الليله خميس وين الشعار والصفوف

[معلومات العضو المسعري]

جرها ياصاحبي والحظ قايم=ونتك غنت بها ورق الحمايم
وجاوبك سوق الحجاز وكل سايم=الله الله ياللحون السامريه
انا ادري ان الوشوشه مابها خير=لاوشوشت جتنا سموم الرياحي
خويكم سايق ولا طافه الغير=ياكثر ناساً ماتعرف الرماحي

 

 

 

 

[معلومات العضو ابوحاجوووونه]

خايفٍ لانيتك ماهيب برحه ,,,,,,,, والخواطر فالعشي ماهيب شرحه

هم تقول العود ياهل العرف برْحه ..... الله الله ياللحون السامريه

يالمسعري وإلى اوجهن الطوابير = هاك العلم ياصاحبي والوشاحي

دام الدريول يشعب اشعيل ويغير = ماظنّه انه بالحياة ا ستراحي

 

 

 

 

[معلومات العضو ابوحاجوووونه]

وين راحوا الصفوف


الظاهر انهم تلقوا الليل


المسعري انا احولت اعيوني

وش رايك في النوم ماهوب زين

 

 

 

 

[معلومات العضو ابوحاجوووونه]

المسعري مساك الله بالخير


اعتذر عن المواصله عسى عمرك طويل


لان الشايب وصل حد ه اول مره يسهر الى ذالوقت


بيض الله وجهك وعسى عمرك طويل امتعتنا وهذي من عاداتك


تقبل اصدق المحبة والتقدير

 

 

 

 

[معلومات العضو المسعري]

ليش حصت من الطريق اللي تسيره=يوم ثار الموج واعلنا المسيره
حوصتك يالعود والله انها خطيره=الله الله ياللحون السامريه
فرملت للددسن مع مسكت القير=ياروغ روغك يالرفيق السماحي
وش لون جيت بها على قولة خضير=ياهل كوادر من يفك السراحي

 

 

 

 

[معلومات العضو المسعري]

بيض الله وجهك يابوحاجونه لا كن العتب على الجمهور وينهم ذالليل وهوليل خميس كل في سابع نومه
الله يعطي الجميع العافيه وعساهم يعوضونا الليال المقبله

 

 

 

 

[معلومات العضو عبدالرحمن الشرافي]

المسعري ....

ابوحاجوووونه..



بيض الله وجيهكم يالقروم على هذه المحاوره اللي فاتتنا

وانا والله متحسف انها فاتتني لكن العوض في غيرها..



والسموحه ان كان ما مسكنا معكم الصفوف..



تقبلوا تحياتي..