قال الشاعر / عبدالله بن حمير آل سابر الدوسري .

[معلومات العضو يحيى الودعاني]

بسم الله الرحمن الرحيم


محاورة بين اثنين من اجل التفحيط و إزعاج البواري

قال الشاعر / عبدالله بن حمير آل سابر الدوسري .

قال لي : عزمت بسافر ازياره = ما كرهت الدار لا و الدار غالي
قلت : ليش تروح يا صبي النعاره = موطنك موطن عزيزين الرجالي
قال : صح ولا فتى يترك دياره = كون رجل في غلاها ما يبالي
قلت له : مثلك يسافر باختياره = يطلب الخمس الفوايد يا حلالي
قال لي : نسيت والسادس اتجاره = با شرحه لك عقب ما بان السؤالي
قال لي : مذهول من صبيان حاره = ذا يفحط ذا يصايح ذا يلالي
قلت له : معلوم بانت لي الاشارة = صادق ما قلت من فعل الهبالي
قال لي : وايضا تجرعت المراره = من البواري المزعجة يا هم لالي
قلت : ذي النجدة وراهم بالخفاره = جازت اللي تقبضه من العقل خالي
قال لي : صحيح تعمل بالجداره = ما نسينا فضلها في كل حالي
قلت له : سلمان ما تسمع قراره = لجل راحتنا و تاديب المغالي
قال لي : مسرور كنها لي بشاره = سيدي سلمان ما قصر بحالي
قلت له : من عقب ذا ما به غياره = اصبح الجهال يمشون ابعدالي
قال : ما زلنا نعاني من العياره = من غرور امترفين ما تبالي
قلت له : خل المهبل في المغاره = حاول انك بعيد عنهم يا حلالي
قال لي : ما شفت لاعطتك الاشاره = وش يصير من البواري والخبالي
قلت له : معلوم ما هاذي شطاره = قصدهم تقفز وراء السيد الموالي
قال لي : في ذمتك هاذي جداره = أو سخف عقل ونقص و انحلالي
قلت له : قول يصدقه اعتباره = ان راعي العقل في عز وجلالي
قال لي : واعذر سلمت من الغياره = عازم اروح وافسح لي مجالي
قلت له : سافر عساها لك سفاره = ولا تجي من ديرتك يا فلان سالي
قال : لا والله لكنها زياره = في طلب دار بها الازعاج خالي

الرياض 19/11/1392هـ






واحة الشعر الشعبي
عبدالله بن حمير آل سابر الدوسري
ج/6

 

 

 

 

[معلومات العضو يحيى الودعاني]

وين الربع
المشاركة له يومين وين الناس؟[i]

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

يحيى الودعاني


لاهنت وبيض الله وجهك ومشاركة رائعه من شخصٍ أروع

وصح الله لسانك ولسان الشاعر عبدالله بن حمير الدوسري

اللذي تطرق موضوعٍ منتشر بين الشباب هداهم الله


تحياتي لك

محب الجميع : دغش البطي

 

 

 

 

[معلومات العضو فهد الغريري]

اخوي العزيز يحيى الودعاني

اررررررررررررحب ياذيباااااااااااان لا تواخذنا ياخوك معادبه شوف عسى الله يزنها

وصح الله لسانك ولسان الشاعر عبدالله بن حمير الدوسري

وتقبل تقديري واحترامي

اخوك / فهد الغريري

 

 

 

 

[معلومات العضو يحيى الودعاني]

دغش البطي
فهد الغريري

حياكم الله
مروركم شرف لي