..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

[معلومات العضو حازب الووودعاني]

ان قلــت اح ـــبك قلــت لـــي انت تلـ ع ـب...
...وان قلت الـ ع ـب قلت لي وين ح ـبك
غ ـريب طبـ ع ـك بس ضـ ع ـفي ترى اغ ـرب...
...مـ ع كــل مـاسويــت للـ ح ـين أح ـبك


تتـ ح ـياتتي

 

 

 

 

[معلومات العضو نجــــــــــديه]

الكلمة اللي تضايقنـا نعديهـا=وإن جاتنا من سفيه العقل طنشنـا
مادام نقـدر نمشيهـا نمشيهـا=من خوف نبلش مع الجاهل ويبلشنا
لو كل عوجا تجينا نلتفـت فيهـا=ماكان نمشي مع العالم ولاعشنـا

 

 

 

 

[معلومات العضو مـــهـــرهـ]

لـو كان قلبي يكـفي الكون كلــــه
ماظنتي يسكن به اليوم غير انت
قلبي خذيته وصار اسمك محــله
أرجـــوك تحبــه دام منـه تمكنت
لاتترك سيــوف المحبه تسلــــه
لاتتركه في دنيته مــالـه الا أنت

 

 

 

 

[معلومات العضو مـــهـــرهـ]

يابخت من لا ضاق يكتب قصيدهـ

مير البلا ليمن غدا شعرنا همـ

نكتب ونرجع ماكتبنا نعيده

احساسنا مهما شرحناهـ ماتمـ

لا الجرح يبرا ولا المعاني تفيده

تبكي الحروف وتنثر همومنا دمـ

 

 

 

 

[معلومات العضو محسن الخييلي]

من كثر ماحبك .. ومن كثر ماغليـــــــــك ،،،

ومن كثر ماني بهاقي(ن) فيك هقـــــوه ،،،

عطيتك اللي ماني بهاقي أعطيـــــــــك ،،،

وشوي في حقك من البير سقــــــــــوه ،،،



من أبياتي : أخوكم محسن بن الهذيلي الخييلي

 

 

 

 

[معلومات العضو نديم القلم]

 

 

 

 

[معلومات العضو زوينه]

يقلون وش ذا الحال عندك تبدل وعقب الفرح صارت عيونك حزينه

قلت الزمن بدل اوضاع وتحول وضاقة بي أيامه وضاقة سنينه

من عقب ما كنا إحنا اللي نتدلل النفس صارت في شقاها رهينه

هم يفارقني وهم يطول وجروح بآقصى خافقي ذابحينه

 

 

 

 

[معلومات العضو مـــهـــرهـ]

لاتقول ان الليالي فرقتنا

لا تقول ظروفنا عيت علينا

الليالي يوم ودكـ جمّعتنا

يوم ودكـ كل شيٍّ في يدينا

 

 

 

 

[معلومات العضو مـــهـــرهـ]

عندك خبـر وش غايتـي هالدقيقـه؟

ودي أضمك وانفجر فيك .. وأصيح!!

في خاطري من جاير الوقت .. ضيقه

وقلبي غدا معطوب واطلاله تطّيـح

لا يغر عينـك بسمتـي مـو حقيقـه

بسمه وراها ألـف مغـزا وتصريـح

ودي افجـر عبـرةٍ بـي عميـقـه

فتـرة غيابـك اشبعتنـي تجـاريـح

أكابـر وبقصـى ضلوعـي حريقـه

نااار لهبهااااا لوح الجوف تلويح

تعـــــــــال وشف من شب صدره حريقه

كل العنـا والهـم لا شفتـك يزيـح

علمني كيف الحل كيـف الطريقـه؟

وشلون أضمك وانفجر فيك وأصيح

<أنثى من اطوآآآر الخرآآآفــــــــــــــــهـ>

 

 

 

 

[معلومات العضو مـــهـــرهـ]

كل ما اقفيت ناداني تعال

وكل ما اقبلت عزم بالرحيل

وكل ما اجنبت واعدني شمال

يا اهل الحب ضيعت الدليل

الحقيقه غدت مثل الخيال

هو عدوي وهو اغلى خليل

شفت انا الظلم من بعض الدلال

يجرح القلب لو كانه جميل

اشهد ان الهوى مابه عدال

هو خلي وانا قلبي عليل

وكل ما قلت له يابن الحلال

المحبه عطى وانت بخيل

التفت لي وهو عجل وقال

لذة الحب في الشي القليل

 

 

 

 

[معلومات العضو نجــــــــــديه]

اسعد الله صباحكم
واقول

وشلون اسج شوي واروق الجـو=وانا همومي بيـن لافـي وناجـع
ياونتـي ونـة ثـلاث علـى بـو=ولا الحمام اللي على الغصن ساجع
ياقلبي المحـزون وش فايـدة لـو=اهجع نصيحه , قال مانيب هاجع

 

 

 

 

[معلومات العضو مجري الهياب]

ياشوق انا عنك ظروفي حدتني 00مالي على المسيار يمك وسيله
رجوى وصالك يالغضي بيّدتني 00طالت وقلبي فيه مثل المليله
امحبتي لك يالغضي ورّدتني 00حوض المنيه بين يوم وليله
امحبتك جارت علي واجهدتني 00مثل اللي عجزت عظامه تشيله
كان الليالي المقبله ساعدتني 00جيتك ولو من عقب مده طويله

 

 

 

 

[معلومات العضو محمد الهويشلي]

عادتنا للشيخ نرميبه اشمــــــــــام***يوم الموارت ينزعج بارودهــا

حريبنا تسهر عيونه ماتنــــــــــام *** وان تهاونت علته بنزودهـــــــا

كم واحداً من ضربنا جاه الهيــام ***حنا ال زايد مـحـتمين احدودها



من قصائد مطلق بن الدفين الهواشلة رحمه الله

 

 

 

 

[معلومات العضو مـــهـــرهـ]

مساءكم شعر

خذني جريح شعور يعشق وصالك

ينزف جروح العشق وايامه شهود


خذني غريق احلام عانقت خيالك

يرجي سحاب ايديك والشوق موقود


خذني بقايا انسان كلي حلالك

اسكن عروق القلب والشوق موجود

<روح لايمسها عآآآآبــــــــــــــــــــــــر>

 

 

 

 

[معلومات العضو مـــهـــرهـ]

باكـر يجيـك أنسـان غيـري يبكـيـك

....يلعب بأحساسك ويلعـب فـي هـواك

****
باكـر بتعـرف اللـي يحبـك وشاريـك

....اللي عطاك الغلا وجازيته في جفـاك

****
أنـا أطلـب الله مايجـي يـوم يشقـيـك

....واطلبه ثم اطلبه دايم تضحك لي شفاك

****

مـع السلامـه يابعـد كــل مغلـيـك

....مـع السلامـه اقولهـا والله مـعـاك

<أنثى من اطوآآآر الخرافـــــــــــــــهـ>,,,<مهرة منتدى الدوآآآســـــــــــــــــــــــر>