اكتب اسم شاعر واللي بعدك يكتب قصيده له

[معلومات العضو الظافر]

يا شيخ جابر لك الله ما تهاونا
الفهد يأكد لك العودة ويضمنها

ياشيخ والله زعلك اليوم مزعلنا
والمهزلة والمهونة مانواطنها

ابشر بنصر يشيد فوق ويبني
بأيدي رجال محكحكة معادنها

ترجع لدارك وهذي من صمايلنا
خطوة وسطوة وتاريخ يدونها

ما دام معك الفهد لا يلحقك ظنا
أبشاية الله كويتك لزم تسكنها

والقصر دسمان تجلس به وتتهنى
لابد من فرحة تطفي غباينها

مقطع مؤثر وبليغ .. والله وصدق الفهد ووقف الوقفه التي سيخلدها له التاريخ

رحمه الله رحمة واسعة واسكنه فسيح جناته .والشيخ جابر والشيخ زايد والشيخ عيسى
وجميع أموات المسلمين


للجميع التحية والتقدير

 

 

 

 

[معلومات العضو الظافر]

هــــــــــــــــــذا طلبك يا بنت الشايب


أسـمـعـك يـا اللـي تـناديني .. يا أبو قلبٍ خلي

----------------------------------- بس أنا ماني خلي القلب لا جل اسكت واجيك


الـخـلـي مـا هــوب قـلبٍ مـن هـيامك مـمتـلى

----------------------------------- الـخـلـي قـلـب آدمـيٍ شـافــك ولا هــــام فـيـك


إنــت زعـلان لجـفاي .. وما دريت أن زعلي

----------------------------------- يـوم قـلبـك ما يـبـيـنـي .. قـد مـا قـلبـي يـبـيك


حـتـى لـو عـيـت هـمـومـك في غـيابي تنجلي

----------------------------------- كـل هـذا مـا يـساوي لـهـفـتـي يـوم احـتـريـك


وكان ما صدقت هرجي .. طيب اسمع ما يلي

----------------------------------- يـا حبـيـبـي يـا عـسـى ربي يحـفـظك ويهديك


جـايـز انـك فـي غـيـابـي .. تـقـلب الدنيا علي

----------------------------------- بس أنا من قـبل أعـرفـك .. قالب الدنـيا عليك

الشاعر الكبير / حمير بن علي الدوسري

للجميع التحية والتقدير

 

 

 

 

[معلومات العضو وليد البدراني]

السلام عليكم ورحمة الله وبركاته
هذا طلب الاخ الظافر

الديـن كلـه خيـر والخيـر جابـه والمعصية ما عمرها جـات بالخيـر
ربـح إنسـان اثبـت الله جـوابـه لا وزنت الأعمال مـن دون تقتيـر
يا عاشـق الدنيـا تراهـي خرابـه أن ما تعمرها علـى الديـن تعميـر
تصبح حياتك مـا بهـا زود ثابـه راحت مـع لـذات الأيـام تدميـر
ما اخذيت للموت المباغـت حسابـه ياتيك في عفله علـى غيـر تنظيـر
امدرهـم بيـن الخلايـق ركـابـه ما وفـر مسـن ولا وفـر صغيـر
فابـن آدم لا بـد يـاخـذ كتـابـه با يميـن فـوز أو شمـال بتخسيـر
في يوم لا خـل ولا مـن صحابـه الكـل واحـد لا عبيـد ولا أمـيـر
فنـا دخيلـك يـا عظيـم المهابـه في رحمتك والعفو عن كل تقصيـر
اخطاي ما تحصي عددهـا الكتابـه انت ارحم من يرحم ضعوف مقاصير
الاهي مانـي طـارق كـون بابـه ينجيني مخرج يوسف من غرق بيـر
من سايل في القبر تضـرس انيابـه يسأل وانـا اجيبـه بعقـل وتفكيـر


الشاعر المطلوب:شلعان بن ظافر الودعاني

 

 

 

 

[معلومات العضو الظافر]

تفضل أخي الكريم / وليد البدراني .. طلبك الشاعر الفحل رحمة الله وغفر الله جزاء

ما قدم للقبيلة ونافح عنها ودافع عنها .. بملاحم سطرت بمدد الذهب من فعول الدواسر

وديارهم وحدودهم وطولاتهم وامجادهم ( الله يبيض وجهه وييمم كتابه وييسر حسابه)



التغلبي والزايدي منبـع الكـرم
دواسرٍ يشكي العدو من جورها

نملك مداين بالسيـوف القطّـع
صوارمٍ روس الجماجم نقورها

يرسخ بنا غرسٍ تمايل عذوقـه
ولابنينا مـن وراهـا سورهـا

السور حد السيف والخيل والقنا
وذيدانا ترعى بعالـي قفورهـا

حن درعها الضافي وحنا جمالها
حتى غدت جنه تبارى نهورهـا

الغوينمي قد قالها فـي مثايلـه
دارٍ تلقت من سعدها سرورهـا

بدويـه حضـريـه شـاويـه
فيها المعاوش من جميع جذورها

حناسكانهـا ويانعـم السـكـن
نحمي جوانبها ونجني ثمورهـا

بلادنـا راياتـهـا مرفـوعـه
نوضي لياليها بنـور بدورهـا

يامانحينا دونهـا مـن سربـه
لاقادهـا خيالهـا مصطورهـا

نسقيه من حوض المنايا جرعه
بشلـفٍ يوردحدهـا ممروهـا



دغش بن بطي رحمه الله رحمة واسعة واسكنه فسيح جناته

 

 

 

 

[معلومات العضو بنت الشايب]

الله يرحمه ويغفر له ..
...
أنا لاذكرت اللي مضـى قلتنـا سقـا
سقا الله زمانٍ خاطري فيه ماضاقـي
زمانٍ مضا عشته على العـز والنقـا
خليٍ فؤادي من العنى وأتبـع نياقـي
زمانٍ قضيته بين الأحبـاب وأصدقـا
تدور الحياة بعـزة القـادر الواقـي
وأنا اليوم من سور المدينة علي تقا
ربطني دوامي والزمن ضيَق أخلاقـي
فألآيادهر ماقلت لي وش بعد بقـا ؟؟
ترى مابقا إلأ تحرق بغدرك أوراقي !!
سهير العيون وحالتـي كلهـا شقـا
عسى الله يعين الهايم الساهر الشاقي
طراة الحياة إن تم فيهـا بعـد لقـا
الأعمـار تفنـا والله الدايـم الباقـي

...

ابي من اللي بعدي قصيده للشاعر ،/ ضيدان بن قضعان ..

 

 

 

 

[معلومات العضو الظافر]

ما سبق وطلبناه .. طالبتيه يا بنت الشايب .. هـــــــــــــــذا طلبك


البارحه في الدور واحد وخمسين
شبيت من راس الفتيل الزقاره

وكنيتها لين أمتلن الشرايين
لعلها تطفي لهيب الحراره

ولفتها والدمع في محجر العين
والدمع ماسال لكنه رهين الأشاره

أقرأ وأعيد الخط مره وثنتين
وأقول من صدرً تحطم عباره

لبيه يا سلطان لو نازح البين
يزوي سرابه ويتركز غباره

غربة حاديني من الفقر والدين
ماحد أبو عرام يجلب قشاره

ونصيت ربي ثم نصيت السلاطين
اللي تحفظ لكل رجل وقاره

ومن فضل رب البيت مابين عدين
بين أحمد وحمدان والعلم ساره

في فلةً في دبي ملكي ودورين
تعلم البدوان فن الحضاره

قدامها لنكن وكدلك ورنجين
وفي البر عزبة وفي المدينه عماره

وأن طعتني روح علي ياأحمر العين
بشت الغناة ولا بشوت الأماره

ومن لاعشق له وحدة من هل العين
عز الله أن باقي حياته خساره


طلبي الشاعر / حمد السعيد ( فالك المليون )

 

 

 

 

[معلومات العضو بنت الشايب]

لاهنت يالظافر .. وتفضل طلبك

...


الا ياقلب لاتشره عليه ولامتى غيره
.........يغيب؟........ براحته خله يروح بعالم النسيان
كفاك تدور اعذار الغياب ...وفضها سيره
.........تماديت بغلاه ...ومن تمادى بالغلا.... خسران
أبد مافيه في الدنيابشر يستاهلك غيره؟
........يغيب ولارجع... ماكنك الا العااااااااشق الولهان؟
انا ما قول لا ما قول مانت بشايفٍ خيره
.........وانا مانيب قايل... صاحبك وافي..... ولا خوان
يقولون القمر لاغاب يلفي له على ديره
.........وانا اقول الحبيب ان غاب يضوي له على خلان
ابي شاسباب هالغيبه وابي شاسباب تأخيره
.........وابي ليه الجفا ياقلب ......وانت بغيبته حيران
شهر واكثر ولاطرش عن غيابه معاذيره؟
........ياليته لو تعذر بالظروف........... ولايمه غلطان
تعبت ولاطراله يتصل؟... قل علها خيره
........وش انت متعبِ حالك على واحد قليل احسان
يجي ميت وله لامن شكى وقته وتعزيره
........وإذا قفى... على وجهه حبيبك... ناقة عريمان
[ذبحك الطيب ياقلب تعذب من مقاديره
........يعن كنك خفوقي.... خابرك ...ماتعرف النكران
تقاضى لعن ابوجد الغلا ماتنفع الذيره
........ترى من لاتقاضى؟.... ياخفوقي هالزمن ينهان

حبيبِ ماصفى لك طيع شوري بدل بغيره
.......وانا شوري عليك.... تلحقه في سبعة الشيطان

...

انا ابي قصيده للشاعر / محمد بن الذيب

 

 

 

 

[معلومات العضو ابو زابن المسعري]

بنت الشايب

طلبك موجود

يالندن انـا فاقـد لـي مطيـري
ومطير غير وهيبتي عندهم غيـر
ولانكر طيـب القبايـل ضميـري
لكن انا ميت علـى خـوة مطيـر
سـلام ياخالـد سـلام امـيـري
لو انك مواطن بلد منـت بأميـر
خليتني في وسط لنـدن مصيـري
مثل مصير امقيط في جعبة البيـر
والوقت لو يبكي رفيق الحريـري
بكا على جساس او سالـم الزيـر
عندك خبر لامن خسر جون كيري
تقوى علاقة بوش مع توني بليـر
اتصدق اني من مسجك الاخيـري
ماغير اقول الله يذكـرك بالخيـر
قصايدك مثل الذهب فـالحريـري
شاعر وماشاء الله وعندك جماهير
وترى القصيده كلها من ضميـري
من بيتي الاول الى البيت الاخيـر



ابي قصيده لابن جدلان ةتكون جديده ( شرط )

 

 

 

 

[معلومات العضو الظافر]

كل الشكر والتقدير لجميع المشاركين والمشاركات ..

لكن لـــــــــــــــــــــــــــــــــــــــــــــــــ ــــــــــدي ســـــــــــــــــــــــــــــــــؤال

هــــــل يصلح تكرار الشاعر أكثر من مرة يعني يطلب مرتين ثلاث .. الخ ؟؟؟؟

للجميع التحية والتقدير ( وعلى دروب الخير نلتقي )

 

 

 

 

[معلومات العضو الظافر]

أرحب يا بوزابــن .. حياك الله .. هذا طلبك طال عمرك أتمنى يكون من جديد الشاعر



يا محشات القفـا يـا مـال الماحـي
مـن زماكـم لا تحطونـه نحـاحـه

بـس أفاميكـم ورا النـاس فتاحـي
و السنتـكـم للحليمـيـن جـراحـه

خيلكـم تفـزع مـع كـل صيـاحـي
و للهروج انفوسكـم بركـة سباحـه

تختلـط فيهـا المـراره و الأملاحـي
مسرح ٍ لمغثـرب الهـرج و املاحـه

يقصرون اللـي ثرييـن و اشحاحـي
عـن فقـار للمواجـيـب نطـاحـه

و المصالـح حبهـا لانتهـت باحـي
تتبـع الصالـح ليـا هبـت ريـاحـه

و الانـاء دايـم بمـا فيـه نضاحـي
و الحقـايـق للخفـيـات فضـاحـه

و الحشيـم يقـل هرجـه بالامزاحـي
و الحقير يمـوت و لسانـه سلاحـه

فالمفالـي لـه مضحـي و سرّاحـي
و لا يـروح مـن معاشيـه لأمراحـه

صحبتي له مثل شمس الضحى الضاحي
عن سماهـا ظلمـة الليـل منزاحـه

يرتقي شعري و تسمو بـه أمداحـي
و ارتقي باسمه علـى قمـة الساحـه

و الله ما أشكر علـى نـادي الراحـي
دام يلمع فـي سمـا العـز مصباحـه


الشاعر ابن هتيل رحمه الله

 

 

 

 

[معلومات العضو بنت الشايب]

السلام عليكم ورحمة الله وبركاته ..

الظافر تفضل طلبك ..

مانيب اميراٍ مير طيب جماعه

سيفاً لربعي بلمواجيب مسلول

لاقدموني لابتي صرف ساعه

قدمتهم مقدار خمسة عشر حول

وانكان جودات الفتى من ذراعه

فنا طويل الباع مانيب مجهول

وعلمي محيط بلمهبل وساعه

والهرج ماني عن ضياعه بمجهول


وانا اطلب قصيده للشاعر / سالم سيار ..

دمتم بود ..

 

 

 

 

[معلومات العضو الظافر]

هذا طلبك بنت الشايب رائعة سالم سيار ( دعوة الغفران) اللهم وفقنا واعنا لبر والدينا

وطاعتهما والاحسان إليهما اللهم يا حي يا قيوم من كان منهم حيا فمتعه بالصحة

والعافية وأطل عمره على طاعتك ورزقنا بره والاحسان إليه .. ومن كان منهم ميتا

فغفرله وارحمه وعافه واعف عنه واكرم نزله واجعل اللهم قبره روضة من رياض

الجنة وأسكنه الفردوس الأعلى من الجنة يا أرحم الراحمين



مو معقوله تجي منك وترميني لاي انسان
يلملمني ولا يلقى بعيوني غير دمعاتي

انا ماصدق انك انت تنهيني من الوجدان
وترميني وانا اشوف القبر نادى مسافاتي

وكسرني الشتاء ياوليد وانت بداخلي دفيان
تحملت الاسى والظيم عشانك يابعد ذاتي

وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي

انا امك ياهيــــــــــــــــــه امك حملتك والعذاب الوان
ولدتك والالم سكين يركز داخل لهاتي

وانا اثناء الوالده من بكى صوتك طعنت احزان
لاني شفتك بصوتك تنادي كل طموحاتي

ومهدتك فعين وعين يشرب حزنها القران
وهزيتك وكان النور يتهزهز من دعاتي

اضمك في يديني لاتجي وتقول انا بردان
تركت البرد لضلوعي رح انشد رعشة شفاتي

وزولك من ركض فيني لمست بداخلي اوطان
وتركتك تبني بمجدك على كتف انكساراتي

وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي

كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي

اسولف للبشر عنك اقول ولا به اي نقصان
رضع عز الشهامه شب طموحه في معاناتي

وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي

يقولون الولد هو خان اقول وليدي لا ماخان
وهم يدرون ماغطى منامي غير وناتي

افااااااااااا وشلون تتركني يكحلني عمى النسيان
وانت ادري فيوم الحشر جنه تحت خطواتي

لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي

تدين اليوم ياوليدي وباكر للاسف تندان
ويرمونك مثل امك وتذكر حلم شيباتي

 

 

 

 

[معلومات العضو فيصل بن جزاء]

الظافر ماطلبت شاعر وخذ راحتك في اي شاعر تبي لو مكرر

بس القصايد نبيها غير متكرره لاهنت يابن العم

 

 

 

 

[معلومات العضو الظافر]

أخوي فيصل بيض الله وجهك جعلك تحيا على التوضيح .. وسبب عدم طلبي شاعر

فقد تأثرت حقيقة بقصيدة سالم سيار ونسيت أن أطلب

على العموم أطلب بووقيان راعي الدوادمي الله يرحمه أو احد من عياله ولك الشكروالتقدير

 

 

 

 

[معلومات العضو بنت الشايب]

بووقيان راعي الدوادمي

بصراحه ماعرفت منو هالشاعر ..!!

اطلب من اللي بعدي قصيده للشاعر / محمد السهلي ..