قصيدة الشاعر الكبير فلاح القرقاح

[معلومات العضو السفاح {المسعري}]

لاصرت للهاجوس من ضمن الأسرى=وصار القدم حفيان والـرأس حاسـر
وخذابك التفكيـر غبشـه ومسـرى=وجاء الحظ من عقب التيامن تياسـر
ترى الرجال اثنيـن يمنـى ويسـرى=وللطيب في عيال الحمايـل مكاسـر
ارتك على اللّي لا غشى الوقت عسرى=يشبه لمضواح الحبـاب أبـو ياسـر
يملك مقاليد الشـرف ملـك كسـرى=وابيّن من ابن قويد بيـن الدواسـر
الله يقـول أن مـع العسـر يسـرى=والخاسر اللي مـن كرامتـه خاسـر
اتعب ترى المعراج من بعد الاسـرى=واختر سلاحك تنقله وانـت جاسـر

قصيدة / فلاح القرقاح

 

 

 

 

[معلومات العضو شافي القويسي المخاريم]

بارك الله فيك اخي الكريم على ما قدمته


تحياتي

 

 

 

 

[معلومات العضو ابو زيد الغييثي]

اررررررررررررررحب تراحيب البدو لسهيل

الاخ / السفاح المسعري
جعل يمناكـ مايجيها العطب

على نقل ابيات الشاعر الكبير

فلاح بن ريفه القرقاح

وشهادتي في بو محمد مجروحه

وكلامي لم يأتي من فراغ بل انه

انسان في قمه الاخلاق

وتربطه بالدواسر علاقة قديمه

من على وقت جده فراج بن ريفه

واستميحك عذرا ً اخي الكريم

على تنسيق الابيات


أخوكـ الصغير


ابو زيـــد

 

 

 

 

[معلومات العضو السفاح {المسعري}]

شافي هلابك .....


لاهنت

 

 

 

 

[معلومات العضو السفاح {المسعري}]

ابوزيد ....


كبير والكبير الله يبو زيد ....


ولاهنت على التنسيق وفلاح يستاهل كل علمً طيب ....