الله يستر

[معلومات العضو حزين الحرف]

السلام عليكم ورحمة الله وبركاتهأخواني أعضاء هذا المنتدى الرائع
هذه أخر قصيدة لي أتمنى أن تحوز على رضاكم وإعجابكم فلكم القصيدة ولي الشرف بقرائتها والرد عليها

اليوم تاسع يوم ماجاني من الغالي خبر = والصدر ضايق والخفوق من الوله تصلاه نار
الله يستر لايطوّل ثم أموت من القهر = لأني كذا من خلقة الله ما أطيق الانتظار
آخر عهد لي به بأول يوم من عيد الفطر = عيّد علي قبل الجميع وبعدها أنهى الحوار
المشكلة ماهيب عاداته يطول فالهجر = دايم يكلمني ولو يزعل صغارِ مع كبار
تكفون ياللي تعرفون الزين فضلاَ لا أمر = روحوا وقولوله على كل شي في فرقاه صار
وقولوا له إن الحال من فرقاه حالٍ ماتسر = إما يتلاحقني ويرجع ولا ودوني شهار
صده سلب عقلي وخلاني أسير بلا فكر = ماغير أهوجس وآتلفت عن يمين وعن يسار
حتى السهر اللي قبل فرقاه ما أحب السهر = من كثر تفكيري بغيابه أشبك الليل بنهار
من زود همي بعض أوقاتي أفكر أنتحر = ثم ألعن الشيطان وألغي فكرتي بالإنتحار
ويزيد شوقي كلما شفت الرسايل والصور = وبعض الهدايا اللي على تغليفها شوية غبار
هذا وعلاقتنا أدخلت ذلحين في ثامن شهر = وشلون لو كانت علاقتنا بدت واحنا صغار
والله لو يدري بحبيله وشوقي وش كثر = جاني حبي حتى ولو يقطع صحاري مع قفار
له في خقوفي حب سامي وله وسط صدري قدر= له في خيالي طيف ساكن له وسط عيني مطار
ولانيب أخبره بايرٍ فيني ولا عمره غدر = هذا اللي خلا حالتي حاله وزودني دمار
عذره معه وإن كان ماله من عذر جبنا عذر = أصلاَ مسامح زلته من قبل يبدي الإعتذار
نفسي وبس أعرف وش اللي جابره يهجر جبر= ماهيب سهلة عند خلي يتخذ هذا القرار
ليكون سبب له قصيدي مشكلة يوم اشتهر = وخلا جميع اللي حوالينه تضايقه وتغار
توبة معاد اكتب قصيدة فيه وأنشرها نشر = دام المشاكل كلها بأسباب هذا الانتشار
وآبكتم أسراره عن جميع البشر حتى الشعر = وبسجنه في قلبي وبضرب له عن العالم حصار
ولانيب ناسي عشرته حتى ولو طال العمر = لو خيروني في مية غيره رفضت الإختيار
الطير طالت هجرته و ماعاد فيني من صبر =ولاله سوى عشي ولو حلق بجنحانه وطار
ماللزهر إلا النحل ماللنحل إلا الزهر = يعني العلاقة بيننا صار تكامل باختصار
شكيت همي للجميع ولابقى غير البحر = تكفى طلبتك يابحر ياغير عن كل البحار
"خذ ماتبي بس يرجع المحبوب طول في السفر "= والصدر ضايق والخفوق من الوله تصلاه نار

وسلامتكم
اخوكم عبد الرحمن سعد الدوسري
حزين الحرف

 

 

 

 

[معلومات العضو العماني]

الشاعر القدير عبدالرحمن بن سعد الدوسري

صح الله لسانك مدد مهوب عدد على القصيده الرائعه وبيض الله وجهك وانا افتخر اني اول من يرد عليها

دمت مبدعا

تقبل تحياتي،،

 

 

 

 

[معلومات العضو أبونواف الدوسري]

صح السانك يا بوسعد علي هذه القصيده

وفقك الله

تقبل تقديري وأحترامي

 

 

 

 

[معلومات العضو النايفه]

صـــــــــــــــــــح لــــــــــــــــــســـــانـــكـ واعـــــــــــــــتلـــى شــــــــــــــــانـــكـ



تـــــــــــــــحــــــــــــياتي لــــــــــــــــــــــكـ

 

 

 

 

[معلومات العضو حزين الحرف]

أخي الغالي
هايف العماني
الشرف لي طال عمرك في كونك اول من يرد على
متواضعتي ليزيدها جمالاَ وروعة حتى
يعتقد من يأتي بعدك أنه جمال القصيدة
وإنما هو جمال حرفك وروعة عزفك
لك مني كل الود والورد

 

 

 

 

[معلومات العضو مبارك الخييلي]

حزين الحرف

صح ألسانك

وسلمت يمينك

على ماقدمت لنا من أروع الأبيات الجميله

لاهنت وبيض الله وجهك

تقبل جزيل شكري والتقدير

 

 

 

 

[معلومات العضو الشقرديه]

صـــــــــــــــــــح لــــــــــــــــــســـــانـــكـ واعـــــــــــــــتلـــى شــــــــــــــــانـــكـ



تـــــــــــــــحــــــــــــياتي لــــــــــــــــــــــكـ



الشقرديه

 

 

 

 

[معلومات العضو حزين الحرف]

أبو نواف
صح بدنك ولا هنت
لك ودي

 

 

 

 

[معلومات العضو حزين الحرف]

بنت الريم
صح بدنك ولاهنتي
ألف شكر على الرد

 

 

 

 

[معلومات العضو ريتآل]

الشاعر القدير { حزين الحرف }

سلمت يمنااااااك على الأبيات الجزله

والـــلـــهـ لايهـــــــينـــــــــــــك

 

 

 

 

[معلومات العضو بوحمد الحمد]

حزين الحرف

تكفون ياللي تعرفـون الزيـن فضـلاَ لا أمـرروحوا وقولوله على كل شي في فرقاه صـار
وقولوا له إن الحال من فرقـاه حـالٍ ماتسـرإمـا يتلاحقنـي ويرجـع ولا ودونـي شهـار
صده سلب عقلي وخلانـي أسيـر بـلا فكـرماغير أهوجس وآتلفت عن يمين وعن يسـار
حتى السهر اللي قبل فرقاه مـا أحـب السهـرمن كثر تفكيري بغيابـه أشبـك الليـل بنهـار
من زود همي بعـض أوقاتـي أفكـر أنتحـرثم ألعن الشيطـان وألغـي فكرتـي بالإنتحـار
ويزيد شوقي كلما شفـت الرسايـل والصـوروبعض الهدايا اللي على تغليفها شويـة غبـار


صح السسسسسانك مليوون

ولاهنت على الكلمات الرائعه

والى الامام

دمت بكل خير

وود

لك سلامي

 

 

 

 

[معلومات العضو حزين الحرف]

أخوي مبارك الخييلي
صح بدنك ولاهنت
بيض الله وجهك على الرد

 

 

 

 

[معلومات العضو راعي البرصا]

صح السانك يا بوسعد علي هذه القصيده

وفالك البيرق واللي في بالك

 

 

 

 

[معلومات العضو حزين الحرف]

الشقردية
صح بدنك ولاهنتي
لك ودي

 

 

 

 

[معلومات العضو حزين الحرف]

تناهيد
صح بدنك ولاهنتي
لك ودي