ياسلامي عد من زار مكه و الحطيم

[معلومات العضو فتى الجود]

السلام عليكم مساكم الله بالخير ياجماعه ودنا نتونس مع النشمي القريب لكن ترا رفيقكم نومه بدري (خبركم بالشيبان) نبيها اول الليل

القريب ياستلم:

ياسلامي عد من زار مكه و الحطيم ** ودنا ياصحابنا نفيد ولا نستفيد

وين بلقى لي خوين على المنعى حكيم ** مانبي ناسن تلحن لحن عبد المجيد

اخوكم فتى الجود

 

 

 

 

[معلومات العضو المسعري]

ارحب يافتى الجود
والله انها مشكله شاعر يطرح له بيتين مايلقا من يرد عليه الصوت وين شعار المحاوره كملوا ياكافي الشر
على كل حال ارحب يابن العم وترى فضوه اخوك بعد العشاء من الساعه تسع وفيها

خلوووووووووووووووووووووووها

مرحبا وعداد ماذعذع شريق النسيم=ياعميلاً دايما رايكم راياً سديد
غلف المعنى وهات الحقايق يالكريم=لاتغرك بنت عنتر ملاعبة العبيد

 

 

 

 

[معلومات العضو ابن وتيد السباعي]

يقول الشاعر/فتى الجود

ياسلامي عد من زار مكه و الحطيم = ودنا ياصحابنا نفيد ولا نستفيد
وين بلقى لي خوين على المنعى حكيم = مانبي ناسن تلحن لحن عبد المجيد

يرد الشاعر/المسعري

مرحبا وعداد ماذعذع شريق النسيم=ياعميلاً دايما رايكـم رايـاً سديـد
غلف المعنى وهات الحقايق يالكريم=لاتغرك بنت عنتر ملاعبـة العبيـد

صح لسان الجميع ملايييييييييييييييييييييين


عملاقه المحاوره وبدايه رائعه


سر اللييييييييييييييييييييييييل وين الصفوف

 

 

 

 

[معلومات العضو المسعري]

ارحب يابن وتيد
ماشاء الله عليك ياحظره المشرف مع الحدث
اخوي فتى الجود تراني فضوتي الليل بعد تسع

 

 

 

 

[معلومات العضو فتى الجود]

ارحب مليوووووووووووووووون يالمسعري والله بغناها ذاك الليل تعنيت لين حصلت نت لكن الي مايقسم كايد

اررررررررررررررررحب يابن العم والظاهر ان التوقيت ماهو جاي على الكيف اخوك صبي نهار!! على كل حال ترا الله مخيرك ودك نواصل ولا ودك توقفها! لو ان المحاوره معك ومع شرواك نشفق عليها

استلم:

مرحبا و اعداد نبت النخل وسط القصيم ** يالسنافي خابرك مصدر العلم الوكيد

قالوا انك رحت زاير على اصحاب النسيم ** ما تخبر صاحبك لو رساله في البريد