النور غاب.. للشاعر سعد الشعيفان

[معلومات العضو سيف العمور]

الساعة الثانية ليلاً ليلة الخميس 31/7/97 فوق بحر الصين الجنوبي بعد الخروج من مانيلا بعد نهاية آخر اجتماع لمجلس إدارة شركة بترون


قصيده رائعه ..للشاعر سعد بن راشد الشعيفان

أترككم للاستمتاع والابحار في ابياتها ..




النور غاب وجاب سرباله الليل
وطيار ابو منذر على الغيم علا

على يمينه فوقنا الجدي وسهيل
وعلى يساره تحت ساحل مانيلا

يمخر عباب الجو ميل ورى ميل
هد الجناح ومن قيوده تخلى

الجو صافي والسما مثل الاكليل
كن الجواهر من عنانه تدلى

لوحة بها اتقان عبرة وتدليل
في روعته رب الجلاله تجلى

بلحظة تأمل عدت للخلـف بالحيـل
وشريط عمري صرت فيه أتسلـى

رجعت للماضي بعبـرة و تحليـل
وبعثرت باللي مـن سنينـي تولـى

عام ورى عام و جيـل بعـد جيـل
فيها مـن العلقـم و فيهـا المحـلا

فيها خذيت من الهنا وافـي الكيـل
وفيها (زمان الحظ) عنـي تخلـى

أحيان بالعالي و نشـرب شخاليـل
ونشم من صافي الهواء مـا تعلـى

واحيان بالوادي على مجرف السيل
لا قلت: لالا ... جاوب الوقت: الا

فيها الصديق اللي على العدل والميل
وفيها صديق وقت الازمـات خـلاّ

وفيها انتهازي عاش بالقال و القيـل
لا رحت سب واليا التقا فيك هـلاّ

ان كنت ترجي كل دربك تساهيل
رايك سديد وراي غيرك يخلا


ان هي صفت كل الرفاقة لك تميل
وان هي جفت أقرب قريب يتخلى

 

 

 

 

[معلومات العضو ابن شميعان]

سيف العمور لاهنت على القصيده

صح لسان الشاعر


تحيااااااااااااااتي لك


نايف ابن شميعان

 

 

 

 

[معلومات العضو خيالية]

صح لسااان الشاعر ،، وسلمت يمينك ،،

 

 

 

 

[معلومات العضو دغش محمد الصخابرة]

لاهنت اخوي سيف على القصيدة ,,,,,,,,,,,صح السان الشاعر,,,,,,,ويعطيك العافيه

 

 

 

 

[معلومات العضو سيف العمور]

الاعزاء

نايف بن شميعان

الخياليه

دغش بن محمد الدوسري

بالنيابه عن الشاعر, صح الله ابدانكم . وسلمت ايمانكم

ودمتم بود

 

 

 

 

[معلومات العضو نايف الخييلي]

وفيها انتهازي عاش بالقال و القيـل *** لا رحت سب واليا التقا فيك هـلاّ

بيت جميل من قصيده رائعه وعذبه

صح لسان الشاعر والشكر للناقل

إختيار وإنتقاء رائع

 

 

 

 

[معلومات العضو فتى الشكرة]

صح لسااان الشاعر ،، وسلمت يمينك ،،

 

 

 

 

[معلومات العضو سيف العمور]

نايف الخييلي.. مشكور على المرور والتعليق وصح الله بدنك بالنيابه عن الشاعر

والله لايهينك وتسلم


فتى الشكره... صح الله لسانك ويمينك الله لايهينك. وتسلم