الشاعر ناصر بن دهيم ضيف كرسي الاعتراف

[معلومات العضو ناصر بن دهيم]

اهلين وسهلين اخوي كلاش

نورت وشرفت طال عمرك واسعدني مرورك

اولا انا ضد كلمة انشغال الشعراء عن الاعلام وهذا غير صحيح بحسب آراء وتجارب من شعراء ومعدين لكن توافيق والذهب مهما يكون يبرز يبرز طال الزمن او قصر

س / مامؤهلك التعليمي ؟ ومامدى تأثير التحصيل العلمي وسعة الثقافه على تطوير موهبة

الشاعر حسب نظرتك ؟
انا خريج كلية التكنلوجيا مساعد مهندس ميكانيكا انتاج وطبعا ماله اي تاثير لان الشعر احساس ومشاعر والثقافه مالها اي اساس بالمؤهل العلمي للشاعر وهذي وجهة نظري


س / أنت شاعر من الشعراء الشباب لاشك في ذلك .. والملاحظ أنتهاجك لنهج الشعراء التقليديين

رغم أنك تعيش أجواء الحداثه مع بقية الشعراء أسنانك ؟ هل نفهم أن مردود ذلك تأثرك بمدرسة

والدك الشعريه رحمه الله ؟
خير الامور اوسطها ولكل شاعر منهجيه يتبعها ولكن هناك نصوص لي حداثيه جدا جدا بمفرداتها لكن على بحور متعارف عليها وتقليديه لكن ياخوي لو اكتب بنهج والدي رحمة الله عليه ماجبت شي جديد وانا من الشعراء اللي يحب التغير لو كان مرفوض من قبل الجمهور

س / ماالأساس الذي تبني عليه قصيدتك أولاً وتكون نواة القصيده كما يقال ؟ هل هي الفكره أوالقافيه

أو اللحن ( الطرق ) ؟
طبعا كلها امور اساسيه للقصيده لكن انا اتعب على الفكره والباقي مافيه اي مشاكل

لكن في هذا الوقت وكثرة الشعراء الافكار اهم من الجزاله والسبك القصيد

س / عندما تحضر ( هجوسك ) كما يقال عامياً وتكتب القصيده متى تعتقد أنك وصلت لحد الرضى

عنها بعرضها للمتلقي ..؟ وكم الفتره التي تستغرقها من بداية مشد القصيده وحتى نهايتها وهل

يتخلل ذلك عرضها على من تثق به لأخذ رأيه أم تستغني بنفسك عن غيرك في تلك المرحله ؟

سؤال جيد اخوي كلاش لكن على حسب قصايد الموقف تجبرني اني اكتبها لو بيوم او ساعه وماحب هالنوع من القصيد معنه مؤثر وصادق
لكن بعض قصايدي تستغرق شهر شهرين ست شهور سنه لين تكمل وانا افضل قصيده بسنه وفيها ابداع عن مية قصيده بشهر....
لكن الاستشاره نعم انا حريص على الاستشاره واقدمها على ذائقات مختلفه معني اميل للاهل التطوير وعدم التقيد بالاشياء التقليديه

س / بيئة الشاعر كانت سابقاً لها تأثير على مفرداته لكن في وقتنا الحالي وفي ظل تنـّوع الشعر

الشعبي وأنتشاره أعلامياً هل تجد نفسك مضطراً بأقتصار كتابة القصيده باللهجه الدوسريه

المعروفه ؟! أو تكتبها بجميع لهجات القبائل مثل أبن قضعان عندما يقول (( ويرضالي علاها ))

وشعراء نجد عندما يقولون (( لابي أبيه )) وغيرهم !
انا اعتبر ان كل الكلمات ملك لشاعر والتنويع فوق الزين بذات بالشعر وتعتبر الكلمات مملكة الشاعر وهذا الشي يعصب على الشعراء وهي كمية الكلمات في العقل الباطني والشي هذا مايجي الا من تعدد الثقافات والقراءات لشاعر

س / عشت بالكويت الشقيقه لكنك لازلت تكتب بلهجة أهل نجد تقريباً ؟ هل نفهم من ذلك أعجابك

بتلك اللهجه المميزه شعرياً ؟
الله يهداك من سمع كلامك قال اني مولود في بيروت
انا عشت من ثانيه بتدائي الي اولى ثانوي في منطقة الخرج وهذي مقر الغييثات وطبعا الخرج مالها دخل في نجد
ومافيه احلى من اللهجه النجديه وهذي وجهة نظري البسيطه

س / أنت شاعر نظم فهل لعبت شعر المحاوره ؟ ومع من ؟ هل تتحفنا ببعضها أن وجدت ؟
كنت اتابعها وكنت من المعجبين في عبدالله ابن شايق لكن مالعبتها ولا لي ميول لهذا التراث اللي نعتز فيه

س / مامدى أعتقادك أن وسامة الشاعر تشكل عامل جذب له وأختصاراً لعالم الشهره ؟
كل شي جميل ينتهي طال الزمن او قصر لكن هناك قبول للمشاهد وهذا شي من الله وانا اعتبر ان الوسامه مالها اي دخل في قاعدة الشاعر الجماهريه لان الناس تبي القصيد وليس الوسامه

س / (( أخير )) وش رأيك بالشاعر الأمبراطور ؟؟
ونعم وعلى راسي والله يحفظك ويحفظه

تحياتيلك اخوي كلاش
لاهنت

 

 

 

 

[معلومات العضو بنت الاشراف]

هــــلا وسهـــلا مرحبا بك كثر النجوم الساطعه وكثر الورود الفائحه وكثر ماكتبت الاقلام من حروف وعبارات... انا ماعندي اساله بس حبيت ارحب بوجودك على كرسي الاعتراف و (فالــــــــــــــــك**الملــــــــــــــيون)

 

 

 

 

[معلومات العضو ناصر بن دهيم]

هلا وغلا باخوي الغالي بشير بن نايف
اسعدني مرورك هنا

س1:هناك العديد من شعراء الدواسر الذين لا يريدون الضهور الاعلامي او ضلمهم الاعلام ممكن تعد لي بعض من هذه الاسماء الي في الكويت فقط؟
انا كنت قبل اتحطم الاعلام ظالمني ومادري ايش لكن حاليا الشي هذا مو صحيح
ماشالله قنوات ومجلات وبرامج شعريه تنقل الشاعر بيوم وليل الي عالم النجوميه
في الكويت شعراء دواسر منهم فارس بن عفاس ومحمد بن عفاس وخالد بن سعد وحمود تميم وفهد شويمي وسعد مناحي وناصر مناحي هذا اللي انا اعرف والله يوفقهم جميعا


س2: ما هي اجمل القصائد القريبه الى قلبك وليست لك؟مع ذكر القصيده ومنهي له.
قصيدة للشاعر ابوالقاسم الشابي
منها هالبيت : أذا الشعب يوما أراد الحياة / فلا بدّ أن يستجيب القدر
وقصيده للامير محمد الاحمد السديري رحمة الله عليه
ومنها هالبيت : كم واحدن له حاجةٍ ماهرجها / يكنّها لو هو للأدنين محتاج

س3:هناك عدد كبير من الشعراء اللذين يقولون انهم يمشون على نهج العلم الكبير سعد بن جدلان.هل انت منهم؟؟
من لا يتأثر لا يأثر وانا خوك بس دام الشاعر مايطمح انه يكون مدرسه سيبقى على نهج استاذه وابن جدلان لاشك انه متنبي هذا الوقت ونفتخر فيه كشعراء

س4:من هم الشعارالدواسر الكويتيين الذين تعتقد ان لهم مستقبل؟
سبق وان ذكرت اساميهم واتمنى لهم التألق في عالم الشعر

شكرا اخوي بشير من كل قلبي
تحياتي
لك

 

 

 

 

[معلومات العضو بوح الصمت]

.

ياهلا فيكـ

تشرفنا في قراءة ردودكـ الجميله

حضور راقي

و شاعر مبدع و متألق

أتمنى لك كل التوفيق و السداد



لك تحيتي و تقديري ..

.

 

 

 

 

[معلومات العضو ناصر بن دهيم]

المشاركة الأصلية كتبت بواسطة هايف العماني

مرحبا ومسهلا بالشاعر المميز ناصر بن دهيم

ومنور كرسي الاعتراف يابومحمد والله يعينك على اسئلة الأخوان الاعضاء

انا فقط جيت احجز لي مقعد في الصفوف الامامية وارحب بك على كرسي الاعتراف .

ولي رجعه ان شاء الله

مرحبا يابومبارك نورت وشرفت اخوك لكن دام معندك سؤال بكتبت لك آخر جديدي

هذي اسمها بنت السحاب

المجد للي غامروا ماهوب عند الخايفين = والسيف في يوم الوغى والموت من دلايله
أبرفع عقالي لكم يالسابقين المبدعين = يامعشر الشعار ياباقي الحياه الزايله
فلاسفه وأهل حكم وأهل غزل ومزندقين = مع صعاليك الشعر كثيره وقلايله
الي متى ياجيلنا ناخذ افكار الميتين = قليل منّا من يصوغ افكاره وأصايله
شف ألاراضي واسعه أضرب يسار أضرب يمين = وحاول تشوف المستقيمه يارفيقي مايله
تعقّد وخلك سهل مابين نفسك واليقين = كم واحدٍ خلد حياته من كلامٍ قايله
خلك مع ماشي السكيك وصير مثل المترفين = ترى المطر ماينزل الا لا نشت مخايله
بوابةٍ فيها الفقارى داخلين وطالعين = احدٍ هجوسه ناضبه واحدٍ هجوسه سايله
عالم خياله واقعي مايقبل المستشعرين = ياللي مع خيل القصيد مسرجٍ شلايله
وقفت في يوم المطير أرفع يديني والجبين = صوب السما لين المطر أرخى عليّ همايله
عليك يابنت المطر راحت حياتي والسنين = مجمعٍ عذب الغرام وجيت صوبك شايله
أقسى من جروح الغرام الا خليط امن الحنين = أبرد من الثلج ولك ادفى من سطوع القايله
اطهر من دموع اليتاما في حياة العاشقين = على عرابات الهوى والشوق بس آخايله
من جرب دموع الفرح لا جات من عين الحزين = يمكن يحس ان الغلا مكان محدٍ طايله
عفوا تراني منشغل في ضعف جسمك والمتين = أرسم على الخصر الشفق و <...> بس آحايله
الكرسي وعيوني وأنا جيناك نمشي خطوتين = حنا وقفنا من هنا والناس جاتك عايله
يمشي وراك الشمعدان وكل خطوه وردتين = الشوق ورىّ الزعفران أشوي من هوايله
بنت السحاب اخذي كتابٍ ماقروه الحاسدين = من وين مارحتي تجيك أوراق صمته حايله
اللي بقالي من حياتك ياحياتي دمعتين = زادت ادموعي فوقها اللين صارت عايله
بالعربي لامن ذكرتك قلت ياربي تعين = حكايتي وياك ياعمري حكايه هايله

تحياتي لك هايف

 

 

 

 

[معلومات العضو سالم الحراجين]

في البدايه احب امسي عليكم بالخير

واقول حق اخوي ناصر بن ادهيم ارررررررررررررررحب ثم ارررررررررررحب

واشكر

على قصيدة

التي

قالها

في مزاين


الــــــــــــــــــــــــــــــــــــــــــــــــ ـــــــدواســـــــــــــــــــــــــــــــــــــــ ـــــــــر

تقبل تحياتي اخوك

سالم

الحراجين

 

 

 

 

[معلومات العضو شويعر]

السلام عليكم ورحمة الله وبركاته

حيالله شاعرنا المتألق ناصر بن دهيم.. اسأل الله سبحانه ان يوفقك الى ما يحبه ويرضاه

السؤال الاول

بخصوص شاعر المليون..

بلغ عدد المتأهلين 800 وسيتم تصفيتهم الى 48 مشارك..هل تحضر لمفاجآت ام أنك لم تفكر بذلك؟

السؤال الثاني:

دائما ما نرى تقصير الشعار في الجانب الاسلامي فنرى الشاعر يتغزل بقبيلته او ناقته او حبيبته..ولكن لم نرى له نص دفاعا عن سيد الخلق عليه الصلاة والسلام..أين ناصر بن دهيم في هذا الجانب؟..وان كان لديك نص نتمنى ان نراه

السؤال الثالث

هل فعلا أنه لايحق للمشاركين التفاخر في قبيلته في شاعر المليون هذا العام؟ ان كان صحيحا فما رأيك
في هذه البادرة؟ وهل ترى بأن هذه النوعيه من البرامج تثير النعرات القبليه؟


___

هذا مافي بالي حاليا..وسامحنا كانا ثقلنا عليك

 

 

 

 

[معلومات العضو ناصر بن دهيم]

هلا وغلا بالغالي خالد الودعاني

اسعدني وجودك هنا ولي الشرف

س1/ اخر قصيده غزلية قلتها ؟
ابشر لا نزلت بالمختلف دقيت عليك وقلت اقراها لكن منها بيت يقول ...

يموت الورد بيدي بس يبقى عطره الفواح = يذوب الشمع قدامي عشان النور يغشاني

س2/ من هو الشاعر المقرب لك من الشعراء المعروفين؟
سؤالك محرج الاغلب تبرطني فيهم صداقه اخويه
لكن هناك عبدالرحمن عادل الشمري / ضيدان بن قضعان / خالد بن مركوز / سعد بن علوش / ماجد الخالدي / محمد الشهري / محمد السهلي / ثامر شبيب وغيرهم من المبدعين والاسماء ليست للحصر

س3/ ما اقرب قصائد ناصر بن دهيم لنفسه ؟
الطلع النضيد/ ومرثيتي في ابوي الله يرحمه /والصراحه

س4/هل لك امسيه او لقاء تلفزيوني قريب؟
والله حاليا مافيه شي محدد لكن في مفاجئات عن قريب

س5/ ما القصيده التي القيتها امام لجنة شاعر المليون؟
قصيدة الصراحه وبعطيك منها بيتين

ياصاحبي لا تقعد أتلف وادور = الطير وشهو لو كسرنا جناحه
منت بمعي يابن الاجاويد مجبور = من راح مني سمّح الله مراحه

تحياتي يابووليد وكل الشكر لك
اخوك ناصر

 

 

 

 

[معلومات العضو ناصر بن دهيم]

المشاركة الأصلية كتبت بواسطة سعد هذال آل جيعان

السلام عليكم ورحمته الله وبركاته

ابن دهيم يامرحبا ترحيبه السيل ارررررررررررررررررررررررررررررررررررررررررررحب تراحيب ابن دهيم يا هلا والله ومسهلا نورتنا


اخوك وابن عمك \ سعد ال جيعان الغييثي الدوسري

ياهلا ويا غلا يابن غياث

ارحب يابن جيعان حضورك اسعدني الله يسلمك ويطول بعمرك والله يديم المحبه يابن عمي

تحياتي لك اخوك ناصر

 

 

 

 

[معلومات العضو ناصر بن دهيم]

المشاركة الأصلية كتبت بواسطة خميس الغييثي

يامرحبا ومسهلا يابومطر نورت الموضوع بوجودك فيه يابن غياث

ذخر والشك زايل وهذا الظن فيكم ياخميس سلم على نفسك وربعك
تحياتي لك وكل الشكر على هالكلام الطيب من راسٍ طيب

تحياتي لك
اخوك

 

 

 

 

[معلومات العضو ناصر بن دهيم]

بيوت لم تكتمل اهداء لكم

أول يخطبون المره للاجل ابوها = من طيب فعله يكثرون الخطاطيب
واليوم بنت اللاش ماعذروبها = من شانها أحلى البنات الرعابيب
الدره اللي من حياتي خذوها = هذا نصيبي واكتبته المكاتيب

 

 

 

 

[معلومات العضو صالح الجعيدي]

يا مرحبا ترحيبة المطر يالشاعر الكبير/ ناصر بن دهيم

من المعجبين والمتابعين لك
في ديوانية شعراء النبط في تلفزيون الكويت أو الإذاعة
أو في القنوات الشعبية الأخرى
أو على كرسي الاعتراف في المنتدى.

نورت الكرسي والشرف لي بمتابعة شرواك يالغالي.
تسجيل متابعة ،، ولك مني خالص التحية و الاحترام.

 

 

 

 

[معلومات العضو م/ سيف الجماعيين]

حياك الله يابومحمد. شرفتنا بتواجد.

عندي كم سوال متواضع.
1- قصيده او ابيات ندمت على نشرها؟
2- نقطة تحول في حياتك؟
3- كيف عرفت "منتدى الدواسر الرسمي" ؟
4- عند كتابتك لاي قصيده هل تراعي الخط الديني فيها؟
5- السوال الاخر وليس الاخير هناك ابيات مقتطفه لمن تهديها:-

ا-"ياصاحبي ماتختلف فيك نية --- عز الخوي اللي على السلم والدين"

ب-"من قال فيني عيب والله ظلمني --- فيني ثمان عيوب والتاسع الطيب"

ت-"قلبي معك لو كان جسمي مع الناس --- ماغاب طيفك عن خيالي دقيقة"

ث- "تكثر أصحابي علي والا تقل أصحابي --- المهم اني ماني مرتاح لين أشوفه"

ج- "ياحلو الايام لوترجع على كيفي --- ماكان قلبي شكى فرقى مواليفه "

"لو طالت المده فلا والله انساك --- انت الذي وسط قلبي وعيني"

"من نسى في زحمة الدنيا رفيقه --- قلت له عندي رفيق مانساني"

في الختام اتمنى لك التوفيق والنجاح. وفالك البيرق.
واذا فزت ان شاء الله بالمليون ترى بنروح "تكساس"

تحياتي.

 

 

 

 

[معلومات العضو معجب الشكري]

شاعر الدواسر ناصر بن دهيم

أنا من المتابعين لك والحقيقة أنني من ضمن المعجبين الكثر لك

سوالي هو: لماذا شعراء الدواسر مقلين في الظهور الإعلامي (سواء المقروءأو المسموع أو المرئي)عموماً؟

تحياتي وتقديري لك

اخوك/ معجب الدوسري
الدمام:19/11/2007م

 

 

 

 

[معلومات العضو فهد الغريري]

يامرحبا ومسهلا بالرجال الاخيار بيض الله وجهك يابومشنان على هذا اللقاء الشيق والشكر موصول للاستاذ الكريم هايف بن مبارك العماني على استضافة علم من اعلام شعرا قبيلة الدواسر في الوقت الحاضر.. ونشكر الشاعر الكريم ناصر بن دهيم على اتاحت هذي الفرصه النير لإتاحة هذه الفرصة الذهبيه لأبناء عمه واتساع صدره الكبير لهذي الأسئله القيمه وكما نعلم ان الشاعر ناصر بن دهيم مشاغله كثيره لكن اباء ان يشارك ابن عموته في هذا الصرح الكبير.. لدي بعض الاسئله 1- كما تعلم ان الدواسر لديهم شعّار محاوره ولم يحضوا بالشهره مثل غيرهم والسبب في ذلك عدم الأقبال عليها من قِبل الجماهير في مناطق الدواسر... بنظرك كيف يمكن جذب الجمهور إليها وزيادة الاقبال عليها لكي يكون لدينا صفوف محاوره مثل مايوجد بالحجاز وغيرها من المناطق.... 2-اذا تهجم عليك شخص ما بوطنك او بشخصك كيف يكون رد ناصر ؟؟؟ 3-الشخص الذي يبحث عن الاشياء السلبيه ويترك الايجابيه من يكون بعين ناصر ؟؟ 4-كيف تنظر للأقنعة التي يلبسها الكثير من الناس في حياتهم ألانترنتيه؟؟ 5- متى فكرت في دخول الشبكة العنكبوتية ؟؟ ولماذا ؟؟ 6- اقلام تتوقع لها مستقبل في منتديات الدواسر !! 7- كما تعلم انه سوف يقام الحفل الثالث لقبيلة الدواسر بدوله الكويت بعد اسابيع قليله ماذا يحضر الشاعر ناصر بن دهيم الغييثات لهذا الحدث الكبير.... وفي الختام اشكر واثي الشكر لشاعر الكبير ناصر بن دهيم على اتاحت هذه الفرصه الكريم اخوك ومحبك في الله / ابوراشــــــــــــــــــد