،،،،،،،بستان الشعر،،،،، - الصفحة 15

**معلومات** **العضو** · 11-03-2009, 04:30 AM

تعال خل العلم شرح وتفاصيل =ونحلّ وضعٍ صار لجل الحقيقه
عطني جوابك واخذ مني محاصيل=وعطني سؤالك والاجابه وثيقه
خل النهار اللي سحابه مقابيل=يمطر سحابه يوم رفرف بريقه

**معلومات** **العضو** · 11-03-2009, 04:53 AM

ونتي ونت يتيمٍ شكا جور الزمان=في نهار العيد دوّج ولحدن لدّ فيه
انتزح عن جمله الخلق في ذاك المكان=واستوا عيده وقبل امس واللي مقتفيه
تكّت العبره بصدره ودمع العين حان=يوم كلن لدّ لمّه وهي صوبه تبيه
ولا حدن صوبه تلفت ولا جا له عوان=كل منهم عاش وقته على ما يهتويه
ونتي لا هوّد الليل واظلم واستبان=نجمي اللي صرت اخيله وفا واشكي عليه
وونتي من وضعي اللي بعد ما زان شان=ماجنيت بما حصلي ونا اللي مكتويه

**معلومات** **العضو** · 13-03-2009, 11:00 AM

اقتباس:

المشاركة الأصلية كتبت بواسطة مطلق الحصان آل عمار

ونتي ونت يتيمٍ شكا جور الزمان=في نهار العيد دوّج ولحدن لدّ فيه
انتزح عن جمله الخلق في ذاك المكان=واستوا عيده وقبل امس واللي مقتفيه
تكّت العبره بصدره ودمع العين حان=يوم كلن لدّ لمّه وهي صوبه تبيه
ولا حدن صوبه تلفت ولا جا له عوان=كل منهم عاش وقته على ما يهتويه
ونتي لا هوّد الليل واظلم واستبان=نجمي اللي صرت اخيله وفا واشكي عليه
وونتي من وضعي اللي بعد ما زان شان=ماجنيت بما حصلي ونا اللي مكتويه

صباحكم فل وريحان بإذن الله

ااه ياحضي اللي مثل حضك خوان =كل ماعدله مدري وش اللي يجيه
كل ماقلت حظي زان ياناس شان =محد يخبر لي زبونا(ن) لحضي يشتريه
احسب ان الكون امان(ن) واثر مابه امان =اكتشفت ان الاوادم بعضها يغدر بوالديه

تحياتي للجميع

**معلومات** **العضو** · 14-03-2009, 03:03 AM

الشيخه يعطيك العافيه على الحضور والمشاركه الجميله

قالت لي ان الحب يبنى على ساس=ونا بنيت الحب من دمع عيني
قالت لي ان الحب هو لحظه احساس =والحب حطمّ فيني احلى سنيني
انا عطيتك من هنا الوقت بقياس=لاشك مابيّن بعينك حنيني
اسايرك بالحب من بدّه الناس =واخشى عليك من الملا حاسديني
لا وآحسايف كان حبٍ على ساس=ينسى ويهدم والغلا مات فيني
اخذت رموز الحب خلت لي الياس=خلتني ابكي ماغدى من يديني

**معلومات** **العضو** · 14-03-2009, 03:08 AM

مظلوم في ماحصل واصبحتنا الظالم=في حكمهم شخصوني يالله الخيـره
ياكيف اسوي بوضعي كني الحالـم=امسيت في ديرتن واصبحت في ديره
في ماحصل ما جنينـا والله العالـم=مظلوم واليوم قالـو جيـب تكفيـره

مطلق الحصان

**معلومات** **العضو** · 14-03-2009, 03:15 AM

ياصاحبي قصف المناطق من الحـرب=يشبه مع الغلطات قصـف المشاعـر
انا معـك مثـل الـذي تـاه بالـدرب=في ليلـةٍ ظلمـا بهـا البـرد ساعـر
ارفع بصوتي يمة الشـرق والغـرب=واسمع صدى صوتي على حرف شاعر

**معلومات** **العضو** · 14-03-2009, 03:24 AM

ياصاحبي ماجنيت من الزمـن حاجـه=الا بيـوت القصايـد فـي دواوينـي
اكتب بيوت القصايد واضبط اخراجـه=حسب الحدث ماكتبته من هوى عينـي
من عقب ماني رفعت الحب وسياجـه=اقفيت طاعن وجيـت اليـوم هاجينـي
اقفيت غامض كسرت الحب وسراجـه=واظلم سما الحب منّك وابتـدى دينـي
لكن على ماحصل بالوضع واحراجـه=يكفينـي الصمـت حكمـه للمحبينـي
مارحت اسولف واقول الوضع وادراجه=كتمت ماصـار واحرقـت العناوينـي
ذي عاده الحر يرقا ينهـض حجاجـه=ماينطـق الهـرج يفتـح للمعاديـنـي
واليوم كلن يعـرف شلـون مخراجـه=ويسلك طريقـه ولا يسلـك طريقينـي
خلالاص بدفن هموم القلـب وافواجـه=في قبو غامض دفنته وامسـح يدينـي

**معلومات** **العضو** · 14-03-2009, 03:34 AM

البارحه جوي مثل جو الرياض=متعكر الاجواء يوم العاصفـه
على ما صار يادنيا عجايب=على صفحه شقا ايامك قرينا
زرعنا ما جنينـا والسبايـب=تلاحق من زمنّا مـع يدينـا
على ماصار واجهنا الغرايب=وعلى ماصار بصدوفك روينا
بنينا فـي زمنّـا والحبايـب=تهدم بصدهـا ماقـد بنينـا
نوثق مير عودنـا طلايـب=عجايب يوم هـذى ماجنينـا

**معلومات** **العضو** · 14-03-2009, 03:37 AM

الجمره اللي شلتها باوسط الكـف=حذفتها مني علـى بعـد مرمـاي
حذفتها يوم الحقت داخل الجـوف=وخليتها واقفيـت عنهـا بممشـاي
غديتنا منها مثـل ناقـل الخـرج=والخرج به حيّـه تحـرا ليمنـاي
عشنا وشفنا فـي زمنّـا بهااذيـل=ومن لا صحا يقضي حياته بلا راي

**معلومات** **العضو** · 14-03-2009, 03:45 AM

يالآدمي شوف حلمك ويش تفسيره=حلمن تحقق وحلمن في مناويهـا
تفسيره ان الركايب كنّهـا مغيـره=احدٍ وصل والمصلّب في تواليهـا
دامك على الراحله فانته لك الخيره=واليا نزلت اقعدوك بما كتب فيهـا
دنياك هذي قصيره كنّهـا النيـره=لاولعت فالهشيـم وطـار تاليهـا
يقطعك دنيا قصيره مالهـا جيـره=ماعاونت من عشق والا مهاويهـا
تضحك لنا ضحكه اللي في تعابيره=نيّه غدر مافهمها غيـر موحيهـا
احدٍ عرف قصدها وابدى معاذيره=واحدٍ تبعها وروّح فـي ملاويهـا
والنفس طيرٍ يطير وفي مطاييـره=يصدف شبكها وياقع في محاويهـا
وان ماكبتنا النفوس بمنهج السيره=عشنا الامل والامل ماهوب قاضيها
في كل يومٍ يمر ويبتـدي غيـره=تقرب نهايه حياتك وانت ناسيهـا

**معلومات** **العضو** · 14-03-2009, 03:53 AM

ماجيـت ادوّر للغلـط ياحـبـذا=تسمع كلامي والحكي بعضه ذهب
انته بغيت الوضع يصبـح هكـذا=تسمع كلام اللي يحطك في لهـب
ياما عطيتك من هنا الدنيـا شـذا=ياللاسف ولعتها واخـذ الحطـب
روّح ترا اللي قد عطا ما قد خذا=غلطه يمينك يوم سويت السبـب

**معلومات** **العضو** · 14-03-2009, 03:57 AM

لاباس ياجرحٍ نشـا كيـف اداويـه=نزفـه يزيـد ولا تلائـم صوابـه
اصـد بـه بيـن الليالـي والاقيـه=عـود صديـده ليـن جـدد شبابـه
وسبه صديده عطره اللـي عطانيـه=واليا لمسته فـاح عطـره رحابـه
بغيـت الملـم ذكرياتـه وطاريـه=لاشـك زودّت المواجـع صـلابـه
مابين ذكره بيـن لمسـات اياديـه=في دفتر الاشواق حـرف الكتابـه
صار الأمل يائس عليّ من مباديـه=حتى طلبت الليـل يعطـي جوابـه
جاني يواسيني ونا جيـت اواسيـه=مرسولنـا عـوّد جوابـه كئـآبـه
يقول جر الصوت من كـان تبغيـه=قفا مع اللـي فـي زمانـه وشابـه
وقعدت اجر الصوت وامسح طواريه=واجر صوتي فوق عـزف الربابـه

**معلومات** **العضو** · 14-03-2009, 04:01 AM

يقول ميحد يوم غنـى بالالحـان=غنى الحمام وهيج القلـب بغنـاه
ولقيتها غنت على روس الاغصان=تشكي ولعها باول اليـوم واتـلاه
تشكي ولعها والولع راس الاحزان=لاصارت الفرقا على القلب مهداه
وقعدت آواسيها على كل ماكـان=واقول انا وانتي بقينـا ضحايـاه

**معلومات** **العضو** · 14-03-2009, 04:03 AM

مجبور آوآدع والموآدع مع الغيب=في صفحه الآيام بالفعل مكتـوب
صكيت بابٍ فيه صارت مطاليب=مجبور اصكّه لازم اليوم مطلوب
صحيح قاسي يوم سقت المكاتيب=بس المعزّه دونها القلب مجلوب

**معلومات** **العضو** · 14-03-2009, 04:05 AM

الرفقه اللي على الميقاف ماطابت=كنسلتها يوم قامت بالردى تخشـر
ياصاحبٍ والنوايا داخلـه ذابـت=يضحك مع الوجه لكن داخله اقشر
السكّه اللي تودي عـلّ ماجابـت=والموتر اللي يشيلك علّ مابنشـر

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية