اللقاء التاريخي الأوَل مع الشاعر والراوي المعروف بخيتان بن ظافي المخاريم

[معلومات العضو صالح الجعيدي]

الشكر الجزيل للشاعر والراوي المعروف بخيتان بن ظافي المخاريم

وجزيل الشكر للأخوة الافاضل من ادارة الموقع الذين قاموا بطرح هذا اللقاء المميز

سائلين الله لهم التوفيق على جهودهم الجبارة ومساعيهم الطيبة

 

 

 

 

[معلومات العضو ابو المثنى التركي]

جهد مشكور ونتمنى ان يسجل ما عنده في المنتدى في صفحة خاصة للاستفادة


ص / للادارة
ص / لكل عضو

 

 

 

 

[معلومات العضو إبـراهيـم بـن راكـــان]

ابوعبد الرحمن الودعاني

هايف العماني

راشد المسعري


بيض الله وجهيكم ومثل هذه المواضيع الي كنا ندورها .. ونبي المزيد وتسلمون جعل كفوفكم للمجد .

وجزيل الشكر / للشاعر والراوي المعروف بخيتان بن ظافي المخاريم .. آطال الله بعمرهـ .

 

 

 

 

[معلومات العضو صبي آل عريمه]

س : يدعي البعض ان حدود ابن عبود القحطاني وصلت للوادي في فترة ما من التاريخ ماصحة هذا القول ؟

ج : ابن عبود يراجع ابن هادي شيخ الجحادر قحطان ، وهم مافيهم حكي فراستهم ، وقبيلة عزيزة مافيها كلام سابقا ً ولاحقا ، ولكن أن يقال ان ابن عبود له حدود من بدة قحطان وأنه وصل للوادي هاذي لم اسمع بها ولاعندي منها خبر ، وان كانها معروفة فيجي ياخذ حدوده ويستاهل ونعطيه ذا النخل .

ابن عبود حدر مع سبيع حدروا وسهجوا الزايديه بدون قصير ، يوم نزلوا في الدحي جاهم ابن عريمه الوداعين وقال من قصيركم ، قالوا مالنا قصير ، وراح ابن عريمه للدواسر وزهم فيهم وهم مربعين ٍ من تحت العارض ، وقال قحطان وسبيع نازلين ٍ في (الدحي) مامعهم قصير ، كانه بعد ابن عبود بياخذ الدحي فيستاهله .

هرعوا الدواسر وسحتوهم وخذوهم مخذة ِ مابعد صارت ، اما السبعان فهجوا وسلم حلالهم ، اما آل مسعود فأخذوا كلهم، وشرب فنجال عرار بن عبود شربه طليفيح بن شبنان المصارير ويوم واجهه ولزم طليفيح عرار بشوشته وهو على ظهر الفرس ونفضه وحذفه في المسيله وهي تمشي ، ومنعه طليفيح وسمى طليفيح ولده على عرار ابن عبود .

( خلط كبير بين قصتين مختلفتين .؟! )

بن عريمة في فرعة الوادي وليس في نفود الدحي .!

وقصة بن عبود وطمعة في النزول في الوادي مشهورة ويعرفها القاصي قبل الداني .!!

بن عبود اراد النزول في وادي الدواسر على اساس انهم من الاخوان

واهل دين ويريدون الاقامة في البلاد والصلاة في المساجد وعندما سمع

بالخبر ال عريمة وعلى رأسهم الامير عبدالله بن سعد بن فراج بن عريمة ال ناصر الوداعين

قال قولتة المشهورة ( والله مانجتمع في الوادي ياقحطان كون يجتمع البارود والمشهاب )

( وقال وفعل )

واليكم قصيدة الشاعر الكبير فالح بن حمود بن بتلا المخاريم الدوسري

وهي توضح بجلاء ماجرى من بن عبود وقحطان مع الامير عبدالله بن عريمة وال ناصرجماعتة

ياحمود قرب موترك وانت عجلان = ودي بمسيارٍ على منبع الطيب
ودي بمسيارٍ لذربين الايمان = يم ال عريمة متعبين المواجيب
ومن قلطك قل ناصيٍ بن سمحان = فالح ولد سمحان سمحان بن ذيب
يوم قحطانٍ جاوا باسلوم الاخوان = قالوا نبي الجيرة وحنا الاصاحيب
فقالوا ياكون يصاحب الذيب سرحان = ولا المحبب يجتمع والمشاهيب .<؟

------------------------------------------------------------------------

يقال ان البيت المشهور ( خبر الدربيك ياللي رفيقٍ له = الخطر منا على فرعة الوادي

مقول على السنة الشيابين واريد منه استنهاض نخوة ال عريمة ,,

وقد ردوا ال عريمة وهذا بيت من القصيدة المشهورة

( من بغا الفرعة يبيها مكان له = عندنا البارود للي يجي عادي )

 

 

 

 

[معلومات العضو عبدالرحمن النتيفات]

أخواني أعضاء مجلس الأداره

كل الشكر والتقدير لجهودكم الطيبه

عسي الله يطول في عمرالشاعر الكبير بخيتان بن ظافي المخاريم

 

 

 

 

[معلومات العضو ماجد بن رويه]

اشكر ادارة المنتدى


على هذا اللقاء الوافي



مع بخيتان بن ظافي المخاريم

 

 

 

 

[معلومات العضو ابن هميل]

مشكورين على القاء وبيض الله وجيهكم ويا ليت القاء كان اطول

 

 

 

 

[معلومات العضو متحري الصدق]

السلام عليكم ورحمة الله وبركاته


مساك الله بالخير


اخوي صبي ال عريمه كلام الروايه والشاعر بخيتان واضح وانت اللي حصل منك لبس وخلط .. وانا بأوضح لك زياده ولا كلام الشاعر بخيتان وافي : لكن من باب التوضيح.

اما قضية الدحي فهي معروفه فنازلينه قبيلتين ال مسعود من قحطان وشيخهم ابن عبود

وقبيلة السوده من قبيلة سبيع وشيخهم ابن باحص .. وجاهم ابن عريمه على ذلوله رايح من الوادي

متجه شمال وسألهم من قصيرهم من الدواسر وقالوا مالنا قصير وراح صوب الدواسر واخبرهم واستحمى بهم وجاء كون من المساعره والمصارير على قحطان وسبيع ..
اما من خصوص سبيع فاستنذروا وهج حلالهم مسنّد غرب وسلم من الدواسر

واما حلال قحطان خذوه الدواسر وقد أوضح في السالفه ابن عبود وفنجاله اللي شربه ابن شبنبان اللي هو طليفيح المصارير ومنعه ...

____________
أما قصة ال مسعود ونزولهم في الوادي كاخوان هذا صحيح وفي وقت الاسلام عند مهاجرة الباديه ماهوب وقت الجهل وقت الدحي

وفعلا استنكروهم الوداعين وعلى راسهم ابن عريمه ... وهذي قصة معروفه


_____

أما بخصوص قصيدة ابن بتلا الشاعر فالح بن حمود المخاريم

فهي حديثه ومرسلها لرجال يستاهلون ومرسلها لصديقه فالح ابن سمحان ابن ذيب ابن عريمه ...
ولا يزال فالح بن حمود حي الله يطول عمره وفالح ابن سمحان حي والله يطول عمارهم جميع

وال ناااصر كفو ومايحتاج

ولو سمحت لاعاد تخلط السوالف بعضها في بعض القديمه والحديثه ....

 

 

 

 

[معلومات العضو vip909]

رد علية ضريس ال شواي


الاسم هو مبارك بن محمد ال شواي الوداعين


والقصيدة مطلعها هو


يالله يالله يالمطلوب ياوالي ؟؟؟؟؟؟ يامرجعن بالحيا دارن سناوية

وهي عندي كاملة اذا كنتم لازلتم مهتمين كادارة نزلتها لكم

لا ن الراوية خربط فيها جل من لا يخطئ

 

 

 

 

[معلومات العضو بن حشاش]

نشكر الاخوه الاعضاء علي اللقاءالمميزونتمني المزيدواناعلي ثقه بان الشاعروالراوي لديه الكثير من تاريخ القبيله ونرجومن الاخوه الاعضاء لقاء ثاني موسع ومطول مع الشاعربخيتان المخاريم لان القاء الاول كان جدااا ممتع نسال الله ان يوفق الجميع ولكم جزيل الشكر

 

 

 

 

[معلومات العضو لاد المنيعي]

يمال طالة العمر يابو بخيتان

اشهد انه راوية ومن الرجال النادرين في حفظ علوم الدواسر دون قاصر في احد

بيض الله وجه من التقى به وسوا اللقاء ولا شلت يمانيهم

 

 

 

 

[معلومات العضو أبـ ريماس ـو]

لقاء مميز الف شكر للاداره الكريمه على اجراء اللقا واطال الله في عمر الراوي بخيتان ابن ظافي تقبلوا شكري

 

 

 

 

[معلومات العضو النادر2009]

ماقصرت ياالمخريمي على هذه السوالف ، بس فيه قصيده قريت فيها ان الأفلاج مافيها الى الحضر وهذا غير صحيح والأفلاج هلها بدو وهم اهل الابل الي مافي الجزيره مثلها ولك تحياتي .

 

 

 

 

[معلومات العضو محمد بن سالم الخضراني]

كلل الشكر للادارة والقائمين عليها لله يبيض وجيهكم


لاسثضافت الراوي والشاعر بخيتان بن ظافي المخاريم

 

 

 

 

[معلومات العضو ثريان الدوسري]

شكر لله ثم الوالدبخيتان المخاريم