ســجل حضــورك .•ܔ◄[ بتوقيــــع يومــي هنـااااا للــذكرى ]►ܔ•.

[معلومات العضو محمد الجبريني]

الله الله

هههههههه هذي اخرررر اخباري

ليه ثلاث ايام يالربع انا ماش =والعين ماذاقت لذيذ المنامي
مغير من سبلاش لاعند سبلاش =حتى بتال الليل كني حرامي
من بنت خربشني حلاها تخرباش=بنت الرجال الطيبين الكرامي
يابنت يامروعش مجملش محلاش =من بعدك الدنياء بوجهي ضلامي
من سبتك يابنت حرقت بي افياش =وظربت خمس اشواط كل شوط حامي
وانا اتخيل صورتش واتمناش= ياحلوتي يامنوتي ياغرامي
وانا يابنت الناس والله ماني لاش =شيخٍ ولد شيخٍ عزيز المقامي
واليوم مختلطين صاحي واحشاش =وانا احمد الله واثقٍ في كلامي
ولاني بذالبنيت احب التحراش =من مسجدي لاشقتي لادوامي
وانتي معي أثرتي الحدة انقاش =حتى كسبتي رغبتي واهتمامي
وبالشرع ودي فيك وابغير مبغاش=وتقبلي ودي واجل احتراامي

 

 

 

 

[معلومات العضو شافي القويسي المخاريم]

من كثر ماله ساروا الناس برضاه=ولو كان ناقص قالوا الناس وافي
ومن قل ما بيده ترا الناس تشناه=لو كان يسقيهم عسل قند صافي

 

 

 

 

[معلومات العضو فهد بن مبارك الودعاني]

من بنت خربشني حلاهـا تخربـاش بنـت الرجـال الطيبيـن الكرامـي هههههههههه والله أنكـ جبتها من سبتك يابنت حرقت بـي افيـاش وظربت خمس اشواط كل شوط حامي ههههههههههههههه عساهـ مهوب خط 220 ولانـي بذالبنيـت احـب التحـراش مـن مسجـدي لاشقتـي لادوامـي ههههههههههه يأخوي تسوي فيها انكـ رسمي وذلحين تقول متخربشاً حالكـ هههههههههههههههههه وانا يابنت النـاس والله مانـي لاش شيخٍ ولـد شيـخٍ عزيـز المقامـي كفو كفو كفو يامحمد أرحب و أسهل صح السانكـ مدد بلا عدد بيض الله و جهكـ وكنكـ تقراء قلبي وش فيه ؟!! على العموم تراء الدعاوي مزااااااح وسجل إعجابي الشخصي بكـ ولأ تنقد على تعليقي لأني و الله أحب القصايد مثل هذي بيض الله و جهكـ لـك كـل الأحـتـرام و الـتـقـديـر.

 

 

 

 

[معلومات العضو المهلب]

منهو حبيبك غايتي بس اهنيه = على حسن حضه عشانك حبيبه
أنا أشهد ان الله يحبه ويغليه = إللي هداك الرب تصبح نصيبه
قبلك وأنا بعض الجمال ألتفت فيه = وعقبك ضهر في كل ماشفت عيبه

اليوم الأثنين الموافق 12 / 6/ 1429,,,,,الساعة الواحدة ليلا ,,,,

 

 

 

 

[معلومات العضو محمد الجبريني]

اخوي الشاعر فهد مبارك الودعاني
صح بدنك ومشكووور على مرورك والله واعجابك فخر لي وانوماس ياذيبان لاهنت وانت احد اسباب استمراري في المنتدى دون انقطاع لاهنت وبيظ الله وجهك
واش اجيب لك اليوم بس على شان اعجبك

الله الله

لتسجيل حضوري بتوقيع يومي
انتم على موعد معي في كل يوم انشالله
لين اقلب الكره الارضيه كلها شعر محمد الجبريني
هههههههههههه كله تقدير لبعض مشاعر الاخوه النبيله فهي تغبطني بالفرح والسرور تغبطني والله مدري وش تغبطني ذي
خابر مايغبط الا الخروف السمين على قول اهل الحجاز اغبطه واهل نجد يقولون جسه .


المشكله اني كنت مادري مسكين على نياتي اصدق اي شي
هههههههه

انا لو ادري ان الحب بلوي كان ماحبيت =ولا تشقيت في حب الجميلات الرعابيبي
لاكني مادريت الا لن اني بالهوى دشيت =وزدة الطين بله فوق ذالك عاد من طيبي
ولابقيت في حبي مع احبابي ولاخليت =لاكني ماقع الا في رديين الهناديبي
ومشكلتي مع اي بنت لامن شفتها فكيت=واسير بحبها مجنون ليلي اللي تماريبي
وهذا حضي المقسوم لي من عند رب البيت = بشر ومن البشر محدن يعلم السر والغيبي
ولاعينت ولله فالهواء والحب ماتمنيت =شقي في هم في غربال يصبح بي ويمسي بي
طعمت الصبر من حب البنات وريحت الحلتيت=الا يالله ياربي تحقق لي مطاليبي
وانا حراً ليامني كفخت بذا الفضى تعليت =ولاكل لحمة صيده ماهي صيدت مخاليبي

 

 

 

 

[معلومات العضو محمد الجبريني]

المشاركة الأصلية كتبت بواسطة المهلب

منهو حبيبك غايتي بس اهنيه = على حسن حضه عشانك حبيبه
أنا أشهد ان الله يحبه ويغليه = إللي هداك الرب تصبح نصيبه
قبلك وأنا بعض الجمال ألتفت فيه = وعقبك ضهر في كل ماشفت عيبه

اليوم الأثنين الموافق 12 / 6/ 1429,,,,,الساعة الواحدة ليلا ,,,,

الله عليك يالمهلب

هنا قراءة اليوم شعر
ابيات قسم بالله انها
اروع مقريت
ومريت عليه في حياتي
صح السانك يالمهلب ان كان
ان الابيات لك وشكراً على نقلها ان لم تكن لك
اجبرتني الابيات على مرورها اجباري وبالقوووه

 

 

 

 

[معلومات العضو المهلب]

المشاركة الأصلية كتبت بواسطة محمد الجبريني

الله عليك يالمهلب

هنا قراءة اليوم شعر
ابيات قسم بالله انها
اروع مقريت
ومريت عليه في حياتي
صح السانك يالمهلب ان كان
ان الابيات لك وشكراً على نقلها ان لم تكن لك
اجبرتني الابيات على مرورها اجباري وبالقوووه

أخي الغالي الشاعر / محمد الجبريني ,,,,أشكرك على كلامك الطيب وهذا دليل على روعة وتميز ذوقك ,,,,ولطف أخلاقك كذلك ,,,,وللعلم الأبيات للشاعر الأمير / سعود بن بندر ,,,رحمه الله رحمة واسعه ,,,,

 

 

 

 

[معلومات العضو فهد بن مبارك الودعاني]

المشاركة الأصلية كتبت بواسطة محمد الجبريني اخوي الشاعر فهد مبارك الودعاني صح بدنك ومشكووور على مرورك والله واعجابك فخر لي وانوماس ياذيبان لاهنت وانت احد اسباب استمراري في المنتدى دون انقطاع لاهنت وبيظ الله وجهك واش اجيب لك اليوم بس على شان اعجبك الله الله [/poem] هلا و غلا بأخوي الشاعر القدير / محمد يأخوووووووووووووي بلا ترفيعات أما شاعر تراء معاد هوب جايني نوم خلااااااااااص من قدي صرت شاعر معاد نيب نايم ذالليل يوم قلت لي شاعر وأنتبه تجي وتقول عطني شيئ من قصايدكـ تراء قصايدي مهيب مظبوطه تخم الشمع هههههههههههههههههههه والله يأخوكـ ونستني من جد وكلآمكـ على العين و الراس واللي خليني أمزح معكـ من سعة صدركـ وحبكـ للمزح وأنا أبادلكـ الشعور يالغالي وأرجو أن يبقى المنتدى مكسب لي بتعرف على الرجال مثلكـ وشرواكـ يالغالي لـك كـل الأحـتـرام و الـتـقـديـر لشخصكـ الكريم.

 

 

 

 

[معلومات العضو king]

المشاركة الأصلية كتبت بواسطة فهد مبارك الودعاني

هههههههههههههههههههههههههههه هه
ههههههههههههههههههههههههههههههههههههههههههههههههه

الله يرجك يابو بروووووك والله اني اضحك من قلب
وهقك اجل هههههههههههههههه
تخم الشمع ههههههههههههه وربي ضحكت ونابلحالي كني صديع
هههههههههههههههههههههههههه
ايييييييه عطونا من ذااالنموووونه

تسجيل حضوري بمروري على ماتكتبون ياالغااااااااااااااااااااااالين
وهذه الرائعه التي لاتمل

 

 

 

 

[معلومات العضو فهد بن مبارك الودعاني]

المشاركة الأصلية كتبت بواسطة king هههههههههههههههههههههههههههه هه ههههههههههههههههههههههههههههههههههههههههههههههههه الله يرجك يابو بروووووك والله اني اضحك من قلب وهقك اجل هههههههههههههههه تخم الشمع ههههههههههههه وربي ضحكت ونابلحالي كني صديع هههههههههههههههههههههههههه ايييييييه عطونا من ذااالنموووونه تسجيل حضوري بمروري على ماتكتبون ياالغااااااااااااااااااااااالين وهذه الرائعه التي لاتمل الله الله على الكلمات الرقيقه و الجميله صح السانكـ هلا1111 و غلا1111 باكنق ياشيخ أشكرررررررررركـ بعنف على التعليق دووووووووووووم الضحكه يالغالي والله أني صادق يالكنق خاف الرجال يحرجني ثم أبتلش قلت خلني أسبقها علشان مايصير وجهي ( دهانات الجزيرة ) من الأحراااااااج ههههههههههههههههههههههه ويكفيني تعليقكـ والله شيئ يونس الصدر بتواجدكـ وتواجد الأخوان. لـك كـل الأحـتـرام و الـتـقـديـر.

 

 

 

 

[معلومات العضو نجــــــــــديه]

شافي المخاريم
محمد الجبريني
فهد الودعاني
المهلب
الكنق
تواجدكم اخواني اثرى السجل واسلوبكم ممتع امتعكم الله بعافيته..
ننتظركم دائماً وابداً

 

 

 

 

[معلومات العضو نجــــــــــديه]

نفكر كثيرا ولا نجد مانكتب ,قد يجول بخاطرنا أن نكتب ولا نجد مانفكربه
لهذا أنا أكتب وأفكر
هذه هي الصفحة الأولى التي أنشأها,
أنشأها فقط لكم أنتم اخواني
أكتب إليكم بفكري قبل قلمي
أكتب لكم وأنتم لا تعلمون من أنا,ولكني أعلم من أنتم
ببوحكم ونزيف اقلامكم وطيب روحكم ونفحات مشاعركم
ولا ان نكتفي بالتصفح والتزام الصمت ..

فهاهنا هنا اقول ...

من قال أن الصمت سيظل صمتا،،،!
من قال أن الصمت سيظل تلك الحكمة البارعة في خضم مالانتكلم به،،، !
هاهو الصمت قد طاله الظلم ، كما يطول الكلمات ،،،
الصمت حكمة تعلمناها لنصمت،،، لكن لم نتعلمها لنتوقف عن نزف آلامنا وآهاتنا، ومشاعرنا المختنقة بدواخلنا،،
الصمت،، لغةأجادها الكثير ولكنها لغة قتلت الكثير من الكلمات لنصبح
ذوي إعاقة عن الكلام.
وإذا تكلمنا،،! أصبحت كلماتنا تمتمات لايفهمها من حولنا ،،
لإنهاأصبحت تفتقر لتلك الحروف المنسقة وتلك الكلمات المنمقة،،
وأصبحت كلمات قد عاث بها الزمان،، كلمات رجعية،، لاتواكب التطور
في عصرنا وتشابك حروفه لتكون تلك الكلمات التي تتناسب مع ايقاع
العصر.ذلك هو الصمت،، ونحن نحن ،،،من يقول صامتون ،، صامتون،،
نعم ،،صامتون على الر غم من كل تلك البهرجة التي تعيشها الكلمات،،
نعم صامتون،،
إلى أن نصبح أجسادا لاتمتلك تلك الروح،،
إلى أن نصبح أجسادالاتمتلك تلك المشاعر،،
إلى أن نصبح أجسادا لاتمتلك تلك الآلام والآهات،،
نعم صامتون،،
إلى أن نصبح أناس دمرهم هذا الزمان،،
إلى أن نصبح أجسادا خاوية لاتعشق سوى الظلام،،
نعم صامتون،، وسنظل صامتين،،

 

 

 

 

[معلومات العضو محمد الجبريني]

المشاركة الأصلية كتبت بواسطة فهد مبارك الودعاني

اخوي فهد مبارك الودعاني
تستاهل انت شاعر مافيها كلام وكل الدواسر والوداعين شعار
بارك الله فيكم بس هذا الي دحل بيني وبينك وش يقول التنق ذا مدري الكنج الكنق محتى عرف انطق اسمه شوف وش قوت قصيدته وهو ما حتي عند اسمه شاعر ههههههههه وهو شاعر
واخوك مثلك انا ماهدالي بال لين سجلت في بطاقة الاحول شاعر صجيت الاحوال المدنيه كل يوم وانا عند مديرها ومعطيه عشر قصايد وبعدها اقوله تكفى طلبتك ابعدل قال وش تعدل الفخذ او العايله قلت له لا ابعدل شاعرهههههههههههه انا سرة فجأة شاعر وابظمن العلم في بطاقتي حتى الى احد زللني اقوله سم هذي البطاقه الشخصيه اقراها في بطاقتي الشاعر محمد عيدالله الجبريني وما نفذ الطلب لي لين شيبت رموشي
وضحكت من سالفتك يوم تقول مارقد كيف لو تعدل في البطاقه
ههههههههههه

الله يرجكم رجاً فوياٌ
الله يرجكم بغيتو تجيبون العيد في فتحت المتصفح
وانا على الكبسه على صحن الرز توي جاي من الدوام وجووويع وقريت اللي تخم الشمع هههههههههههههه وانا ابق الضحكه وفمي فل رززز وتعالو شوفو البزران الى ذلحين اظهر الرز من عيونهم وخشومهم يوم بقيت فمي وابغيت احدررر من شرقتي
ومابه غزززل اليوم خلاص
ههههههههههههه
مسوي فيها عاااقل اليوم وثقيل



ســــــــــيبوووها ياقدعاااان



انا شاعر ولد شاعر ولد شاعر معي تصريح
,,,,,,,,,,,,,,, ولا فكرت في روسي ولا فكرت فاااااورررربي


شلقت فمي
لا لا خلني اتحضر شوي

بقيت فمي ضحك وانا تغدا=وشرقت بالكبسه وبغيت احدر
واحمدك ياربي على الموت عدا =عزالله انه اليوم بغى يبدر
وانا تراني شاعراً واتحدا =واجامل الطيب واحشمه وقدر
واشوم عن ولد الردا لاتردا =وارد عدوداً ماوردها واصدر
انا بسلم الطيبين اتقدا =ماهي سلوم اهل الردى اللي تكدر
يامل قلبٍ باقين فيه ودا= لاكن محد الود قلبي مقدر
ببعد عن اهل الشر عنهم واصدا=اللي تعاطون الحشيش المخدر

وسلامتكم

 

 

 

 

[معلومات العضو فهد بن مبارك الودعاني]

الله الله صح السانكـ يابش مهندس هههههههههههههههه ماعليكـ زوووووووود يأبو عبدالله هذا طال عمركـ الكنق يبي يشبكـ معنا لأنا شعار ومن قدنا أنا و أياكـ ( شعار ) قمت أعاين الناس بطرف عين وأدور على أي واحد يغلط علي علشان أشب فيه بقصيدي بس للأسف كلما أسوالف مع أحد بلا يتفداني بالكلام الزين وأنا يأخوكـ قصيدي مايصلح وكله عوج يعني مافيه مهايطه ههههههههههههههههه وعود للكنق مرهـ ثانيه مرسلي رساله يقول تكفى كلم أبو عبدالله خله يقول أني شاعر .... ورديت عليه بالرساله وقلت بندرس قصايديكـ والخيرهـ فيما أختارهـ الله ههههههههههههههههه <<- - - - واثق من نفسه أبو الشباب أنه شاعر وانا بكلم الأدارهـ يشيلون الأشراف ويحطون بدله ( شاعر ) ههههههههههههه الأ عسى مايشتوني برا لأني و الله بقشي ( بقوقل ) أبو عبدالله هماني قايلكـ لأتغدا الا لين تدق علي يأخوي أثركـ ماعندكـ خوهـ من جد << = = = = شكله معطيكـ عين لين غصيت بالرز هههههههههههههههههههههه والمرهـ الثانيه أربكـ ما تاكلكـ ( قرص ) علشان ما تدقر بحلقومكـ لين والله تولع عيونكـ حمر و خضر و زرق تغدي ملونه ههههههههههه واما بطاقتي بكلم واحد في الأحوال يزين لي قبل أسمي الشاعر / فهد بن مباركـ الودعاني ثم عاد شفني بلا أتقلب بمرقدي من الفرحه وأصور من جنب البطاقه صورهـ ( 6 * 4 ) ههههههههههه أما مافيه غزل سلامات ياباشه ليش مسوي فيها ذالليل عاقل أبد بتجيبكـ الأيام يأبو عبدالله يوم ولا يومين لانكـ جايبها مطمه ههههههههههههههههههههه وأنتبه لأتاكل رز عند بزارينكـ ثم تنشب في عيونهم ويطلع علامة أبو كاس ههههههههههههههههههههههههههه تحيااااااااااااااااااااتي وارجو ان القكم عما قريب <- - - الرجال متحمس هو ووجهه

 

 

 

 

[معلومات العضو king]

المشاركة الأصلية كتبت بواسطة نجــــــــــديه

نفكر كثيرا ولا نجد مانكتب ,قد يجول بخاطرنا أن نكتب ولا نجد مانفكربه
لهذا أنا أكتب وأفكر
هذه هي الصفحة الأولى التي أنشأها,
أنشأها فقط لكم أنتم اخواني
أكتب إليكم بفكري قبل قلمي
أكتب لكم وأنتم لا تعلمون من أنا,ولكني أعلم من أنتم
ببوحكم ونزيف اقلامكم وطيب روحكم ونفحات مشاعركم
ولا ان نكتفي بالتصفح والتزام الصمت ..

فهاهنا هنا اقول ...

من قال أن الصمت سيظل صمتا،،،!
من قال أن الصمت سيظل تلك الحكمة البارعة في خضم مالانتكلم به،،، !
هاهو الصمت قد طاله الظلم ، كما يطول الكلمات ،،،
الصمت حكمة تعلمناها لنصمت،،، لكن لم نتعلمها لنتوقف عن نزف آلامنا وآهاتنا، ومشاعرنا المختنقة بدواخلنا،،
الصمت،، لغةأجادها الكثير ولكنها لغة قتلت الكثير من الكلمات لنصبح
ذوي إعاقة عن الكلام.
وإذا تكلمنا،،! أصبحت كلماتنا تمتمات لايفهمها من حولنا ،،
لإنهاأصبحت تفتقر لتلك الحروف المنسقة وتلك الكلمات المنمقة،،
وأصبحت كلمات قد عاث بها الزمان،، كلمات رجعية،، لاتواكب التطور
في عصرنا وتشابك حروفه لتكون تلك الكلمات التي تتناسب مع ايقاع
العصر.ذلك هو الصمت،، ونحن نحن ،،،من يقول صامتون ،، صامتون،،
نعم ،،صامتون على الر غم من كل تلك البهرجة التي تعيشها الكلمات،،
نعم صامتون،،
إلى أن نصبح أجسادا لاتمتلك تلك الروح،،
إلى أن نصبح أجسادالاتمتلك تلك المشاعر،،
إلى أن نصبح أجسادا لاتمتلك تلك الآلام والآهات،،
نعم صامتون،،
إلى أن نصبح أناس دمرهم هذا الزمان،،
إلى أن نصبح أجسادا خاوية لاتعشق سوى الظلام،،
نعم صامتون،، وسنظل صامتين،،

ياليت يانجديه يتعلم منك بعض المهايطيه
كلماات ولااروووع وعن الف قصيده كلها بهرجه بلسان جاهل
و يدعى ويسمى شاااعر للأسف
صحيح الصمت احياناً مثلما وصفتيه
ولكن .... وتأأأكدت من ذلك اخيراً ... بان الصمت في حضرة الجهله نعمه وذهب
ومكسب وترفع ايظاً

بمااقتبست اسجل حضوري بمتصفحك