..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::.. - الصفحة 52

**معلومات** **العضو** · 19-08-2009, 08:52 AM

ما به جديد الا جروحي والهوى
واشواق شاعر وابتسامه عابره

*
*
*

**معلومات** **العضو** · 20-08-2009, 01:23 AM

كل ما فاضت عيوني باشت الأضلاع غنا
الموارد في الضلوع وكل ضلع فيه ونه

**معلومات** **العضو** · 20-08-2009, 06:54 AM

أمانتك.. خلها ما بينك وبيني
خابرك يالدرب خوة عمر وسنافي

ما ودي الناس تدري وش يبكيني
كرامة النفس ورث أبوي و أسلافي

**معلومات** **العضو** · 20-08-2009, 10:01 PM

الروح تحيا يوم أسمع بطاريك
ودنياي بوجــودك صدقني هنيه

مثل المطر تحيي الشعوب المهاليك
تروي القـلـوب الظـــاميات الشقيه

الرب يعلم بالغـــــــــلا كثر مغليك
والروح ترخص لجل عينك هــدية

**معلومات** **العضو** · 21-08-2009, 10:14 AM

تعبنا يل زمن والله تعبنـا
ولا اخذنا الذي حنا بغينـا
قليل فوقتنا حنـا ظحكنـا
ويا مكثر على انفسنا بكينا
تقول همومنا مستعمرتنـا
ولا احدٍ يفزع النا لنتخينا

*
*
*

**معلومات** **العضو** · 21-08-2009, 10:16 AM

يا حرف سافر لا طرتك الهواجيس
واعبر مسافات القلـوب الحيـارى
ترجم مشاعرها بعذب الاحاسيـس
وانزف مواجعها الخفيـه جهـارى
فيها الهموم تهد مثـل القرانيـس
الآه والحسـره سـوات الحبـارى
تارد حياض الحزن عطشى محابيس
على طريـق الوجـد دومٍ تبـارى

ناصر الشريف

*
*
*

**معلومات** **العضو** · 21-08-2009, 04:33 PM

في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد

اقهـر الضيقـه بذكـراك مـن حيـن لحيـن
وانثر دموعي على الوصل مـن عيـد ٍ لعيـد

افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد

**معلومات** **العضو** · 22-08-2009, 06:58 AM

.
.
•
مآقلتـلـك [ هـآلـحـزن ] فـيـنـي مـثـآبـر..؟
وصدري ../ ( قفص حزني ) و (قلبي به آلطير)..؟

بآلله قــل لــي ../ كـيـف ودك آكـابـر..؟
كيف آعتـذر / .. وآحكـي عـن آلدمـع تبريـر ..؟

مآقلتلـك ...؟ لـو طــاح دمــع آلآكـابـر ..
.. / ( يآهي كبيـره فـي عيـون آلعصافيـر )

**معلومات** **العضو** · 23-08-2009, 06:34 AM

سلام تسليمه وفا تقطع مسافات البعيد=مثل "العسل" صافي ولابه غير "جنحه" "وشهدي"
من شاعرً تنحني له رقاب المعاني دون قيد=عليه وسم الهاجس اللي (ختمها حرفً ندي )
ياهاجسي وان قلتلك مال "الحديد الا الحديد"=( افهق منايح فكرتي ) و ( حدالي بكاره حدي )
ابوك انا ياشعر ياما فيك شخرت العنيد=ذاخرك وانت ( دباس ) وابو ( دباس ) ترث مسندي
اقول : ( ياعمر ابن مالك ) او (ياعمر الرشيد)=الاوله: اولابها والثانيه : فيك تعدي
جتك البيوت اللي تثنالك على بيض الجريد=ترميلك "السندس" ومن" ندر الجواهر" ترتدي
ماني بمستغرب عليك الطيب يازبن الشريد=الطيب مايستغرب من اهله (خلاصه مقصدي)
الرجل كانه غاب فالمجلس ولا سمي فقيد=اكيد مرواحه بعين الناس مرواح الردي
الطيب يجزا طيب والطيب يفيد ويستفيد=جدي موصي (شايبي) وانا بوصيه (ولدي)

*
*
*

**معلومات** **العضو** · 23-08-2009, 09:20 PM

بعض العرب حي ٍ وكنـه ميّـت=عدوّ نفسه لوّ عسفها .. عيّـت

*
*
*

**معلومات** **العضو** · 23-08-2009, 11:30 PM

سلام الله عليكم ياجماعه جاوبو مسعود = مساكم مسك ولا ياصباح الورد بأنواعه

**معلومات** **العضو** · 24-08-2009, 01:26 AM

هلا يامرحبا فالعود ماهبت هبوب النود

تراحيب الوفا من ثقلها ماتمشي الساعه

**معلومات** **العضو** · 24-08-2009, 03:01 AM

اقتباس:

المشاركة الأصلية كتبت بواسطة مسعود الدوسري

سلام الله عليكم ياجماعه جاوبو مسعود = مساكم مسك ولا ياصباح الورد بأنواعه

الا يامرحباترحيبتا" تكسى بدهن العود = يزفها هواى الغربي لكم كل ساعه

**معلومات** **العضو** · 25-08-2009, 07:01 AM

ليه أحس إني وأنا اشوفك حزين

وقلبي الليله بهمي ممتلي

كانها الفرقى طلبتك حاجتين

لا تعلمني ولا تكذب عليّ

خلني ما بين شكي واليقين

السكوت رضاي عنك وزعلي

باكر اللي خافيٍ لازم يبين

والوعد بلقى مكانك به خلي

وانتظر لي ليلة او ليلتين

لين ما يقفي السحاب وينجلي

ولا طويت الياس بذرف دمعتين

للهوى الغالي وبا وادع هلي

**معلومات** **العضو** · 25-08-2009, 02:20 PM

ياغاليه تكفين تكفين تكفين = لا تجرحين محبك اللي يودك
مدي يمينك وامسحي دمعة العين = اللي على خدي من اسباب صدك

الذين يشاهدون محتوى الموضوع الآن : 20 ( الأعضاء 0 والزوار 20)

		منتديات صحيفة وادي الدواسر الالكترونية