قال العتيبي(اسلم وسلم لي على الشيخ مقبول 000شيخ الشلاوى الي ورى الضلع قــده )

[معلومات العضو ابن شالي]

بسم الله الرحمن الرحيم



الشيخ والفارس والشاعر: مقبول ابن هريس الشــــــــــــلوي :-

هو الشيخ / مقبول بن حـمود بن هريس الشلوي من القحره من بطن الجعارين من قبيلة الشلاوى ويعتبر الشيخ مقبول شيخ قبيلة الشلاوى كافة وبنى الحارث عامةوتوفي في عام 1265 ه تقريبا 0 وكان أبوه هريس عقيد قوم وكان يغزي بقيادته ولما توفي أبوه هريس كان الشيخ مقبول صغيراً وكان يغزي مثله مثل أبناء قبيلته مع شيوخ الشلاوى وبعد عدة سنوات تغير الحال على الشيخ مقبول فأصبح يغزي برئاسته وكانت هناك قبائل أخرى تغزي تحت رئاسته 0ومن القصائد التي قيلت في مدح الشيخ مقبول بن هريس الشلوي قصيدة لشاعر وفارس من قبيلة عتيبه يقال له (دليـم الطـر ) وقال فيها :-

يا بادعين القاف أنا ويش ابـا اقـول =واليـا بدعـت القـاف كـلاً يــرده
وإن جيت أهاوي لي من البيض مجمول= والـيـا ورايــه واحـــداً زاد وده
وان جيت أبرمي بذنـي كـل ناجـول =وإن جيت أسـد الريـع كلن يسـده
وإن جيت أعدي مرقباً قلـت مجهـول =واليـا ورايـه واحـداً بــاق جــده
يا راكباً مـن عندنـا كنسـن حـول =مـا فوقهـن كـود القـرب والأشــده
مثل النعام الربـد وإن راح جهجـول =والـيـا عطـالـه رقــة مسمـهـده
أسلم وسلم لـي علـى الشيـخ مقبـول =شيخ الشلاوى اللـي ورى الضلـع قـده
تلقاه فـي بيـت كثيـر بـه الضـول =ومشيـداً كنـه علـى فــرع جــده
وهوه كما عـدٍ مـن البـدو مدهـول =احدٍ قطـن و أحـدٍ نـزل فـي مهـده
وهوه كما سيفً مـن الهنـد مسلـول =ليـا هـوى يفصـم الضـلـع حــده
طريحنـا منهـم نشيلـه ليـا الحـول =وطريحهـم منـا كـلا الرمـل خــده
وحنـا شبابـه ناخـذ الفعـل بالـدول =حـبـل يمـدونـه وحـنـا نـــرده

شبابه : حلف يضم الشلاوى عتيبة وحرب وزهران وقيل عنزة
خنذف: حلف يضم شمر ومطير وغيرها من القبائل

وبعدما سمعها الشيخ مقبول امر ان لاتؤخذ ابل دليم وربعه المراشدة من العتبان اذا حصلت حرب بينهم وقيل ارسله له هديه وهذة القصيدة قيلت بعد ان دارت بينهم عده معارك منها معركة المزبورة وسوف ياتى ذكرهاا لاحقاا .. وشكرا

 

 

 

 

[معلومات العضو ابو زيد الغييثي]

ابن هريس

فارس مغوار


واحب اسمع مغازيه ومعاركه مع البقوم


تقبل تحياتي ابو زيد الغييثي

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

أبن شالي

سلمت يمناك على النقل الجميل

ورحم الله الشيخ / مقبول بن حـمود بن هريس الشلوي

وصح الله لسان الشاعر العتيبي

فالشيخ سمعنا عنه الكثير ويستاهل ماقيل فيه

تحياتي العطره

من محب الجميع : دغش البطي

 

 

 

 

[معلومات العضو ابن شالي]

الاخ ابو زيد الغييثي

الاخ دغش البطي

مشكورين لاهنتم على مروركم يعطيكم الف عافيه.