قصيدة في فخذ الغييثات من الدواسر للشاعر "سلوم"

[معلومات العضو الغييثي]

	بسم الله الرحمن الرحيم السلام عليكم ورحمة الله وبركاته بيض الله وجهك يابن خصيب على هذه القصيد ومهب غريبه منك هالقصيد إلى إيبيض الوجه(صــــح لسانك) وجعل ربي يطول في عمرك وجعلك ذخر. أخوك/ الغييثي

 

 

 

 

[معلومات العضو مبارك الغييثي]

لاهنت أخوي على النقل وصح لسان الشاعر سالم بن خصيب

 

 

 

 

[معلومات العضو ابن مشخص الغييثات]

السسلام عليييكم

هذي قصيدة
الشاعر: سالم بن خصيب الغييثات
في هجرة (الدهو) وقال القصيده هذي
بعد مامر على هجرة (الدهو) وهو كان ماخذ منها وقتً طويل ماجاها

*******************************

دار الـدهـو جعـل السحـاب يتغشــاك
بمـر الـولـي سيلـه يملـي خـبـاريــك

فـي كــل عــام والـحـيــا مـايـتـعـداك
وسيـلـه حـقـوقً مـايـضـرك حـوالـيـك

يقـولهـا الـي مبطيـن عنـك مـاجـــاك
مـاهـوب كـرهً لـك ولا كـره مـن فيــك

لـو غـاب عنـك سنين ماولله ينســاك
مـافيـه يـوم الا عـلـى البـال طـاريــك

قلبـي يبـي شـوفـك وقـربـك ولامــاك
وشوف الرجال اللي من الضد تحميك

من ضـربهم كـل العـدا عـافت حمــاك
وخـلــو مـغـاتـيـرً تـفـرع مـضــامــيـــك

غـيـاثـات يسقـون العدو حوض الدراك
من هـاجهم ضـاقت عليه المساليـك

وقصيـرهـم قـالـو هـلا عـدت خـطــاك
الـدار والـمــاء كـنــهـــا لـه ممــالـيـك

يـادار يـادار الـفـخـــر زيــن مـبـنـــــاك
فـي مـوقـعً كـــلً بـعـيـنـه يـراعـيـــك

الله يـبـيـح الـلـي بـعـهـده نـثـر مــاك
وخـلاك غـيـثً للـكـبـود الـمـهــالـيـك

على الـدهـو غربً من الصلب سواك
شيـخً يـحـل مـعـقـدات الـشـرابــيـك

مـحـمـد ولـد قـبـلان بـالـعـزم رسـاك
وحطـم عـزوم الـي يبي كان يغضيـك

رحـــل لاكـن بـعـــده رجــالً تــــولاك
رجــال لـو شـان الـزمـن مـاتـخـلـيـك

منها ظهر فيصل وشفنا السعد جاك
ومابيـن يـوم ولليـل كثـرة مـبـانـيــك

ومـن حـب ربعـك فيصـل لاعـدمنـاك
كـلً يـبــي بـيـتــه قــريـبً يـوالـيــك

اسعـدتهم من طيب راسـك ومجناك
يابو مـحـمـد جعـل ربـي يسـاديـــك

كسبت قـولـة نعم من فعـل يمنـاك
وبمـدحـك قـدم العـرب وفتخـر فيـك

في ذمتـي ماهـو علشـان مخبــاك
ولا انت تحـري بالعطـا دون تشكيك

وعلى النبي صلـو عـدد دور الفلاك
وعـد المـزون الي مطـرها سوافيك

 

 

 

 

[معلومات العضو نآصر البدراني]

كُفو كُفو بربعنا لاد غياث في ذمتي المدح يزهابهم

صح السانك ولسان بن خصيب لين ترضون

 

 

 

 

[معلومات العضو ابن مشخص الغييثات]

وهذي قصيدة
الشاعر: سالم بن خصيب


تـجـمـلـت يـاصـالــون فـيـنـا عـداك الــوم
مـن اهـل الـوفـاء مـايلحقنـك عـذاريـبــي

مشيـت بعطـالك سـاعـةً والقـدر محتـوم
وقطعت انـت جـردً دونهن يقنـب الـذيبـي

بلا نـور تمـشـي بين سهـل وبيـن حـزوم
لـيـن وصلـتـنــا قـدام بـيـت الـمـعـازيـبـي

ومعـازيبنـا لـشـريـم فـيـصـل مـع لاهــوم
احفـاد الـشـيـوخ وساسهم منقع الطيبي

انا عنـدهم طـابـت عيـونـي بحـلـو الـنـوم
وتنحـت هـمـومً كـان في الـصـدر تلويبي

انا وانـت صـرنـا في ضـيـافـت خيار القوم
شـيــوخ ال مـره بالـتـمــراجـل شواريبـي

خـدمهم بقو حـدر امـرنـا للـيـلـةً مـع يــوم
وعليهـم صـلاح الجـمـس فكـن وتـركيبـي

وكلينا الشحم في بيوتهم ونقضى الازوم
ورفعنـا لهـم بيضـا بـروس الـمـراقـيـبــي

ضنـا يـام لـرد الـبــرا خـصـمـهـم مـهــزوم
وفشقهم نـهـار الـحـرب مـافـيـه تكذيبي

هـل الـرايـت الـي فعلهم صـدقـوه الروم
ومكاسيبـهـم لـمـدار مع شمـخ النيـبــي

سلامي عليهم عد مامطر حقـوق غيـوم
مع اول بكـور الـوسـم من عـالـم الغيبي

 

 

 

 

[معلومات العضو ابن مشخص الغييثات]

بــديت بســــم الله مـاادور عـطــا الله
كــريـم الــمـــد جــــلاي الــظــــــلام

من بعـدهـا ياهاجســي عقب البطـا
ورد بــيـوت الشـــعــر مـيـراد الحيـام

سـلام يـادوسـر كــعـام اللـي سطاا
زايـد وتغلـب مرويـةة حــد الحســام

لامــن زبــنـا جــايــعن مايـنـــعـطــاا
الا خيـار الــذود وغــروس المــقــــام

والخايف اللي لاحقـه ضيـيم وخـطـا
عــنـد الـدواسر لالــفــا يلقاا ســلام

عــدوهـم يـــروح مــــرواح القـــطــاا
ودخـيلهم يلقــا المـعـزه والــسنــام

حنـا هـل الطـالات للمجـــد خلطـــا
وحـنـا هل الـوقـفـات لاكبر الخـصـام

صــغـيـرنا وقــــت المــعــارك يقلــطا
وكبــيــرنا يرسـي ليــــا كثـر الزحام



الشاعر:ضاري ســـع،ــــد المزاريع الغييثات

 

 

 

 

[معلومات العضو ابن مشخص الغييثات]

بسم الله الرحمن الرحيم

السلام عليكم ورحمة الله وبركاته

ابيات موجهه من
الشاعر /سعود بن سيف السبيعي

ويليها رد من
الشاعر / طهيف بن دهيم الغييثي
.

.

.


جانا الشتاء ماشفت للبدو شدات
بـدو تجينـا مـن جـنـوب وتـعــداء

يرعـون عـشـب نايفن بلمسيلات
بشقـح البكـار الي طـرب مـاتـردا

ياطهيف وين البدو وين الغييثات
انـشـدك وانتـه فـي سـوالي مـبـدا


(( الشاعر: سعود بن سيف السبيعي ))


’,’,’,’,’,’,’,’,’,’,’,’,’,’,’,’,’,’,’,’,’,’,’,’,’, ’,’,’,


يـامـرحـبـن ترحيب لـسـعـود بـذات
الـنـاس عـنـدي نــد وســعـــود نـــدا

زلـة طـرات الـبـدو مابـه طـهـامـات
مـن يـوم جـا للـذود هـنـد وســونــدا

وقت الشديد وعصـره الزين قد فات
وذلحين رعي الشبك وعصر البرندا

يالله بسيـلـن مـن الـيـمـن للـقـريـات
وفـي يـمـة الـجـيــان سـيـلـه تـقــــدا

لا قـالـو ان الـعـشـب جـا فيه زافات
صـوب الـجـفـن ولا بـجــو الـعـلـنــدا

جـاتـك تـشـايـل تاخـذ الـجـو غـارات
وتـشـوف شين يـعـجـب الـعـيـن جـدا

اتـجـيـك وضـحً بين دقـن وخـلـفــات
لامـن مـشــت لــعــيــالـهــا مـاتـلــدا

وضــحً تـشـادي للـجـبـال المنيـفـات
مـع وجههـا الضـافي رقاقن وسنـدا

مـن طيبهـا تشـر بيـوت وعـمـارات
اتـحــد راعـيـهــا لــزوم ايــتــحــــدا

جـاك الـجـواب مصـدقن فيه بابيات
مـن هـاجـسـن مـن خلقتـه مـاتـردا


(( رد الشاعر: طهيف بن دهيم الغييثي ))

 

 

 

 

[معلومات العضو ابن مشخص الغييثات]

هذي قصيدة الشاعر: سالم بن خصيب الغييثات


لعل السحاب الي تلاحم شمال وغرب
يعم الجزيره كلها صادقن صوبه
صدوق المزون الي مطرها حقوق وصلب
مطر خير مابه برق ورعود مصحوبه
تشوف السواري من المطامن هجيجً هرب
وتعلا كبير الضب في راس مشذوبه
وراعي الجيب حاز من الدهو مالقاله درب
على البطن حول والبطن تزعج دعوبه
ثما نجمتن والسيل ماينقطع له درب
تعدا حرور ومن نزل فيه هنوبه
جميع الملازم من فاضة وكلن شرب
هل حرور والقهام وخريص مع جوبه
مداهيل وضحاً عند ربعي دروع الحرب
عليها القلايد جات من القوم مكسوبه
قناطيش وضحً من قناهن يشوش وطرب
غزوهن وجابوهن على كل مركوبه
خزايز شيوخً لاخزت ماتجيب الجرب
يجيبون من تزها قلايدرودبدوبه
خذوها على وضح النقا بسيوفً حدب
ومطارق فرنجيات من الخبو مسلوبه
بني عمي الي كل منهم شجاع وذرب
غييثات واعزيل من ميلو صوبه
وزمان القشر ولا ولعادبه حرب وضرب
عسى الله يديم الامن والي تواصوبه
لو لا الله ثم حكامنا قد كلينا الصرب
ترانا بخير وغيرتا شعوب منكوبه

 

 

 

 

[معلومات العضو ابن مشخص الغييثات]

ســلام يـاربـعٍ تــزف الـعــدو زف
مثـل الـبـحـر موجـه يهـول رجيفـه
أهـل الثمـان الي لهم فعـل يعرف
سجلهم بـالمـدح صفحـه شـريفـه
لاد الغييثي من قـرب حـدهـم لف
الا الـذي عـنـده نـوايـا نـضـيـفـه
والي يبي ياخـذ شبر قوت الكف
لاوالله بـيـعـود وكفـه ضـعـيـفـه
ما قـول لاهلحـيـن يمكني ازهـف
الشيخ مات وصار فالوضع خيفه
ارضٍ لهم راحـت عليها اتحسـف
شاركهم الطمـاع واخـذ النصيفه
معادبه شيخٍ على الخصم يزحف
شيـخٍ يهابـون العـرب حـد سيفـه
مرحوم ياشيـخٍ عليه اللحد صف
في غيبته مايسـد عنهـا الخليفـه
ماراح من شـيٍ على الله يخلـف
ماخاـب ضـن العبـد والله حليفـه
.
.
.الشاعر: سالم خصيب الغييثات

 

 

 

 

[معلومات العضو ابن مشخص الغييثات]

هاذي القصيده ( الشاعر: سالم بن خصيب الغييثات )
في : ( مدعث بن عليثه الغييثات )

******************************

هـاضـنـي نـوٍ غـشـانـا بـمـر ربـه
سالت الوديان من صادق سحـابـه
كـل روضـن من ما وسـطـه نـشـبـه
كــل جــوٍ غـاديـن مـالمـا ســرابــه
مـنـه قـلـبـي جـه هاجـوسن لـعـبـه
قــام يلـعـبــه كمـا قــوس الـربـابـه
ون تـضايـق عـارفـيـن ويـش طـبـه
سـجـت احـروري اقهته مع قـهابـه
راحـتـه شـوفـت مـغـاتـيــرن تـربــه
وسمهن يعجبك في جـرد الـرقـابـه
عنـد ربـعـن صيتهم فالـمـجـد ذبـه
اعتلوا فالمجـد فـي روس الهضابه
شـوفهـم يبـعـد هـمـومً فـي مـربـه
لابتي سـقـم الـعـدو وقت الحـرابـه
راكـب الـي يـنـهــب الغـتـرة مهبـه
مـصـنـعـه بمــركـا كـلــن درابـه
افجحٍ مـايـنــس الـسـايـق مطـبـه
هبـل مـايـنـس مـطـبـاتـه هبابـه
ولامـسـك خـطٍ مع خـطـوات لـبـه
عـوي ويـلاتـه كمـا حـس الذيـابـه
ونطمـن خـطـن مـعـا جـوٍ ضـربـه
قام عجـخ يرتفـع مـثـل الضبـابـه
في ظلام أليل كن قدحت صطبه
قـدح شـبـابٍ مـن كـلاشٍ رمـابـه
نـصـه الي يبتسـم لا شـاف نبـه
فـي لسـانـه دايـمـن كلمـة هلابه
لـه مـحــلٍ عـامـرً كـلـن يـربـــه
مجلسه مفتـوح ماقـد صـك بابـه
الدـلال مـسـطـراتً فـي مشـبــه
حطهـا الـي ماتملل من جـنـابـه
كـلـن يـحـبـه ونـا والله احـبــه
جعل موت الناس يبطي ماغدابه
ابن خـلـف شيـخٍ وكلٍ قد حسبه
كنه حـراً موكـره روس الهضابـه
سيف هندً لاضرب فالراس جبه
طـيـبً حـده معا قـوة نصابـه
نطلب التوفيـق لـه من عـنـد ربه
الدعا منا ومن الله الاستجابه
ذَا كـلامً كـل طـيـب يستحبه
قاله الي مايخوجل في جـوابـه
يوم ازوره غير شوفه ماش سبه
غالين عـنـدي وحاجاتـه مجـابـه