يا حمود مالي غير حزني والاوهام...

[معلومات العضو ابو ملهي العنزي]

ياحمود ليه الوقت قاسي والايام=ياحمود ليه النوم عيا يجيني
صدري تزاحم به هواجيس واوهام=ولا يسليني سوى سيل عيني
اشكي ظلام الليل والناس نيام=واقول علّه يسمع المشتكيني
لكن يغيب وكنه يقول لوّام=الظاهر انّك زدتها حبتيني
ياحمود رجلي كل ماقلت قدام=قالت علامك مثلما التايهيني
وليا لفيت الناس مشتاق باكوام=كنّي غريب ولا حدٍ يرتجيني
ياحمود مالي غير حزني والاوهام=وشعرٍن يردّد بالقوافي ونيني
اطرد زفيري واشهق الهم بانغام=كنها هدير الموج منّي وفيني
ذي علّتي ياحمود من قبل هالعام=والله يستر وش تخبّي سنيني
كنّي سجينن ينتظر حكم الاعدام=يكتب على حيطه بقت ساعتيني
يالله تديم القاف ذخري والالهام=وحمود هاللي في خيالي دفيني
الحمد لله رايتي تحت الاسلام=يالله عسى الجنّه بها تحتويني

[/poem]

 

 

 

 

[معلومات العضو مبارك الخييلي]

اللهم آمين


عسى الجنه مثواك ومثوانا ومثوا جميع المسلمين



أبو ملهي العنزي


صح ألسانك وعتلى شانك


وقصيدة جداً رائعة وجميله

تم التقييم


تقبل شكري والتقدير

 

 

 

 

[معلومات العضو نجــــــــــديه]

الله المستعان يابو ملهي من مايشتكي
الدنيا ماخلت صغير ولاكبير
بس الله يرزقنا وياك الجنه
وصح لسانك دوم مو يوم
وتسلم على ماجزل به قلمك
تقبل جزيل شكري وتقديري

 

 

 

 

[معلومات العضو سالم بن صمهود]

الحمد لله رايتي تحـت الاسـلام=يالله عسى الجنّه بهـا تحتوينـي


امين وكل المسلمين

ابوملهلي صح الله لسانك وفي انتظار جديدك

 

 

 

 

[معلومات العضو ابن مرضي الدوسري]

صح السنك وعتلا شتك ...ابوملهلي

 

 

 

 

[معلومات العضو يحيى الودعاني]

صح لسانك و اعتلا شانك

لاهنت

 

 

 

 

[معلومات العضو فيصل بن جزاء]

ابوملهي العنزي

صح لسانك ملايين جزله من شاعر جزل

ننتظر جديدك دائما

خالص تقديري واحترامي

 

 

 

 

[معلومات العضو محمد الولامين]

ابو ملهي العنزي ... صح لسانك مليون عساك ماتهون


وسلمت يمناك على ماقدمت

 

 

 

 

[معلومات العضو ابو ملهي العنزي]

لا هنتوا على ردودكم
ولكم الشكر جميع
واقبلو تحياتي

 

 

 

 

[معلومات العضو ولد ودعان]

صح لسانك يا بو ملهي
شاعر وافي نفس ما عودتنا
تقبل مروري

 

 

 

 

[معلومات العضو السيف دايـم]

ابوملهي العنزي صح لسانك ملايين جزله من شاعر جزل ننتظر جديدك دائما