سعد بن عايض العبيدي : يابن مرضي خذ من لساني الصراحه ==في مجاراتك ترى أعلنت انهزامي

[معلومات العضو ابن مرضي الدوسري]

السلام عليكم ورحمة الله وبركاته


صبحكم الله / مساكم بالخير جميع إداره / مشرفين / اعضاء / زوار


يسعدني ان اقدم لكم هذه المجاراة بيني وبين الشاعر / سعد بن عايض العبيدي

يقول ابو عايض

يابن مرضي خذ من لساني الصراحه =في مجاراتك ترى أعلنت انهزامي
الصحيح يصح والكذبه وقاحه = وكلمتي بالحق ماترخي مقامي
من مزاياك التواضع والسماحه = ماقربت دروب تلحقك الملامي
والثقافه والجزاله والفصاحه = والبساطه في مفاهيم الكلامي
التجارب ماخذه منك مساحه =والعمر يمضي مثل حلم المنامي
طير شعري يمكم مرخي جناحه =والقطامي مايبي غير القطامي
البحر جيته وأنا أعرف السباحه =ماتشربك في شرابيك الظلامي
والخوي الكفو يسعدني نجاحه =إستلمها واضحه وإقبل سلامي

والرد عليه

كل فارس ماتحيّر في رماحه = ماتخوفه الزحيمه بالزحامي
والرجل يمناه تجفل لشحاحه =نظرته يارد على العد الزمامي
ياجزالت رجل يالعدّ القراحه = شيخ قوم وعليّ بالحرامي
فيه يم المرجله عشق وشفاحه =وفيه صوب الطايله حب وغرامي
مايقرّب لرديّه والبراحه = صيرميّن من زحاحيل الصرامي
خوته تشريف مافيها طحاحه = والمراجل ماتسيّم لو تسامي
بالشعر دكتور لو يعطى مساحه = كان غبّر بالسناني والزلامي
المخايل خيّلت والبرّق لاحه = خيرها ياربعنا شرق ن وشامي

 

 

 

 

[معلومات العضو مبارك بن شافي النتيفات]

صح لسانك يابن مرضي ولسان الشاعر / سعد بن عايض العبيدي

شعراء كبار ومبدعين

الله لايهينك على ادراج هذه المساجلة الراااائعة

تحياتي وتقديري

 

 

 

 

[معلومات العضو شافي بن راشد النتيفات]

صح لسانك ولسانه صوت وصدى رائعة
تم نقلها للابداعات حيثه الانسب

 

 

 

 

[معلومات العضو مناديه]

صح الله لسانكم وطول الله بعماركم
على هالقصيدتين الجزله
ويعطيك العافيه ابن مرضي

 

 

 

 

[معلومات العضو عبدالله بن فهد الصخابره]

صح الله السنتكم جميعا وبيضالله وجيكم

 

 

 

 

[معلومات العضو فارس الدبالين]

صح الله لسانك يابن مرضي

وصح لسان سعد بن عايض العبيدي

ابدعتوا

تقبلوا التقدير والاحترام..

 

 

 

 

[معلومات العضو بخيت الغييثي]

صح لسانك يابن مرضي وصح لسان الشاعر سعد بن عايض العبيدي ولاهنت على هذه المساجله الرائعه