التغطية المصوّرة لـ حفل المعايد السنويّة لـ عيد الأضحى المبارك لـ أبناء قبيلة الدواسر بمدينة الرياض وما حولها.

[معلومات العضو الإداره]

لحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر التقط الصور ، وأعد التقرير عضو مجلس إدارة الموقع الأستاذ فهد هادي الغريري وعضو مجلس إدارة الموقع الأستاذ خميس مطر الغييثي و المراقب العام بالموقع الأستاذ محمد فهد الرجباني. حضر الاحتفالية السنوية للمعايدة من الطاقم الاداري والرقابي لموقع قبيلة الدواسر الرسمي عضو مجلس إدارة الموقع الاستاذ خميس بن مطر الغييثي وعضو مجلس إدارة الموقع الاستاذ راشد بن محسن المسعري ومراقب الموقع الاستاذ الشاعر شافي بن راشد النتيفات ومراقب الموقع الاستاذ سحمي بن جويعد المسعري ومراقب الموقع العام الاستاذ محمد بن فهد الرجباني. يسرنا ويسعدنا إدارة موقع قبيلة الدواسر الرسمي أن نعرض على أنظاركم التغطية المصورة لحفل المعايدة السنوي لقبيلة الدواسر العريقة بعيد الاضحى المبارك بمدينة الرياض وما جاورها واحتفال قبيلة الدواسر بنجاح عملية خادم الحرمين الشريفين الملك عبدالله بن عبدالعزيز آل سعود حفظة الله. وسلامة وصول صاحب السمو الملكي الامير/سلطان بن عبدالعزيز آل سعود ولي العهد. وصاحب السمو الملكي الامير / سلمان بن عبدالعزيز آل سعود أميرمنطقة الرياض الى أرض الوطن الغالي برعاية الشيخ / محمد بن مران آل قويد: ليلة من ليالي عيد الاضحى المبارك ليلة حب وصفاء ليلة مليئة بالمودة والاخاء ، أقام الشيخ محمد بن مران آل قويد حفل المعايدة السنوي لقبيلة الدواسر العريقة بنجاح عملية خادم الحرمين الشريفين صاحب السمو الملكي الملك عبدالله بن عبدالعزيز آل سعود حفظة الله ومناسبة سلامة ووصول صاحب السمو الملكي الامير/سلطان بن عبدالعزيز آل سعود حفظة الله وصاحب السمو الملكي الامير / سلمان بن عبدالعزيز آل سعود حفظة الله إلى ارض الوطن الغالي المملكة العربية السعودية ، ليلةٍ حظر احتفالها الكثير من مشايخ وأعيان وأبناء قبيلة الدواسر والضيوف الكرام الذين لبوا الدعوة وتوافدوا للاحتفالية الرائعة الكريمة للتعارف والتواصل والتهنئة وتبادل اطراف الحديث فأجتمعوا جمعاً حميداً وصلةً طيبة. عضو مجلس إدارة الموقع الرسمي لقبيلة الدواسر الاستاذ / راشد بن محسن المسعري. وبدأ بتقديم الحفل المنبري لحفل المعايدة السنوي لقبيلة الدواسر العريقة مقدم الحفل عضو مجلس إدارة الموقع الرسمي لقبيلة الدواسر الاستاذ / راشد بن محسن المسعري. الشاعر نايف بن مسرع حيث بدأت مراسم الاحتفال السنوي للمعايدة بقصيدة ترحيبية القاها الاعلامي المعروف والشاعر الكبير/نايف بن مسرع نالت استحسان الجميع يقول فيها: السعر لا من صار في السوق مدبول =بضاعة ترقى وتنزل بضاعة ما أقول شدة تأخذ أيام وتزول=أقول ساعة عن ثمانين ساعة أزاحم التجار والحبل مفتول=وعلى الولي وصل الحبل وإنقطاعه أتعب على الألماس وأغوص للّول=وأجلب ما أظنه للنشامى طماعه ما أقول أنا أملك كنز الابداع بقفول=كلن خذا قسمه بقدر استطاعه والهاجس إللي للجزيلات مجبول =ما كل نسناس يحرك شراعه أحيان والله إنها من الحول للحول=ما قلت للهاجوس سمع وطاعه أبطي ما شفت لشّرد الذايرة زول =في مرتعٍ ما عاودته القطاعه وفي ليلة يفخر بها الشعر ويطول =يا مرحباً بضيوفنا ... والجماعه ترحيبة فيها من الود مدلول =وفيها الغلا والحب يشرق شعاعه في ليلة تجمع مطاليق وزحول =عند أبلج في المرجله طال باعه لا صارّْ كفٍ فالمواجيب مغلول =يمنى ولد مران فيها اندفاعه ودليلها واضح وثابت ومعقول =شيٍ يطيب مشاهده واستماعه الوقت ...والمجهود ...والمال مبذول =وإعن الحسايف ماخذن له مناعه ودام الشعر له وقت وأيام وحلول =نهج خذيته في حياتي وداعه أفرح بدعوات المطاليق وأطول =وبالذات في هذي .. ما أعرف القناعه أسل سيفٍ في لوازمه مسلول =لا طارت بضاعه وبارت بضاعه وإما ارتخت الأسماع للي أباقول =ولا على هجر القصيد ووداعه وش حاجتي في زايد الحكي والقول = لا صار ما يطرب لحاكم سماعه الشيخ محمد بن مران بن قويد وبعد القصيدة الترحيبية القى الشيخ / محمد بن مران آل قويد كلمة ترحيبية رحب فيها بمشايخ واعيان وابناء قبيلة الدواسر والضيوف الكرام الذين حضروا من كل صوب ومكان وهنئاهم بعيد الاضحى المبارك ،وتهنئة بنجاح عملية خادم الحرمين الشريفين صاحب السمو الملكي الملك عبدالله بن عبدالعزيز آل سعود حفظة الله و لصاحب السمو الملكي ولي العهد الامير سلطان بن عيدالعزيز آل سعود حفظة الله وصاحب السمو الملكي الامير سلمان بن عبدالعزيز آل سعود حفظة الله لوصولهم الى ارض الوطن وحمداً على سلامتهما وتهنئة صاحب السمو الملكي الأمير نايف بن عبدالعزيز ال سعود النائب الثاني لرئيس مجلس الوزراء وزير الداخلية والاسرة المالكة والشعب السعودي العزيز والكريم بهذه المناسبة الرائعه ، وتهنئة الحجاج الذي ادوا مناسك الحج ومشاعرة ،سائلين المولى عز وجل أن يديم نعمة الامن والامان والعز والرخاء في ظل حكومتنا الرشيدة المملكة العربية السعودية . وأختتم كلمته بتقديم شكر خاص لموقع قبيلة الدواسر الرسمي على ما يبذلونه في خدمة قبيلتهم وجهودهم الجبارة المشاهدة للعيان وتغطيتهم لأحتفاليات ومناسبات الدواسر في كل مكان ،وقناة الاماكن الفضائية لتغطيتها الاحتفالية السنوية،وقناة الصحراء الفضائية لتغطيتها الاحتفاليةالسنوية. الشيخ/محمد بن هزاع آل حزيم الرجباني وبعدها القيت كلمة وعظية دينية القاها الشيخ/محمد بن هزاع آل حزيم الرجباني دعى من خلالها لولاة الامر وصلاح الامة الاسلامية وتهنئة بعيد الاضحى المبارك واثنى على الاجتماع المبارك لأبناء القبيلة برعاية الشيخ /محمد بن مران آل قويد. الشاعر/تركي بن هذال بن نيف وبعد الكلمه الدينه الوعظيه القيت قصيدة من عضو الموقع الشاعر/تركي بن هذال بن نيف ابدع فبها وقال فيها: يا الله يا لمطلوب يا خير من سيل =يارب يا محيي رميم العظاما يا الله عساها لبو متعب تساهيل =اللي نزل ضعيف بديرة اوباما للإجراء الفحوص اللازمة والتحاليل =وطهور يا معطي العطايا الجساما وترعاك عين منزل الحق تنزيل =وإن نامت عيون البشر ما يناما ومتى على الله ياصلن المراسيل =ونسعد بشوفك يا وريث الاماما رمز العرب درع العرب موفي الكيل =لعداه لا ثار الدخن والعساما والله يحفظك في الليال المقابيل =للدين ذخر يا رفيع المقاما وحبك بنا بقلوب شعبك منازيل =كبيرهم واللي بسن الفطاما وحييت ياسلطان رأس الرياجيل =يأسم على كل الأسامي تسامى ويا مرحباً ترحيبة البدو بالسيل =لا هل وبله من صدوق الغماما ترحيبة من نجد لا شاطي النيل =يسجع بها القمري وطير الحماما ترحيبة بالعود والمسك والهيل =ويسوقها ريح النفل والخزاما بسيدي سلطان ريف المهازيل =ويا بو الآرامل والضعوف اليتاما يا غيث من شحت عليه المداخيل =وعوق الخصيم اللي بخشمه عراما سيف يقص المبهمات المفاتيل =وحر تعزوابه قروم النشاما ويا نجد جاك معدل الميل تعديل =سلمان رمزاً للوفاء والسلاما وما هو عليك ولا على شعبك ابخيل =حظك مع سلمان بنا الخياما سلمان وصفه في العرب كنه سهيل =شخصه عظيم والمواقف عظاما وبسم الدواسر كاسبين التنافيل =ولا كما القطب الشمالي تماما والكم ولانا ورث جيل بثر جيل = أهل البلد واللي رعوا بالجهاما وصلوا على طه وزيدوه تهليل = إعداد من لبى ولبس الحراما والقيت قصيدة اخرى للشاعر/مبارك بن عايض الرجباني نالت استحسان الجميع يقول فيها: يا لله يا للي كلنا نلتجيله =تشفي مليكنا درعنا وسيد السياد تشفيه يا ربي على أهون وسيله =ويعود مرتاح سليم ومزتاد صقر العروبة عزمن ينتميله =أخا الشعوب وفي مشايخ وقياد كم دولتاً تلجأ له وتشتيكيله =ويمدها بالمال من دون حداد ويحل صعبات القضايا الوحيله =ويخلص الكايد ولوزيد عقاد كريم يطوع في الملاقاء قبيله =يعمي عيون الضد لا جات بعناد وعن شعبه يشيل الحمول الثقيله =ومكارمه دايم على شعبه أجداد والعدل والأنصاف خطه سبيله =ومحاسنه من كثرها جالها أعداد الحاكم اللي دايمٍ ندعيله =أليا سجدنا الفرض وإلا تهجاد نطلب من الله ما يعجل رحيله =ويبقى بعز وخير ما ذاق الأنكاد فياء مرحباً اتقال بسم القبيله =بسم الدواسر كلها شيوخ وأفراد ترحيبتاً اعداد وبل المخيله =مهدينها بالمسك والورد والكاد لك يا الأمير اللي قليل مثيله =ياللي مجيك للوطن ثالث اعياد ليلً وصلتوا فيه جاء أعز ليله =فرحو بك الحكام وشعب وبلاد لنك يأبو خالد فعولك جميله =ولي عهد للبلد عز وسناد من دونها ء تاقف بعزم وحيله =وتقمع وتلطم كل طامع وحساد وانت الجزيل اللي مدودك جزيله =وانت الكريم اللي لك المدح ينقاد يا غيت يا مروي الكيود العليله =ياباهج وقاطع ضماء كل وراد نطلب عسى تبقى حياتك طويله =وتقضي حياتك كلها أفراح وسعاد ويا مرحباً أعدادا ماسال سيله =ويلٍ من المنشي تقفاه رعاده لبو فهد راع الخصال الجليله =سلمان كساب الجمايل والأمجاد أمير نجد محقق المستحيله =منصى مشايخ القبايل والأجواد الطيب اللي ما يمد القليله =كريم جزل للجزيلات مداد نهنيك يا راع الوفاء ونفيله =بسلامتك يالقرم ياعرب الجداد ويا محمد بن قويد ياللي نجيله =الياء دعانا لو ورى شط بغداد شيخ ولد شيخ فعوله مهيله =ومن روس شيخان لها أمجاد وشداد مواقفك يالقرم دايم نبيله =تقيم الفرح لا قيل أبو خالد عاد تعلن وفاء لاهل السيوف الصقيله =اللي لا من جاء حكمهم في البلد ساد آل سعود أهم الشجرة الضليله =وحن في ذادهم ننعم بضل وبراد وختامها مناء صلاتاً فضيله =على رسول قوم الدين بجهاد وتتالت القصائد وقصيدة للشاعر/زابن بن محمد آل عمار نالت استحسان الجميع يقول فيها: سلام في ليلة بالعمر مذكور ه=أزكى من المسك لاهبت هبايبها فيها ظهور القمر متجلي نوره =سبحان من تسبح بكونه كواكبها يطرب لها الشاعر اللي ينثر شعوره =يصوغها من قريحته ويرتبها بأفكاره اللي لوقت الضيق مذخوره =منجوبة من هجوس الفكر ناجيها احكمتها وأقبلت بالطيب مشكورة =وحصنتها عن بليد لا يعزربها وقدمتها بالوفاء للحفل وحضوره =دافع محبه ونعطي الناس واجبها نعيش قلب الحدث بالصوت والصورة =عبر القنوات نقراها ونكتبها اليوم عم الفرح في كل معمورة =وتوالت أفراحنا في الأرض قاطبها الغصن عوده يميل وغنت طيوره =والفاتنة للعرب فلة ذوايبها على سلامة ملكنا دامت عصوره =عسى السلامة تواكبه ويواكبها قلوبنا قبل نشر العلم مكسورة =وعيونا تنتظره يعود غايبها الله يجيره صدوف الوقت وشروره =ويلبس ثياب السعادة ويتلببها ملك سلالة ملوكٍ الأرض واسطوره =فخر بلاد الفخر حامي جوانبها يقودها للعلا دوره ورا دوره=بقيادته شامخة ترسي مراكبها قلبه عطوف ونهج الشرع دستوره =يحكم بعدلٍ وعين الله يراقبها وزاد الفرح والرياض فياض ممطوره =استبشرت بعد ما شافت حبايبها تضحك بشوفة ولي العهد مسروره =راعا الوفاء وأروع الأمثال يضربها سلطان رمز له الأمجاد محصوره =تندي كفوفه عطايا ما يحسبها نبع الوفاء وقفته بالطيب مشهوره =حلالها كل ما كبرت مصايبها وسلمان زيزوم نجد وشورها شوره =مقدامها شوفته غاية مكاسبها حازم محنك بفعله طالت شبوره =كل المدايح تناسبه ويناسبها اسماً على صفحة التاريخ محفورة =قادة بلادٍ تعلت في مراتبها المملكة عن يدين العبث محظوره =تبقى على العز صافية مشاربها جرها من اتلى الزمان وغدره وجوره =تدور الأيام ونشاهد عجايبها حوادثٍ تطلع الرجال عن طوره =نصدق احداثها ولا نكذبها عقول متسممة وقلوب مسعورة =يكبر بها الحقد وعدانا تصاحبها أصحو وش اللي حصل يا شعب اخو نوره =عيالنا للفتن ترخى غواربها الام ودورها والاب وش دوره =تمشي مع ناس ما نعرفق مذاهبها الضرس لاسوس يشال وتقطع جذوره =حتى السنون السليمة ما يخربها وأخر كلامي لكل الحفل وحضوره =تحية ما تزف إلا بواجبها والقيت كلمة لضيف حفل شرف المعايدة السنوي سعادة الدكتور جلوي بن مبارك بن عبدالله الجميعة المسعري رئيس مجلس إدارة مبرة الدواسر الخيريّة وعضو شرف الموقع الرسمي لقبيلة الدواسر العريقة كلمة عبر فيها عن اعتزازه بقبيلتة وتلبيتة الدعوة وحظورة من دولة الكويت وتهنئة بعيد الاضحى المبارك ودعوة لزيارة مخيم الدواسر بدولة الكويت الشقيقة. ثم القى الشاعر /بداح بن جمعان ال بريك قصيده يحث فيها على الوحده وتماسك الصف ونبذ الارهاب والتطرف حيث قال: يا الله انا طالبينك لعبدك تستجيب=طلبتا" مقبولت ما يسكر بابها انصر الإسلام واخذل هل الفعل الرهيب =لين نعرف مستواها بذنب صابها من مشى في الأرض بأرهاب ويريد تخريب =مجرماً والحق والعدل ما يرضى بها في وطننا شعب واحد على غم الخريب =الموظف والمواطن سترها وحجابها في ذر آل سعود حصن لها من كل عيب =ولابغاها طامعين تقص أشنابها من على الجدان بالعدل والراي المصيب =حربت مشهورتاً فارين مضرابها لو بعبر فعلهم من قديم ومن قريب =يتعب لساني ورمز القلم ماجابها يوم أبو تركي على الهجن زينات الخبيب =كنها الغزلان لمن استواو ركابها ركبها صاروم نجداً على خبث وطيب=لين عاصين القبايل عرفت ادابها ركبها من مطلع الشمس لاحد المغيب =وخضعتله لين بالعدل ساوانابها نشكر الله كل يوم ينبهنا الخطيب =سنتن غرى ومن حظنا نحظابها الشريعة قدومها مع الحكم الأديب =سنة للمصطفى في العلا نرقبها من عدل منها يعدلون رأسه للمصيب=بالبواتر مرهفات نقص ارقابها حن سعوديين سقمن على جمع الحريب =مثل ديبان سقى سمها بانيابها لا ومرنا حاكم الشعب بالراي الصليب =دارنا برواجنا فدوتن لنرايها حينا في موقف العز ما الموت بغريب =وما كنت للنفس لو هو بعيد صابها حن هل العوجا لخوض المعارك ما نهيب =ويتحمل فعلنا من مشى بسبابها ضربنا من فعلنا ما يداويه الطبيب =يشهد التاريخ وأقصى الملا غنابها سامحوني يا هل العرف لو اخطي ما صيب =فالمثايل تقدح النار من شبابها والختام الشكر وأذكار سيدنا الحبيب =عد ورقا غردة في طويل هظابها وتوالت قصائد شعراء الدواسر بهذة المناسبة الرائعة التي اضفى عليها الشعراء طابعاً آخر وتزينت الاحتفالية بحظورهم الفعال والجميل. وقصيدة مع الشاعر /محمد بن مبروك الجعيدي نالت استحسان الجميع ويقول فيها: هلا يا مرحبا ترحيبة تثبت على المشراف=من قلوب بعودة سيدي سلطان مسرورة تباشير الفرح فـ المملكة يا سيدي تنشاف=وكل الشعب يهتف ويتعزوا بك يا خو نورة من الأعماق تظهرها الحناجر والقلوب صخاف=مشاعرنا نبرهنها لكم بالصوت والصورة أهال المدن وأهال القرى وأيضاً هل الأرياف =تحسب العام بأيامه وساعاته وبشهوره وفي عودة ولي العهد من لأطراف لـ لأطراف=تبادل بالتهاني والفرح والأرض ممطورة يبين أصل التلاحم والوفاء والحب فالميقاف=ما بين الشعب والقادة معاني حب مأثورة تجلت وأعتلت وأعطت معانيها على ما طاف =بشرع الله نهي المنكر وشرع الله مأمورة مزيد من التقدم والتطور يا سمو الأهداف =بعودة سيدي سلطان غني الشاعر شعوره نهني خادم البيتين عبدالله على الإنصاف =ونهي ادار وأهل الدار حكامه ودستوره تعابير الفرح تزداد وتزيد القلوب هتاف=تشب الضوء ويفوح العطر ودلال منحورة أهال الفكر وأهل الشعر وأهل الرسم والوصاف=تبي تلحق سما مجدك وترسم منه لو صورة يجف الحبر وتلف الصحف وتكاتف الأعراف =ونكتب جملةٍ وحدةفقط سلطان الأسطورة بحر والبحر له شاطئ وله ساحل وله محراف =وابو خالد يحط البحر في قطرة من أسطورة نبي وصف لبو خالد ولكنه عديم أوصاف =على الديرة وأهلها يظفي بعطفه ومذخورة وناقف وقفة أمير الوفاء سلمان فـ الميقاف =وندرس سيرته ونعلم ابنائنا على شورة بعودتكم علينا يا هل العوجا بدون خلاف=وأعداكم بإذن الله مطرودة ومدحورة ولاكم في ضمايرنا يجددوالقلوب نظاف =يعيش الحاكم العادل وحكم الله دستورة هلا يا مرحباً ترحيبة تثبت على المشراف =تراحيب تردد بالوفاء لعيون أخو نورة وتألق المبدع الشاعر/سعد بن محمد المصارير بألقاءة قصيدتين نالت استحسان الجميع ويقول فيها: دعيت الخيال ألي خذاله حوالي حول،=أحايله لجل أيحل حولي ولاحتلته، ولقيته أمخيم في نفوس العرب مشغول،=مع الواقع إللي من خلاله تخيلته، يحاتي وهو مشغول رجعت أجمال أحمول، =ويرمي على وجه التباشير بسألته وبعد رجعتك يلي لك البال عرض وطول،=تسجل وسجل في سجلي وسجلته هلا يامبين بين الفعل قبل القول،=هلا ياطويلن طايل المجد نزلته، على قاعدت يستفعل الفاعل المفعول،=بطايل أذراعك مابقا مجد ماطلته، برجعتك ياسلطان جا للقوافي دول،=أصعيبن جهدها و بسلامتك سهلته، معك ساعدك ليمن يقول بثقه ويطول،=أفعوله على روس المخاليق حاملته، حكيم الوسايل لاشكا السائل المسئول،=عميل الوفا تسمو نتيجت أمعاملته أمحال الحللول بنضرت الفيصلي معقول،=على سلم سلمان العداله تأملته تفوقت يالعادل على عدلت المعدول،=بمعدال عدلك معوج الراي عدلته ترى حبكم كافل،، وكل البشر مكفول،=مادام الكفيل أركان الاسلام كافلته ترحب بكم كل الجزيره بحر وسهول،=ويحلو بكم قافن حلالي وحللته بحفل الدواسر جيت ياقافي المفتول،=صعيبن على روادت الصعب شاكلته مرامك تشارك ربعك بحفلهم وتقول،=عسى الله يديم لبيرق العز حاملته وقال في القصيده اللتي ادهشت الحضور واشعلت الحفل: ياطير يلي لجزل الصيد صياد=يلي طلع فعلك فريدن محايد طلعك بعيد وجسر وعيونك أحداد=وفيك الوصوف الحاتميه عدايد وتقدم على الشارد ولا فيك معواد=وتروض الصعب العنيد المعايد ومن قو فعلك كل مادنيت نياد =سموك أبا الفزعات وقت الشدايد عندي لك أسمن كفو،، له عدت أبعاد =أسمن يشرف كل راعي حمايد دوسر ،،ولامنه غلب حجمك وزاد؟=فعذرك معك،، دوسر على الناس كايد أسمن حشا ماتجمع أبعاده أعداد=لانه جمع مابين تغلب وزايد تغلب تغلب أمدبر الحرب لنقاد=وزايد طغا فعله على كل زايد قومن يعطر ذكرها سيرت أمجاد=ومجدن بدتبه قوم بين اللحايد ساسه قديم وعسر وثيابه أجداد=لكن مع لجيال ضمن الجدايد واليوم ورث أجداد لوجيه الاحفاد =وألاحفاد تفخربه سنين مدايد نورن يبث الود فوجيه ألجواد=طورن يجث الضد وقت الضدايد ربعي شنار الحرب صبحن ومهجاد =صغيرهم في دومت الحرب قايد لاصدرو من عقب طرقه وميراد=راحت عداهم عن نحاهم بدايد ولامن دعا للموت داعي ونشاد=ماعاد خلو من عداهم شرايد ولاحال واحدهم عن امحايله ذاد=وأن ضكته بقعا وسيع البنايد وأن كان كسب الطيب لطيب أعياد=كسب النفايل عند ربعي عوايد وأنقلتلي وش عاد باقول وش عاد=دوسر على الاسما بلفعال سايد وكان ختام القصائد بالمسك والكادي مع قصيدة متميزة لمراقب الموقع المميز الاستاذ الشاعر / شافي بن راشد النتيفات نالت استحسان الجميع وقال في البدايه قصيدة بالشيخ/محمد بن مران راعي الحفل، حيث يقول بها: أنا أشهد أنك يا وسيع البنايد =يا محمد بن قويد يا طيب طيبك ما دامني خابرك ذخر الشدايد =والله لروس الكايدة واعتزي بيك صابر على ما قيل يا أبا الهوايد =من كان وقت اللقاء يشفيك الجود بحلوق النشامي قلايد =وانته بنسختيه يا ولد من نصيبك سويت من بين الرقاقة تعايد =خذيتها بالغرم من طيب طيبك اما قصيده المشاركه في سلامة العوده لولي العهد وسلمان الوفاء قال: استبشري يا ديار عزها دامى =يالمملكة عاد عيدك بعد الأعيادي من يوم عادو فخرنا عز الإسلامى=سلطان أبو خالد وسلمان لبلادي الحمد للي علينا رد الاهرامى =رمز الوفاء والأخوة روس الأسيادي طهور والله يزيل الشر وادامى =أفراحنا من سعدكم يأهل الأمجادي بوجودكم يا رموز المجد الاعلامى =رفت وخير الوطن بوجودكم زادي سلطان قايد جيوش الدار مقدامى=باب الشجاعة يبين بوجهه البادي أبو ضعيف الجهد وأبو للأيتامى =وأبو الفقارى وابو من حده الحادي وأبو سجين حداه السيف واخصامى =ينجيه بعد الله بجاهه والأيادي راع الفخر والكرم والعز لاقامى =مقامه يزيح هم صار منقادي وان قلت سلمان جفت منه الأقلامى =أمير نجد وذراها لاحتمى المادي خمسين عام وعليها خمسة أعوامى =شامخ كما طويق يعمي كل حسادي أبو التواضع وأبو الحكمة والاسهامى =بالخير نلقى طويل العمر ما حادي الشعب في شوفكم يا عزة حيامى =يا درعنا إن جاءتنا سرداد مردادي ويا فخرنا اللي يوطي روس الأقزامى =ويا وجهنا اللي نماريبه للابدادي يا لله يا والى أحفظ ذخر الأمامى =عيال عبد العزيز موطي العادي والله يرد الملك ويعز الإسلامى =وأحفظ بلدنا من الأشرار ياهادي وقد واختتم الحفل السنوي لمعايدة قبيلة الدواسر العريقة بتكريم ضيف الشرف وتكريم الشعراء المشاركين الذين اثروا الاحتفال بقصائدهم الرائعه والجميلة والموقع الرسمي لقبيلة الدواسر العريقة. تكريم ضيف شرف الاحتفال السنوي لمعايدة قبيلة الدواسر سعادة الدكتور جلوي بن مبارك بن عبدالله الجميعة المسعري رئيس مجلس إدارة مبرة الدواسر الخيريّة وعضو شرف الموقع الرسمي لقبيلة الدواسر العريقة استلمة من راعي الحفل الشيخ / محمد بن مران آل قويد تكريم عضو الموقع الشاعر /تركي بن هذال الودعني استلمة من راعي الحفل الشيخ / محمد بن مران آل قويد. تكريم الشاعر/ مبارك بن عايض الرجباني استلمة من راعي الحفل الشيخ / محمد بن مران آل قويد. تكريم الشاعر/زابن بن محمد آل عمار استلمة من راعي الحفل الشيخ / محمد بن مران آل قويد. تكريم مراقب موقع قبيلة الدواسر الرسمي الاستاذ الشاعر / شافي بن راشد النتيفات استلمة من راعي الحفل الشيخ / محمد بن مران آل قويد. تكريم الشاعر المتألق/ سعد بن محمد المصارير استلمة من راعي الحفل الشيخ / محمد بن مران آل قويد. تكريم الشاعر / محمد بن مبروك الجعيدي استلمة من راعي الحفل الشيخ / محمد بن مران آل قويد. تكريم موقع قبيلة الدواسر الرسمي استلمة عضو مجلس إدارة موقع قبيلة الدواسر الرسمي الاستاذ / خميس بن مطر الغييثي من راعي الحفل الشيخ / محمد بن مران آل قويد تكريم مقدم الحفل عضو مجلس إدارة موقع قبيلة الدواسر الرسمي الاستاذ / راشد بن عبدالمحسن المسعري استلمة من راعي الحفل الشيخ / محمد بن مران آل قويد لقطات مصوّرة لـ حفل المعايدة السنوي بمناسبة عبد الأضحى المبارك : عضو شرف موقع الدواسر الدكتور/جلوي بن مبارك الجميعه واحد ضيوف القبيلة. من اليمين الشيخ سالم بن نهّيد الذلوق الرجباني ثم الشيخ مشبب بن ظافر الهلقمي الشيخ/سلمان ابا الروس القريني امير قبيلة القرينيه والشيخ/محمد بن مران بن قويد عضو شرف موقع الدواسر الشيخ/فيحان بن شجاع بن سويلمه ال بريك عضو شرف موقع الدواسر الشيخ/راشد بن فهد البحري النتيفات من اليمين المهندس / عبدالعزيز بن محمد السلطان ويليه النقيب/ محمد بن فيحان بن سويلمه ويليه نادر المسعري. يظهر باليسار الشيخ عبدالله بن عبيد بن محمد آل وتيد آل عمّار. من اليمين الرائد/ سالم بن عبدالله الشكره وبجانبه الشيخ عبدالله بن عبيد بن محمد آل وتيد آل عمّار. من اليمين الشيخ محمد بن عبدالعزبز السلطان الودعاني ثم إداري الموقع خميس الغييثي ثم المهندس عبدالعزيز بن محمد السلطان الودعاني في الختام ، نتقدم بخالص الشكر والتقدير لـ الشيخ محمد بن مرّان بن قويد على إقامته المعايدة السنويّة لأبناء قبيلة الدواسر بالرياض وما جاورها وحفلاً لقبيلة الدواسر بمناسبة بنجاح عملية خادم الحرمين الشريفين الملك عبدالله بن عبدالعزيز آل سعود حفظة الله. وسلامة وصول صاحب السمو الملكي الامير/سلطان بن عبدالعزيز آل سعود ولي العهد. وصاحب السمو الملكي الامير / سلمان بن عبدالعزيز آل سعود أميرمنطقة الرياض الى أرض الوطن الغالي. وهذا ليس بغريبٍ عليه فهو سليل الكرم والجود . (صوت قبيلة الدواسر) منتدى قبيلة الدواسر الرسمي www.alduwasser.org/vb

 

 

 

 

[معلومات العضو أبو ريم]

الله يوفق ابو مران على جمعاه لابنا عمومته و الله يبيض وجهه ويكثر من امثاله

 

 

 

 

[معلومات العضو مبارك بن شافي النتيفات]

السلام عليكم ورحمة الله وبركاته

اتقدم بخالص بالشكر للشيخ محمد بن مران بن قويد على اقامته لهذا الحفل وجمعا بني عمه

الله يبيض وجهه ولا هوب غريب منه شيخ ولد شيخ

كما اشكر كل من حظر وشارك والله يعطيكم العافية جميعا

والشكر كذلك موصول لإدارتنا الكريمة على ماقامت به من جهود جبارة

بيض الله وجيهكم جميعا

تحياتي وتقديري

 

 

 

 

[معلومات العضو الكاتم]

الله يجمعكم على العز والطاعة ولا يفرقكم يابني عمي

ببارك الله فيمن تكلف وجمع بني عمه

والسنوات الاخيره تبشر بالخير باجتماعات وتكاتف في

السعوديه والخليج متمثل في مبرة الدواسر في الكويت

واصلاح ذات البين وحل المشاكل والصعوبات

 

 

 

 

[معلومات العضو شافي بن راشد النتيفات]

بيض الله وجه الشيخ محمد بن مران على هذا الحفل وعلى جميع الاحتفالات التي يقوم بها لجمع بني عمه والتواصل بينهم وهذا الامر مايستغرب على رجل من سلالة الشيخ مران بن قويد راع الايادي البيضاء في خدمة بني عمه اطال عمره على الطاعه كما لايفوتني ان اشكر ادارة الموقع على تغطية الحفل وعلى الاخوان الذين قامو بهذه التغطية وغيرها من المناسبات وفق الله الجميع

 

 

 

 

[معلومات العضو محمد بن فهد الرجباني انتقل الى رحمة الله مساء الاحد الموافق27-11-2011رحمه الله واسكنه فسيح جناته]

يستاهل الطيب والناموس الشيخ /محمد بن مران بن قويد

بيض الله وجهه حفل وجمعا ومعزة وتواصل وتعارف وجمع الطيب والكرم والله لا يهينه.

وشكر خاص للادارة الكريمة على تغطية الاحتفالية وجميع مناسبات الدواسر والله يبيض وجيهم

تحياتي وتقديري~ْ،

 

 

 

 

[معلومات العضو عبدالكريم العماري]

بيض الله وجه الشيخ محمد بن مران بن قويد على جهوده الدائمة في جمع أبناء القبيلة
ونشكر الإدارة على تغطية الحفل

 

 

 

 

[معلومات العضو ابومبخوت الدوسري]

بيض الله وجه الشيخ / محمد بن مران بن قويد
على مجهوداته الكبيره والطيب في جمع أبناء القبيلة

ونشكر الإدارة على تغطية الحفل

والشكر للشعراء المبدعين وبيض الله وجوهم وصحت السنتهم


تقبلوا تحياتي وتقديري

 

 

 

 

[معلومات العضو عايض بن فهاد]

بيض الله وجه الشيخ محمد بن مران بن قويد

على جهوده الدائمة في جمع أبناء القبيلة

ونشكر الإدارة على تغطية الحفل

 

 

 

 

[معلومات العضو ناصر بن فهد]

بيض الله وجه محمد بن مران ع فعله وهذا ليس غريب من سموه .

واشكر الاداره ع التغطيه وبيض الله وجهها .