قصيدة للشاعر شافي ناصر ال بريك الدوسري

[معلومات العضو عاشق الربوا]

قصيدة للشاعر شافي بن ناصر ال بريك الدوسري في مدح علي بليهين بن مانع العقيلي الخالدي


يالله ياللي تسجد الناس لرضاه
لطفك بمخلوقك وخفف ذنوبه
ويالله ياربي على الخير تقداه
ولسانه تصونه وتبعد عيوبه
واليا مدح يمدح بلايا مضاهاه
مدح على فعل(ن) بلايا صعوبه
ولاعود لساني بكثر الملالاه
ولاامدح على الهامش بلايا جروبه
المدح له بعض الرياجيل مشهاه
يشفق لطارية وينقاد صوبه
ولايا سبق فعله كلامه ومعناه
حتى نطق حرفه يجي له عذوبه
خطوا ابلج(ن) كفه على الطيب ضراه
والمجد فصل له بمقياس ثوب
امدح مديحآ مادحه فعل يمناه
والطيب من طبعه وينهج دروبه
يبذل ولاتدري شماله بيمناه
والعلم عند الله وهذي سلوبه
امدح علي جعل المنايا تعداه
يابعد مشواحه على الي هقو به
ابو فهد له صفحة الجود مهداه
والبيض تنشر له وتملى جيوبه
حرآ سما بالمجد من طيب مجناه
وكر الحرار الي على وارتقوبه
خوالد(ن) يوم العزا والمثاراه
عدوهم منهم يجي له عقوبه
حكام هجر الي تسمواو بمبناه
كم طامع(ن) في دارهم دبرو به
يتلون حماي الحباري راع الجاه
من سطوته بيض الحباري اعجوبه
لو بس ذكر(ن) للعريعر وطرياه
اهل القنص مقناصهم مااهتنو به
والروم ناحاهم بسيفه وشلفاه
وخلا جماجمهم بدار العروبه
ياقل مايوجد مع الناس حلياه
اهل اليمن والشام فعله حكو به
وصلاة ربي بااول القول واتلاه
على نذير لامته بشرو به