اشنابـه وكمـه
فهم مزبن الساطي وهم ملتجا المنضام=وهم فزعة المضهود هم نقـوة الامـه
وهم ملتقا الهاشل وهم نصرة الاسـلام=وهم مدت المحتاج هـم للخـوي دمـه
وهم حكمة المجلس وهم عزوة الزهـام=وهم ضحكة الحجان هم للعـدو غمـه
وصاة الرسول ابجارهم طبقت باحكـام=وكنه يخص الدوسـري خيـرة الامـه
يسوقون جار البيت لو صابته الاسهام=ويدله غريب الـدار معهـم ولا همـه
ووسم العصا ما احدٍ سبقهم عليه اشمام=اهنا الفرق يااللي تحفظ العلم واتضمـه
هل البل حماة الغرس لو ركزت الاعلام=حما دارهـم لوجّـرت الضـد ملتمـه
أبمدح الدواسر شرهتي تلحـق الاقـلام=وحبرك أبمدح الدوسري ياقلـم شمـه
يفوح العطر بكتابتك مع صبا الانسـام=هل المدح لهم المدح واللاش له ذّمـه
سلامي لديرتهم واهلهـا سـلام اهيـام=تحيات مشتاق اللقـاء طـاوي العّمـه

**معلومات** **العضو** · 13-04-2005, 06:36 AM

قصيدة أكثر من رائعة وصح لسان الشاعر والله لايهينك يالبراق

**معلومات** **العضو** · 13-04-2005, 06:58 AM

صح الله لسان الشاعر مانع بن زريق وصح الله لسانك اخوي البراق

والله لايهينك

تقبل تحياتي،،

**معلومات** **العضو** · 13-04-2005, 11:55 AM

ووسم العصا ما احدٍ سبقهم عليه اشمام
اهنا الفرق يااللي تحفظ العلم واتضمـه

لا هنت أخوي على النقل الرائع... وبمناسبة هذا البيت... حبيت أسأل اذا أحد يقدر يجيب لنا وسوم الدواسر... ويعرضها بالمنتدى لكل من لديه حب استطلاع.... وشكرا مقدما...