قصيده للشاعره القطريه الراحله((المرحومه)) صدى الحرمان..!

**معلومات** **العضو** · 01-05-2005, 02:30 AM


	السلام عليكم ورحمة الله وبركاته أخواني وأخواتي الزوار..هذه قصيده لشاعره الراحله صدى الحرمان.. وكما هو معروف عنها انها من ذوي الاحتياجات الخاصه رحمها الله وأسكنها فسيــــح جنــــاته..قولوا آمين ولقد قالت هذه القصيده بما تعانيه من حزن وألم ومن عدم القدره على الوقوف على قدميها..اليكم هذه القصيده واللتي تحمل مأساة أختنا الراحله صدى الحرمان.. خيانة عكازه.. ابـــد لا تحــزني يمـــه اذا خـــانتني رجــليني واذا كلٍ شــكى همّه وانا همـي بقى فيني واذا خنجــر صداقتهن غرس حده وســـط قلبي واذا عكازتي خافت من انها تسند ايديني ولا تبكــين يا "يمــــه" اذا عمــــري غدى دفـتر وكلٍ يمــــزع اوراقـــــه ولا ظــنه يكـــفيني ابد لا يجزع احساسك لا شفتي البعض يجرحني واذا ضاع الوفا فيهن وضاعت معهن سنيني على ضيم الجفا ابقى تنازع روحي الحســـــرة واحــس الظلـــم يا امـــي يقطع من شراييني بسيطة كل الم جسمــي تحملته وانا اضحك لك لكن الخوف يا يمـــه من احســاسٍ سكن فيني يا حيـف الطـيب بالدنيا يضيع وينتهي عمــره يمـــوت الطيب يا يمـــه وانا فـــقري يبكـيني شيهم ان خانت الدنيا اذا ارجــع لك مثل اول احط راسي على صدرك واعرفك ماتخونيني -------------- أخواني وأخواتي لا تنسوا أختكم من الدعاء

**معلومات** **العضو** · 01-05-2005, 02:47 AM

الله يرحمها ويرحم اموات المسلمين

الخييلي تشكر

على جهودك

وتسلم يمناك

ولا عدمناك

**معلومات** **العضو** · 01-05-2005, 03:00 AM

العفو اخوي الشكري ومن قال سالم شاكرلك مرورك الطيب

**معلومات** **العضو** · 01-05-2005, 03:04 AM

الله يرحمها ومشكور اخوي الخييلي عل هل نقل

تحياتي لك

اخوك عبدالرحمن الذايدي

**معلومات** **العضو** · 01-05-2005, 03:30 AM

العفو اخوي عبدالرحمن وشاكرلك على هالمرور العطرر

**معلومات** **العضو** · 01-05-2005, 12:23 PM

الله الله يرحمه ويسكنه الجنه

لاهنت اخيو المشاركه الرائعه

**معلومات** **العضو** · 01-05-2005, 12:35 PM

الله يرحمها برحمته
لاهنت يالخييلي ,,
تقبل تحياتي يالغالي ’’’,,,,

**معلومات** **العضو** · 01-05-2005, 02:52 PM

لا حول ولا قوة الا بالله... قصيده حزينه من قلب..... ذكرتني بقصيدة عابرة سبيل اللي بنشرها قريب ان شاء الله.....

لا هنت أخوي على نقلها ...

**معلومات** **العضو** · 01-05-2005, 03:34 PM

تركي الودعاني مشكور على مرورك اخوي

===========================

ولاهنت اخوي نـايـف وشاكرلك هالمرور العطر

==============================

ولاهنتي اختي النـادره ومشكوره على هالمرور الطيب

تقبلو تحياتي

**معلومات** **العضو** · 01-05-2005, 04:26 PM

مشكوريالخييلي على مجهودك

اللهم ارحمها واغسلها من خطاياها بالماء والثلج والبرد ياحي ياقيوم

**معلومات** **العضو** · 01-05-2005, 04:44 PM

العفو اخوي النايف1 اللهم امين وجزاك الله خير اخوي

وشاكرلك على هالمرور الطيب

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية