يم العيون الناعسات الظليله @ من شاف سودك ماتهنى بنومه

[معلومات العضو محمد الجبريني]

مساء الخير جميعٍ
للتواصل معكم احبابي الكرام
استلمو ولا تحرمونني من مروركم ونقدكم ووجهات انظاركم
ودمتم بألف خير

يم العيون الناعسات الظليله =من شاف سودك ماتهنى بنومه
يمسي وهو يشكي لنفسه غليله=والله يلوم اللي ياحلوه يلومه
انا دخيل اطراف رمشك دخيله=كوني على العشاق اقل شي رحومه
تري الغلى يابنت مابه وسيله =ياويل حالي لا طرتلي علومه
قسم بربي ذقت منه الهويله =رغم انني شخص(ن) قويه عزومه
ارسي لعسراة الأمورالثقيله=ولاخير في من لايقوم بلزومه
وارقى بروس النايفات الطويله =واليا بغيت الشي ماروح اهومه
وانتي بوصلك لاتكوني بخيله=وعهد لوفاء يابنت فيه مخدومه
روفي بحالي طالبك ياجميله=وترفقي بي لاتكوني ظلومه
معاد لي فالحب يابنت حيله =دام المشاعر بالغرام محكومه
ياعاقله يارازنه ياثقيله=ياوافيه يامخلصه يامحشومه
ياالطايعه يالرااائعه يالأصيله =ياالغاليه يالحاليه يالحلومه
اموت والله في شقار الجديله=ماشفت لك والله حلي فى النعومه
خشمٍ كما حد السيوف الصقيله=يشبه لحد السيف لحظت هجومه
وشفايفك وخدودك المستطيله=احس بعظ احيان منها بسومه
ومربوعت القامه ولنتي طويله =ونهود مامرة عليها الأمومه
وخصرين.. آآآخر حد.. جداً نحيله=لشافها العاشق يشقق هدومه
في ذمتي فالكون مالك مثيله= ونفسي وربي في حلا ك مغرومه
من كثر ماحبك مافيني عقيله=اسهر طوال الليل اعدد نجومه
ياليتك اتكونين ليه حليله= والله لقول ادللي.. يا.. حكومه
بحر الهواء يابنت من هو يميله=يغرق لاكان انه مايعرف يعومه
والخيل ينبي عنه قوة صهيله=والحر له ميقاع محداً يحومه
والا ش.. مصير الفشل.. والفشيله =ولو ينعرض للبيع محداً.. يسومه
واختامها يابنت انا من قبيله=كيد العداء لا جا نهار الخصومه
واللي يعادي ربعتي عزتيله =يموت ماحقق لو اصغر حلومه

وسلامتكم

 

 

 

 

[معلومات العضو معكوس]

صح السانك ولاهنت

 

 

 

 

[معلومات العضو راشد المسعري]

صح لسانك يامحمد وانت شاعر جزل ومايجي منك الا الجزل وعندي ملاحظة على بعض قصائدك وهي ملاحظة إعجاب وليس نقد وهي أنه حتى والقصيدة غزلية أجدك في آخرها تفخر بقبيلتك وأنت تستاهل وسليم يستاهلون المدح والتاريخ يشهد.
تقبل ودي وتقديري ،،،

 

 

 

 

[معلومات العضو المطنوخه]

صح لسانك اخوي ولاهنت على الطرح..

 

 

 

 

[معلومات العضو محمد الولامين]

محمد الجبريني

صح لسانك مليون عساك ماتهون

ولاهنت على ماقدمت

 

 

 

 

[معلومات العضو أبونواف الدوسري]

سلمك الله من كل شر ..

وصح السانك أخي محمد الجبريني..

وفقك الله..