يانسيم الليل سلم لي على اللي مانسيته

[معلومات العضو الهاج ـري]

يانسيم الليل سلم لي على اللي مانسيته=شوقي وبشرني لعله مانساني
واهنيك يوم تاصل ديرته وتمر بيته=اما انا شفق على شوفه وحاديني زماني
لاذكرت اللي كتبت اسمه على الرمل ومحيته=كل شي يطيح من عيني يطيّح شي ثاني
ترخص اغلى صورة تعرض في الاسواق المقيته=وينكسر بروازها بين المفرط والاناني
الدفاع الصلب لو صد الفهد مامستميته=الفرح عامه شهر وايامه اسابيعه ثواني
الطعام ان قل والا زاد ملحه ماكليته=كيف صرت اسعى ورا ناس ضحيتهم كياني
طالت المده وخط الظرف الابيض ماقريته=الاول يعاني من الحرمان والثاني يعاني
ما ابغي الا اللي لو ان غيره بغاني ما بغيته=اشري اللي باعني لاجله وابيع اللي شراني
من كثر ماموت فيه اموت في حيه وميته=بيني وبينه مابين سهيل والركن اليماني
وان نويت الصبر والسلوان دونه ماقويته=صورته فعيوني الثنتين واسمه في لساني

 

 

 

 

[معلومات العضو ابو حسين الدوسري]

الله عليك يبو الوليد
اشتقنا لك ولذائقتك الشعريه
صح السان الشاعر وتسلم يمينك وانا اخوك
خالص التقدير

 

 

 

 

[معلومات العضو شافي بن راشد النتيفات]

يعطيك الف عافية على الطرح
الرائع والمميز
تحياااتي لك

 

 

 

 

[معلومات العضو برقن سرى]

الطعام ان قل والا زاد ملحه ماكليته=كيف صرت اسعى ورا ناس ضحيتهم كياني

الله الله

صح لسااانك ولسااان الشاااعر ... تقبل مروووري

 

 

 

 

[معلومات العضو نآصر البدراني]

أررررحب يا الهاجرررررري


عقب هالصيده ماعاد يسوى شئ قيس عشيق ليلى !


صح لسانكـ ولاهنت ..

 

 

 

 

[معلومات العضو نجدية]

وان نـويـت الصـبـر والسـلـوان دونـــه ماقـويـتـه
صـورتـه فعيـونـي الثنتـيـن واسـمـه فــي لسـانـي

الله ... ابدعت لاهنت ع الطرح الراقي