لاد العميري مكرمين الخطاطير ( الشاعر تميم بن عبيد)

**معلومات** **العضو** · 17-01-2009, 09:51 AM

بسم الله الرحمن الرحيم

هذا طوّل الله عماركم الشاعر تميم بن عبيد ابن حويل الخييلي يقول مادحاً العمور وهم اهلً للمدح من قديم الوقت الى اليوم ومناسبتها عند ماسيّر عليهم فالخرج , ومن باب رد الوفا وذكرهم وماقدموه من ترحيب وكرم لايُستغرب من اهله فهم ربعً عاداتهم الطيب وعاداتهم الفعل اللى يطلق وجه اهله قال هذي القصيده يُثني عليهم وعلى من التقى بهم ويقول ابو عبيد :

يابو سعود امسً مشينا مسايير= لمحافظة الخرج ربعً لهم شان
خطلان الايدي بالليالي المعاسير = اليا قصر من المرجله ولد كوبان
لاد العميري مكرمين الخطاطير = اللى لهم في عالي المجد عنوان
شبال الاسود اللى تهز الطوابير =لمن التحم بالجو عجً ودخان
وصارت بدايتنا على سالم الزير = اول بدايتنا على بيت شبنان
كريم سبلا اللى يعش الخطاطير = هداج تيما مشبعً كل جيعان
وثوينيً جانا حدته السعاطير =مستارثً المرجله من كحيلان
واميرهم شلهوب يستاهل امير= حرً نداويً على راس مابان
نسل الفهود اللى تفك المعاشير =لا اكلحن الانياب وزاغن الاذهان
وعيال هادي من رجالً مشاهير =تذكر فعايلهم على مر الازمان
وسعودسعده باديً كنه النير= حاز المراجل كلها ولد خرصان
وغالب غلاب بحور الزواخير = بالمرجله غالب وبالطيب بستان
وختامها العشاي ياخاتمه خير=فرخ النداوي حازها سر واعلان
ومن لاذكرت اسمه فلا جاب تقصير = وارجو السموحه كان بالقول نقصان
انتم بني عمي على الشر والخير =وان احمد الله بني عم واخوان
وتمت وصلوا عد ماغرد الطير = على النبي الهاشمي نسل عدنان

http://www.kll2.com/dldcLg96967.3gp.html

القصيده صوتياً

وسلامتكم ولكم خالص التقدير

اخوكم \ نايف الخييلي

**معلومات** **العضو** · 17-01-2009, 11:44 AM

أرحب يابو فهاد

حيه وحي ماجاب ، وصح لسان الشاعر تميم بن عبيد بن حويل الخييلي على هذه القصيدة الجزلة التي قيلت فيمن يستحقولنها ويستاهلون لاد العميري كل ماقيل فيهم وهم أهلاً للمدح من قديم الزمن حتى يومنا هذا .

وذكرني البيت اللي فيه مدح لشبنان العمور ، أبيات للشاعر الفحل الكبير شلعان بن ظافر الودعاني حيث يقولمن ضمنها:-

لاجيت ربع يكسبون النواميس= ملفاك شبنان قوي العزومي
فعلت ياشبنان فعل السناعيس = وقفة اسد منها الجبان محرومي
وتلقى العمور حضور مثل القرانيس=كل ابلج يشفيك عند اللزومي
سلم على اللي يتعبون المحاميس=لاد العميري مبعدين الهمومي

ويستاهلون العمور ماقيل فيهم كلهم بدون استثناء ، لاهنت يابو فهاد وتقبل ودي وتقديري ،،،

**معلومات** **العضو** · 17-01-2009, 11:45 AM

صـح لسان شاعرها وبيض الله وجهك ياخوي

ولاهنت على النقل الطيب

**معلومات** **العضو** · 17-01-2009, 02:31 PM

صح لسان الشاعر تميم الخييلي
ويستاهلون العمور

ويعطيك العافية ع النقل

**معلومات** **العضو** · 18-01-2009, 08:37 AM

الف شكر اخوي نايف على الطرح الرااااائع صح لسان الشاعر تميم الخييلات و يستاهلون لاد العميري المدح

تقبل شكري

**معلومات** **العضو** · 18-01-2009, 03:53 PM

يستاهلون لاد العميري ولاهنت على الطرح
تقبل مروري

**معلومات** **العضو** · 18-01-2009, 09:28 PM

اقتباس:

المشاركة الأصلية كتبت بواسطة راشد المسعري

أرحب يابو فهاد

حيه وحي ماجاب ، وصح لسان الشاعر تميم بن عبيد بن حويل الخييلي على هذه القصيدة الجزلة التي قيلت فيمن يستحقولنها ويستاهلون لاد العميري كل ماقيل فيهم وهم أهلاً للمدح من قديم الزمن حتى يومنا هذا .
وذكرني البيت اللي فيه مدح لشبنان العمور ، أبيات للشاعر الفحل الكبير شلعان بن
ظافر الودعاني حيث يقولمن ضمنها:-

لاجيت ربع يكسبون النواميس= ملفاك شبنان قوي العزومي
فعلت ياشبنان فعل السناعيس = وقفة اسد منها الجبان محرومي
وتلقى العمور حضور مثل القرانيس=كل ابلج يشفيك عند اللزومي
سلم على اللي يتعبون المحاميس=لاد العميري مبعدين الهمومي

ويستاهلون العمور ماقيل فيهم كلهم بدون استثناء ، لاهنت يابو فهاد وتقبل ودي وتقديري ،،،

اخوي العزيز راشد المسعري

مرحبا والله بهالشوفه وبـ ردك الوافي

وذكرك لابيات شلعان الله يرحمه وصح بدنك طال عمرك

سرني تواجدك

**معلومات** **العضو** · 18-01-2009, 09:31 PM

اقتباس:

المشاركة الأصلية كتبت بواسطة الزين

صـح لسان شاعرها وبيض الله وجهك ياخوي

ولاهنت على النقل الطيب

صح بدنتس

والله يرضى عليك ويسلمك

سرني تواجدك

**معلومات** **العضو** · 19-01-2009, 11:54 AM

صح لسانك يا ابو فهاد وصح لسان
الشاعر تميم الخييلي
و يستاهلون ابناء عمومتنا العمور كل خير
يعطيك العافيه على الطرح الراااااااااااائع
تحياااااااااااااااااااااااتي

**معلومات** **العضو** · 20-01-2009, 10:34 PM

اقتباس:

المشاركة الأصلية كتبت بواسطة مانع الولماني

صح لسان الشاعر تميم الخييلي
ويستاهلون العمور

ويعطيك العافية ع النقل

الله يعافيك

وحياك الرحمن ياخوي مانع

سرني مرورك

**معلومات** **العضو** · 24-01-2009, 02:33 PM

كفو والله بالعمووور ولاعلى الخييلات وباقي الدواسر قاصر

والله لا يهيينك يا نايف على نقل هذه القصيدة

اللتي تثبت ان قبيلة الدواسر بشتى افخاذها متلاحمه وقوية

وكل منهم مكمل للآخر فالخييلي يفخر بالعمري والعمري يفخر بالخييلي

واسال الله العظيم ان يتم هذا التواصل والتلاحم

**معلومات** **العضو** · 04-02-2009, 10:21 PM

صح لسان الشاعر تميم بن عبيد ابن حويل الخييلي

والله يطول في عمره ويعطيه الصحه والعافيه

ولاهنت يابوفهاد على ماقدمت وبيض الله وجهك

**معلومات** **العضو** · 16-02-2009, 09:40 PM

اقتباس:

المشاركة الأصلية كتبت بواسطة أبـ ريماس ـو

الف شكر اخوي نايف على الطرح الرااااائع صح لسان الشاعر تميم الخييلات و يستاهلون لاد العميري المدح

تقبل شكري

ابو ريماس

لاشكر على واجب الله يطول عمرك ... وصح بدنك والشكر لك انت على هالتواجد

**معلومات** **العضو** · 16-02-2009, 09:44 PM

اقتباس:

المشاركة الأصلية كتبت بواسطة محمد الهويشلي

يستاهلون لاد العميري ولاهنت على الطرح
تقبل مروري

ومن قال مايهون

حيّاك الباري يامحمد على تواجدك الكريم

**معلومات** **العضو** · 16-02-2009, 10:48 PM

صح لسان الشاعر والله وأنعم وبييض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية