ثورة البركـــــان

[معلومات العضو محمد بن سالم الخضراني]

أكتشفنا صيغة الدنيا وهـي مرتاعـه=لارهجها ثورة البركـان وا لزلزالـي
والبخت لوفيه خير بدبرتـه وأسناعـه=ماحذفني من ورى شط البحر بلحالـي
الله أكبر يالزمان اللي تفـر الساعـه=القريب أصبح عدوي والبعيـد موالـي
أصبح القلب المهاجر مايواطن قاعـه=يصطفق مثل الغريب اللي ماحوله والي
ونتي ونة مريضن ماتطيب أوجاعـه=كل من زاره وشافه دمع عينه سالـي
علموا راع الاشاعه لايحـط أشاعـه=لويسوي فحص طبي مادرى عن حالي
وكل ماناظر عيوني قال حالك راعـه=لاتقول أني بخيـر وطيبـن متشالـي
الوكاد أن الكـدر بعيونـك الملتاعـه=ولادرينا وش سبايب علتـك ياغالـي
قلت حالي مستحيل تميزون أوضاعـه=بس عطني لوتكرم غترتـي وعقالـي
مالي إلا رأس مرقابن تلـج إسباعـه=شيب عيني يوم أشرف به وجوه خالي
أفتح أزراري وأنطح منحري ذعذاعه=وأرفع بصوتي وأغنـي للهوا موالـي
أتشطر عن عيـون العالـم الخداعـه=وأترك الدنيا وأهلهـا تبتسـم للسالـي
بين صطوات الزمن وأنيابه المزاعـه=ماتوقعت الظـروف يحطمـن آمالـي

 

 

 

 

[معلومات العضو عبدالله الحافر الغييثي]

مقدمه يابوسالم وصح بدنك ولاهنت على طيب المرور

 

 

 

 

[معلومات العضو ناصر بن فهد]

صح لسانك وصح لسان شاعرنا/مشيع الغييثي


ولاهنت يا ابومطر على الطرح يا ذيبان





*

*

إحـــترآمــي

 

 

 

 

[معلومات العضو عبدالله الحافر الغييثي]

هلابك ياناصر الفصام شرفني مرورك لاهنت يالقرم