كمل سنا اللبس و أبلينا الجدايد

**معلومات** **العضو** · 24-01-2006, 06:41 AM


	بسم الله الرحمن الرحيم ( المجرب كل ما أصبح ليه زايد ) قصيدة لرجل من أهل حايل وقيل أسمه إبراهيم بن عجلان أو سويلم الشعلاني عندما قدم من الجنوب مسافر إلى الشمال مروراً بالدواسر فأكرموه وحملوه بالزاد والعتاد و أعطوه كل ما يحتاج ، فقال هذه القصيدة : كمل سنا اللبس و أبلينا الجدايد = و المحازم ناحلاتٍ من بطاها والمجرب كل ما أصبح ليه زايد = والردي يصبح على عينه غثاها روحت و أرقابها مثل الجرايد = وان وطت حزم غشي راسه دماها روحت بي بين حفيات الفرايد = وفهقت تثليث وجباله وراها روحت بي صوب ديران آل زايد = ديرة من قل ماجوده نصاها لا لفيناها درعنا في الجدايد = والعمس قفى وعينا مناها رياض من الأدب الشعبي جمع وتأليف مبارك بن سيف بن غالب آل حميد الدوسري

**معلومات** **العضو** · 25-01-2006, 01:53 PM

بيض الله وجهك على القصيده ولاهنت ويعطيك العافيه الناس يا خوك لاهين في امور انت خابره

**معلومات** **العضو** · 26-01-2006, 01:54 PM

مرحبا ألف بخوي ناجي

لاهنت على المرور والتعليق

**معلومات** **العضو** · 27-01-2006, 01:15 PM

روحت بي صوب ديران آل زايد=ديرة من قـل ماجـوده نصاهـا

الاخ العزيز يحيى الودعاني

بيض الله وجهك على هذي القصيده الجزله

واختار موفق جعل عمرك طويل على طاعته

وتقبل مني فائق التقدير والاحترام

اخوك / فهد الغريري,,,

**معلومات** **العضو** · 27-01-2006, 11:50 PM

الاخ العزيز يحيى الودعاني

دائما مشاركاتك متميزة

وتسلم يمناك على ايرادها الرائع

وتقبل خالص الشكر والتقدير

**معلومات** **العضو** · 28-01-2006, 01:08 AM

ابن عمي الغالي

اشكر لك على هذا النقل

تقبل تحياتي

**معلومات** **العضو** · 30-01-2006, 02:19 PM

فهد الغريري
ابن محمد الودعاني
أبو سعود الودعاني

ياهلا والله بالجميع كل راس منكم يستاهل راس

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية