مانت كفـــو تكـــون دوســــري

[معلومات العضو نايف الخييلي]

ايييييييييه يابو راجس

والله انك تستاهل حبة خشم على ذا الكلام الطيّب

اي والله في الزمن النت والمنتديات أصبح للسفيه ومريض القلب مجال
للحديث , أصبح المنبوذ من المجالس له لسان يتحدث به , والله شئ يوجع القلب يجيك سفهاء خلف شاشة الكمبيوتر ويُثيرون الفتن , التغالبه هم الدواسر وال زايد هم الدواسر , ودوسر هو جد ال زايد ودوسر هو جد التغالبه , وذولا فيهم وذولا فيهم , وكلام يضيق الخاطر
ولاحول ولا قوة الا بالله , ياأخوان من متى أصبح هالكلام محل نقاش ,
والدواسر من مئات السنين وهم لحمةً وحده وحميتهم وحده , وهل عادات وسلوم وأعراف ولهجه وتقاليد واحده لايختلفون فيها , يجمعهم
حدودً حموها بحد السيف ولاتنازعوا فيما بينهم , واليوم يجينا مرضى النفوس , ويثيرون الكلام الخامل بيّنا , ثم يجي بعضنا ويحقد على بعض
ويُبغض بعض من أجل كلام ظاهر من شخص ناقص عقل !!! هذا ليس منطق ياأخوان فالسفيه علينا عدم الأخذ بما يقول وهو لايمثل الاشخصه المنبوذ , فعلاً يابو راجس من يقراء لهؤلاء ويأخذ كلامهم بمحمل الجد ثم يُصبح ممّن يطعن بين الدواسر مهوب كفوا ان يكون دوسري , رجال يُفرح الاجناب على الدواسر مهوب كفوا ان يكون دوسري , حتى بعض الاجناب من القبايل الثانيه ممن يحملون حبً للدواسر مايرضيهم مايشاهدونه من طعن وسباب وتشكيك , فبالله
إذا كان الغريب لايرضى كيف ترضى !! اي والله ماهم كفوا انهم دواسر

الشيخ برجس المشاويه , الله يبيّض وجهك يوم تبيّض وجوهه وتسّود وجوه , والله يجزاك خير على الكلام الطيب اللى يدل على طيب مجناك
والله يبنفّع بما تكتب ولك جزيل شكري وإحترامي


تقبل أطيب التحايا وأصدقها

 

 

 

 

[معلومات العضو فهد بن مبارك الودعاني]

بسم الله الرحمن الرحيم ،، أسعد الله صباحكم بكل خير ،، أخواني رواد هذا المنتدى أو بالأصح الكيان الجميل الذي يحمل أسم قبيلتنا الغاليه على قلوبنا ،، السلام عليكم و رحمة الله و بركاته ،، أخي و أبن عمي الشيخ : برجس بن راجس المشاويه ،، جزيت خيراً بما كتبه قلم متميز كما عهدناهـ منكـ و عسى الله لأيهينكـ يالغالي ،، و أدم الله علينا بالصحه و العافيه ،، لـكـم كـل الآحـتـرام و الـتـقــديـر ،،

 

 

 

 

[معلومات العضو معكوس]

لااله الا الله محمد رسول الله
اشهد ان لااله الا الله محمد رسول الله

الموقع الرسمي مايحتاج شهاده من احد شامخ وجامع ومحايد يديره ارجال كفو ومن حمايل ومن جميع القبايل جمعو الشيوخ والكبار والصغار وخسروا وصبرو
وبالنهايه ظفرو بمحبتنا وتايدنا لان نيتهم طيبه وصافيه وذربه وعلى عز وناموس

وابو راجس بيض الله وجهه قصده طيب ونيته سليمه بس ان بعض الناس الله يغفر له في نفسه شي ويبي يظهره ومادرى وش يسوي .

خلو كلن وفاله اللي ينبح بيتعب في منتداه وماصوبه احد اسفهووه وذا دواه وماهوب ناجح منهم الا الذربين .

خلوه يزمر ويصيح ماحدن بسامعه لانه شق الصف ومافيه ثقه ولاله صوت مسموع

كلمه يستاهلها اهل ذاالموقع من الشيبان في القبايل كلها تغلبها وزايدها والله اني صادق الله يوفقكم ياهل الرسمي وانتو اللي تمثلون الدواسر والشهاده مثبته بالصوت والصوره غصب على الاقصى والادنى لانكم مطاليق ورجال
وارجو ان تبقون على حيادكم والله يعينكم على الحاقدين والحساد ومثل ماقال ابو راجس الله لايبقي كل ثاير للفتنه والله يرد كيده بنحره ويريح الدواسر منه
واضربو بيد من حديد على السحيليه واهل الفتن واللي قلوبهم ميته وهدفهم مهوب طيب
وذا اللي ماهوب دوسري اللي يشق الصف ويثير البلبله هذا ردي واللي يكتبه ولدي علمني وقلت اكتب ذا الكلام وحنا معكم والله يوفقكم

 

 

 

 

[معلومات العضو فهد بن مبارك الودعاني]

للرفع ،،

 

 

 

 

[معلومات العضو الــمــطــنــوخ]

الله يديم العزوه الدوسريه
لاهنت يابور اجس على الموضوع الطيب
ولاخلا ولاعدم

 

 

 

 

[معلومات العضو سهل الدوسري]

لاهنت يابوراجس لاهنت

والله انك صادق فلي تقوله هناك وراعين نعم وراعين يبون يفرقون بينا إنا يادواسر

بالحكي الي ماله سنع, والشرها مهوب عليهم الشرها على الي يجلس معهم ويسمع لهم ويعطيهم باله...

الله يهديهم ويصلح نياتهم.

ومادام موقع كوقع الدواسر الرسمي قايم ماعلينا خلاف ان شاء الله


والسلام عليكم ورحمة الله وبركاته

 

 

 

 

[معلومات العضو سالم الغريري]

الشيخ برجس المشاويه , الله يبيّض وجهك يوم تبيّض وجوهه وتسّود وجوه , والله يجزاك خير على الكلام الطيب اللى يدل على طيب مجناك
والله يبنفّع بما تكتب ولك جزيل شكري وإحترامي

 

 

 

 

[معلومات العضو بوراجس المشاوية]

تسلمون الله يحفظكم

كلنا بني عم وأخوان

وكلنا يد وحده

والردي ماله مكان بيننا

وأسأل الله أن لا يجعل للشيطان حظ بيننا وفينا

وكم أتمنى أن يثبت هذا الموضوع

كي يعلم كل من أراد أن يحدث فتنه أننا جميعا رجال ونساء في إنتظاره

لنرد فتنته في وجهه

وأسأل الله أن يجمعنا على طاعته

وأعلموا جميعا أنني أحبكم في الله

 

 

 

 

[معلومات العضو بنت العرنية]

اخوي كفيت ووفيت وكلامك رائع جدا وبعدين ذولا ناس يبون يشهرون انفسهم على حسابنا لكن مهما حاولوا هم مايضرون الا انفسهم وبعدين على قوله القايل
[glow=FFFF33]لايضر السحاب نبح الكلاب[/glow]
أختك:

بنت العرنية

 

 

 

 

[معلومات العضو ابو مرجس]

ابوراجس الله يوفقك عزالله انك كفو ومليون كفو والله انك جبتها على الجرح والله العظيم اني انقهر اذا سمعت بمشكله بين ابنأ الدواسر واغلبها من هذي الامور بزارين مهايطيه كل واحد يبي يثبت انه رجال ويعرف علوم الرجال وهو امه اطيب منه والله انهم فضحونا عند اللي يسوا واللي ما يسوا صرنا علك في حلوق الناس والله في صدري كلام كثيير ودي اقواله بس خانتني العبارات اكرر شكري لك على طرح هذا الموضوع الحساس والله يوفقك ويكثر من امثالك

 

 

 

 

[معلومات العضو افتخاري بالدوسري]

الدواسر اصل وفصل وعيال عم الله لايفرقهم ومن يغلط علئ الدواسر ابخليه يحفر قبره بيديه ارفع راسك وقل دوسري وافتخر

 

 

 

 

[معلومات العضو - محمد البدراني -]

جزاك الله خير وبيض الله وجهك على هالموضوع الهادف

 

 

 

 

[معلومات العضو عبدالرحمن بن عويس]

بسم الله الرحمن الرحيم

الأخ العزيز الشيخ/ برجس بن راجس المشاوية ................ حفظة الله
السلام عليكم ورحمة الله وبركاتة . . . . . . .

أهنيكم بحلول شهر رمضان المبارك واسأل الله العلي العظيم أن يجعلنا وياكم من صوامه وقوامه وأن يتقبل منا ومنكم صالح الأعمال إن شاء الله ..
الموضوع في غاية الأهمية وهؤلاء هم فئة خارجه عن المجتمع وضعاف نفوس ومابني على باطل فهو باطل . (الدواسر) يشهد لهم القاصي والداني وأفعالهم باقية وشجاعتهم ونخوتهم وطيبهم وكرمهم وفرسانهم وأخواتهم وأحببت أضيف فقط كرد على هؤلاء الضعاف الأنفس :

(( وإذا أتتك مذمتي من ناقص فهي الشهادة لي بأني كامل ))


مع تمنياتي للجميع بموفور الصحة والعافية ....

أخوكم/
عبدالرحمن بن عيسى بن عويس

 

 

 

 

[معلومات العضو عــامـر بن بــدران]

كلام جميل

اشكرك على الكلام الرائع

 

 

 

 

[معلومات العضو بن لحتل]

بسم الله الرحمن الرحيم

السلام عليكم ورحمة الله وبركاته

اولا اشكرك على اهتمامك لكن مع تحفظي على ما طرحته لانه ما يطرح مثل هذا الكلام امام الدهماء والعوام .
وثانيا لاني يصراحة اول مرة اسمع مثل هذا الكلام الا منك.
والا المفروض انك تذكر او تعرض باسماء المواقع او الاشخاص الي يقولو مثل هذا الهراء وذاللك بعد مناصحتهم واستمرارهم.
واعلمك انه هذا الشيء موجود في جميع مش القبائل بس اونما حتى على مستوى الاسرة الواحدة وهذه من عادات الجاهليه(الفخر والطعن في الانساب) من قديم اي انها ليست خاصة بقبيلة معينة حتى انك تطرح هذا التنبيه امام الناس.
ثالثا اعتقد ان هذه المواقع نشأت بسبب بعض الاحتكار او التجاهل من قبل المشرفين
فقال في عقله خلني اعمل موقع او منتدى خاص فيني
واطمنك ان هذه المنتديات لا احد يعلمها ولا بها اعضاء وضعيفة حدها سنه وتزول كالزبد الى مع السيل يذهب جفاء
وياليت الموضوع يالمشرف؟؟؟؟؟؟؟؟؟؟؟؟؟؟؟؟؟؟؟؟؟!!!!!!! وشكر