ََّّّّ~ ّ~ّّّّّّّّّّّّّ كلمه مني وقصيده منك ّ~ّ~

[معلومات العضو لين]

قصيدة للأمير الشاعر خالد الفيصل في رثاء والده الملك فيصل رحمه الله

سلام يافيصل عدد ماذكرناك =واعداد ما قالوا لك الناس مرحوم
واعداد دمع العين في يوم فرقاك = واعداد مافرّجت من كرب مضيوم
ان قلت يا ليتي ألا ليتي فداك= وان قلت واعزاه مانيب مليوم
يلعن ابو من لام عينٍ تمنّاك =قد بدّدت شوفتك عن شوفها غيوم
وين العزا ما به عزا غير نجزاك =بمواصلة مسعاك والدرب معلوم
ترى عزانا يوم حنّا فقدناك =إنا خذلنا راي من يزعم زعوم
الرّاية اللي رفرفت فوق يمناك = أبشرك ياشيخ ما طالها خصوم
إن كان قصد عداك تعطيل ممشاك =حقك علينا ما نوقف ولا يوم
نسير في دربك وناخذ سجاياك=ونرد من هو ضد الاسلام ملطوم
نم هاني العينين حنّا تبعناك =والدار فيها لابةٍ مالهم نوم
إن قاله الله مانضيّع لك مناك = نسجد لرب البيت في القدس ونصوم

الكرامة

 

 

 

 

[معلومات العضو غلا نجد]

جـرح الكرامـه مـاهـوب جــرح كــذاب
عـنـد الكـرامـه ابـيـع حـتــى ضنـيـنـي

عودت انـا نفسـي علـى جلـد وعطـاب
لامـن قـصـرت يمـنـاي بقـطـع يديـنـي

نفسـي عزيـزة لـوهـو العـشـق غــلاب
ماهـنـت انــا نفـسـي وتشـهـد يميـنـي


حشمة وتقدير

 

 

 

 

[معلومات العضو نجــــــــــديه]

ياصاحبي ماعاد فيها معاذير=النفس طابت والمفارق نويته !
يكفي الم يكفي دموع وتحاسير=يكفي بوسط الجوف جرحي خفيته
بشوم عن دنياك واواصل السير=وباخذ معي قلبٍ بصدك جفيته
ماعاد لك فالقلب حشمه وتقدير=من بعد هرجٍ في قفايه حكيته!
الوضع مزري مايبي زود تفكير ؟!=من باعني برخيص لا ما شريته !!
من صغر سني وانا في منهجي غير=تكوين خلقي نادرٍ ما لقيته !
اطمح على الاول ولا اطيق الاخير=وابرز نجاحي في طريقٍ مشيته
قول وفعل ماهو كلام التعابير=واكبر دليل انك لشعري هويته !

 

 

 

 

[معلومات العضو لين]

قالو تطيب وقلت ماهـوب ظنـي=انا بلاي من الطبيـب المـداوي
الله لا يجـزاه بالخـيـر مـنـي=اجيـه ويزيدالبـلاوي بــلاوي
الشيب داهمني على صغر سنـي=قدني عقب ذيك المساريح ظاوي
الله مقوى حربـة اللـي طعنـي=ماكنها الا مـن يميـن العطـاوي
اهيم فـي زحمـة زمـان فتنـي=واصبر ويكويني من الهم كـاوي
كني لامنها غابت الشمـس كنـي=من ظيقتي مسجون ولا جـلاوي
ياونتـي ونـة صويـب يونـي=صابوه فرسان القنـا والعـزاوي
اون مـن جـرح قديـم سكنـي=واعيش بين امة محمـد خـلاوي
والله لاونـي لاونــي لاونــي=بانسى ثلاث دونها الذيب عـاوي
لاقول يالنفـس الحزينـه تهنـي=واقول يالقلب الشفوق الشقـاوي
خلاص من زرع الرجا والتمنـي=والناس مايدرون ويش انت ناوي
ياوقـت خـاف الله ولا تمتحنـي=(ارفق بحالي ) يالزمـان القسـاوي
حال غدا مثـل الهـلال المثنـي=يطويه من صكات الايـام طـاوي
افرح بقرب العيد واضحك واغني=والبس نهار العيد بشت حسـاوي
اخفي بلاي من الشماميت لانـي=مابغا حدن منهم يثيـر الدعـاوي
واحلا السنين اقفت على كف جني=خسرتها واللي بعد كـم يسـاوي
ومن عقبها قولو لمن سال عنـي=دنياي بعـد مخيبيـن الهقـاوي
عزاي منها عقب ماخـاب ظنـي=رفقة رعا الكف الكريم النـداوي
لـولاه خليـت الهقـاوي تحنـي=على جبا ذاك القليـب السنـاوي
وان قالو ادله قلت ماهوب ظنـي=وانا بلاي من الطبيـب المـداوي

الفردوس

 

 

 

 

[معلومات العضو نجــــــــــديه]

مشتاق للجنه وخايـف مـن النـار=بين الرجا والخوف بقضي حياتـي
أحيان يزيد الخوف عنـدي بمقـدار=لأني كثير ذنـوب ومـن العصاتـي
ولأني أتوب من الخطايـا والأوزار=وأرجع أطيع النفس في المعصياتـي
يالله أنا من نفسـي اليـوم محتـار=أتعـب وأنجيهـا وتبغـي مماتـي
يانفسي اللي تأمر بسـوء واشـرار=أريـد بـك خيـرٍ وهـذا جـزاتـي
يانفس يوم الحشر ماتقبـل أعـذار=وفي الجنة الفردوس نبغى المباتـي
لكن عندي لك سـؤالٍ لـه أسـرار=وشلون ناصلها وهـذي سواتـي!؟

 

 

 

 

[معلومات العضو king]

انا طموحي ماله اهداف وابعاد = لكن زماني حطني شخص عادي

الخيانه

 

 

 

 

[معلومات العضو نجــــــــــديه]

كنت احسب لي عندك اليوم ترحاب ******** ويوم دخلت بدنيتك قلت مابيـك مثل الطفل يلعب بلعبة ويوم طـاب ******** رماها خلفة وقال جيبو لي هاذيك من دون ذنب جـنيتة صرنا اغـــراب ******** قهـرتني ياخـوي ربــي يجــازيـك صرت بحياتي شمس ملزومة بغياب ******** يوم الخيــانة كــانت اول مــواريك *** ** * * الخطاء

 

 

 

 

[معلومات العضو فيصل بن جزاء]

العطاء ماتبادلنا العطاء.......... والخطاء لاحشا مااخطي عليك
بي سطا جرحك بأحساسي سطا......ياخطاء اول عطاء من الخطاء

احبك لو تجافيني وعلى كل الخطاء مسامح

احبك يانظر عيني ورضاك الزم ولكني فقير الحظ

انا لك اكثري تجريح ترى حبك بيشفع لك احبك

ذوب خفوقي الشوق وانتي معي ياشوق

يحلا الحياتي الذوق طعم السعاده بك احبك

لك خفوقي اشتقى ثم اهتنابك وفي عروقي دمي الجاري اغتذابك

جددي فيني حياتي بااللقاء


الكلمه المطلوبه

(مشعوفان)

 

 

 

 

[معلومات العضو شافي القويسي المخاريم]

والله يابن جزا مالقيت الا ابياتك في مشعوفان

يااهل القصايد حارت اليوم الافكار=من عقب مااقفا خيرت الزمل عنا
مابه عوض عقبه تشاقيه الانظار=مهما تجي الاذكـار منـا ومنـا
اخذوا كلامي من تثابيت الاخبـار=(مشعوفان)ماعقبه فحول بزمنـا
وياراعي المجهم تعوض بهـدار=وارتـح ولاتقعـد بـذودك تعنـا

كلمة(التغلّي)

 

 

 

 

[معلومات العضو نجــــــــــديه]

طعنت القلب في رمح التغلي وانذبح مليون=وتركت الخافق اللي عاشقك في يد ســــفاحه
غليتك من غلا نفسي وشيطان الغلا ملعون=هويتك لين عاثت بي جنود الشوق ورمــاحه
انا اللي طار بك عشقٍ دفا برد وعقل وجنون=سبب حبك وما شفته تصورت التعب راحه
وانا اللي جاب لك عمره على كفه وقال يهون=زماني يا بعد عيني شقى دنياك وافــــــراحه
يا اغلى من على وجه البسيطه يالحلا المزيون=يا ابو رمش ٍ ذبحني والرموش الحسن ذباحه
دخيلك لانذبح راع الهوى منهو يسود الكون=دخيلك لا نجرح راع الهوى من يبري جراحه

 

 

 

 

[معلومات العضو المهلب]

وش حيلة اللي يحب وكاتمٍ حبه = وده يبين وخايف من المناقيدي
لاجى يبي يكتمه ماطاوعه قلبه = حبٍ من الله ولاهوبيده وبيدي
أسير عين الغنوج اللي نبي قربه = ويازين أسره مدام أن حبه القيدي

الربيع

 

 

 

 

[معلومات العضو فيصل بن جزاء]

من غيرك الايام ياصاحبي صيف=انت الربيع اللي بنبته زهالي

برق

 

 

 

 

[معلومات العضو بدر بن صقر العجالين]

للشاعر / مبارك بن قويد الدوسري..

برق ورعد ذي حالتي دون غيمه=والخد سالت من ذواريف هتان
الحال حاله والليالي ظليمه=وأضداد دنيا صارت اليوم بــ إنسان

اللي بعدي كلمة>>> ( حيرتني )

 

 

 

 

[معلومات العضو كفى]

حيرتني واحترت .. وشـي نوايـاك
............................كل مانسيتك جيت تعلـن (خضوعـك )

عجزت لفهم بالهـوى كيـف مبـداك
............................طبعك غريب ونادر الناس نوعـك !!

مرة تجيني قاطع ( حـدود ) دنيـاك
............................تسبق معاذير (البطاء) لـي دموعـك

في لهفة ٍ منها الوله جـاوز إخطـاك
............................وكن ( الغلا ) مستل سيفـه يلوعـك

ومرة .. احس ان ( الغلا ) من بقاياك
............................ما ضمته بين الحنايـا .. ضلوعـك

صار الغيـاب اليـوم ابـرز مزايـاك
............................واول غيابك ما يكمّل .. سبوعـك !!

قلي امانه .. ريّح البـال وش جـاك
............................لا تنطفي بالحب .. آخـر شموعـك

عطني عهودك بالوفاء هـات يمنـاك
............................واللي بغيتـه( بالمعاليـق ) طوعـك

رهنت شوقي .. بايع الناس لرضـاك
............................وانهد حيلي .. من غرايب طبوعـك

ابيك تبقـى داخـل العيـن ترعـاك
............................لو( طحت ) يصعب فالمحبه طلوعـك

مليت صبري اشتكي منك .. وانهـاك
............................يالله عسى ما صابني .. ما يروعـك

هذي حروفي ( نزفها) مـن سوايـاك
............................ترجمتها باحساس .. ياصل سموعـك

اخاف يـوم ٍ مايجـي فيـه طريـاك
...........................وإن جيت ترجع ما يسّرك .. رجوعك




,,,تعبت,,,

 

 

 

 

[معلومات العضو إبن دوسر]

تعبت والله من سود ليله بلا حد=في ليالي هالفرح قد تنعكسها
مادريت الحب يطوّل من هنا جد=يقلب الفرحه لضيقة في نفسها

لـ ( محمد الدوسري ).

عن ( الغزل مايرفع الرجال ) !!