،،،،،،،بستان الشعر،،،،، - الصفحة 5

**معلومات** **العضو** · 31-01-2009, 06:56 AM

تسّر العيون بشـــــوف ملحاً لها مربوح = اليا من رعت في خايعٍ في مداوجها
سنادٍ جــليله عظم فجــــحاً كما السابوح = اليا دبـّرت كـــــــن القوايم تعارجها
عراوي قدمها لاوطت في ثراً منجـوح = يـثوّر خــفاف اقـدامها من مـدارجها
وسيعه نحــر جردا لها عا تقٍ منسوح = زما خشــــمها كنّ اللواحي تعاوجها
حلا ماحـلا في وجـهها والســبال تلوح=مع الخـد وطـــوال الآذاني تباهجها
طويله رقـاقٍ ورقبــــتها تماوح موح =اليا زرفلت صوب المنادي تماوجها
لها غاربٍ مارق كما عارضٍ له صوح=فهق نيها طوله على الورك حارجها
على الصوت قدم الطرش تتلا الفحل فالشوح= اليا طــوّل الممـشا وطالت مناهجها

**معلومات** **العضو** · 31-01-2009, 07:02 AM

الزمان اللي مع الوقت خاوته الظروف=لين خلّت داخل القلب شـيٍ يدهكـه
الفراق وكل نفسن لطرياهـا عيـوف=مثل نفسي تطلب الحلم عيّت تدركـه
ما قدرت آصل هوها وحالن الظـروف=دون وصله تشهر السيف ناسن تملكه
اتوجد والتوجد مثـل حـد السيـوف=وكل ما جر التناهيـت حـده يسلكـه

**معلومات** **العضو** · 31-01-2009, 07:08 AM

ياعين ياللي ترقبين المواليف =طال السهر ياعين والوقت ماطاب
خلك حدوه اهل العلوم الملاقيف=وعن جيتك يدرا له علوم واسباب

**معلومات** **العضو** · 31-01-2009, 07:14 AM

يهب الهوا والجوف في داخله نيران= ولاتنطفي نارن من العام مشبوبه
اداري واداري بالهوى ساحرت لعيان= واداري عذولن ينشد الناس مطلوبه

**معلومات** **العضو** · 31-01-2009, 07:31 AM

هبت هبوب النود من دار الاحباب=وهبت جروح القلب تطلب دواها
وقعدت اون ولجلها رحت منصاب= واستلحقت كل الجروح بعناها

**معلومات** **العضو** · 31-01-2009, 07:37 AM

الشمس غابت والليالـي درايـك=يقفا بها الساري ويبقا دريكـي
ومن يحمل الهرجه بروح الشكايك=ميزان فكره في حياته ركيكـي
ياللي بنيت من الظماير حوايك=منته رفيقٍ لي ولنته شريكي
اجملت لك من دون شك ولكايك=قافٍ يخلي كل عزمـك دكيكـي

**معلومات** **العضو** · 31-01-2009, 07:49 AM

الموج يصفق مـن محيطـه لتاليـه=ياللي نطحت الموج مانيب اوصيك
امـا تنـح وخـل موجـه يصالـيـه=والا فـلا ترمـي بحرنـا بياديـك
هذى بحر مايحسب احساب وش فيه=ثلثيـن الارض وتاليتهـا يغطيـك

**معلومات** **العضو** · 31-01-2009, 07:56 AM

نعيش فالدنيا بحشمه وقيمه=لوصار دور الوقت مثل المخيله
لابوك يانفسٍ بليـا عزيمـه=لاهب لاهوب الهوا تنحنيلـه

**معلومات** **العضو** · 31-01-2009, 08:05 AM

سـلام يابستـان الاشعـار والـروح=من بوح فوح الروح نكتب قصايـد
نكتب عن الخافي على مدرج البوح=ونطلع عن سهوم السنين الشدايـد

**معلومات** **العضو** · 31-01-2009, 08:10 AM

ياصاحبي والسالفـه مالهـا راس=شي(ن) حصل واقفل سجل القضيّه
كلمه عبور وعرضّت مالها ساس=صارت وجا لبليـس فيهـا نحيّـه

**معلومات** **العضو** · 31-01-2009, 08:19 AM

لاتحسبنـي همنـي كـل هـراج=من ماكتبت من القصايد وثايق
اكتب ولا للخلق مدخل ومخـراج=وما جال في داخل خفوقي يوايق

**معلومات** **العضو** · 31-01-2009, 08:48 AM

ياونة بيـن الضلـوع المحاديـب=لجت ورجت تصفق الجال بالجـال
منها ضلوع الجوف مثل المشاهيب=حنت ودنت فاحت بزين الآمثـال

**معلومات** **العضو** · 31-01-2009, 08:51 AM

قالت على ذكرى السنين القديمه =آسف بعد ماشفت منك الحقيقه
ماتدري ان الجرح يبكي نديمه=وماتدري سيوفه بجوفي عميقه

**معلومات** **العضو** · 31-01-2009, 08:56 AM

بنت الرجال اللي تربت على الطيب=دره ذهب بيـن الجواهـر جميلـه
دور لها ياللـي تحـب المكاسيـب=شيهانـةٍ ترقـا بـراس الطويـلـه
من بيت عـزن ناقلـن للمواجيـب=ربت على الناموس بنـت الكحيلـه
تركظ مراكيظ امهـا فالمطاليـب=وتنهض على الفزعات ماهي هزيله
في مطلبك ماهيب تبغـا تجاريـب=في بيت ابوهـا جربوهـا الآصيلـه

**معلومات** **العضو** · 31-01-2009, 09:01 AM

الهاجس اللي يراقب غيب الآشفاقي=حتى يّروح بفكـرن فيـه ولوالـه
يزورني مع مغيب الشمس توّاقـي=واقوم له واشرح علومي ونا ابراله

الذين يشاهدون محتوى الموضوع الآن : 16 ( الأعضاء 0 والزوار 16)

		منتديات صحيفة وادي الدواسر الالكترونية