بسم الله الرحمن الرحيم
الحمد لله رب العالمين والصلاه والسلام على اشرف الخلق اجميعين .. اما بعد
تكريم من محمد بن حمد ال فراس الصخابره لـ صاحب الوقفات محمد بن مطلق بن بتال ال سعود الصخابره على فعله الطيب وفزعته المشرفة مع بني عمه في اشد الظروف واصعب القضايا ولا يستغرب الطيب من اهل الطيب وقد امتدحه بعض الشعراء لوقفته مع ابن عمه ويستاهل المدح والعلم الطيب
••••••••••••••
قصيده من الشاعر الجزل / عبدالله بن فهد الصخابره
عــمـار يـابـيـتٍ عــلـى الـعـز مـبـناه
يـبـشـر بــعـزٍ مـــن نــصـاه وعـنـالـه
بـيـت نـجـيه ومـن بـغا الـعون يـنصاه
في الساحل الشرقي يشرف اقباله
ســلام يـاقـرمٍ عـلى الـطيب مـجناه
ومــعـنـزٍ مـــن بــيـن عــمـه وخــالـه
كـفـه عـلـى فـعل الـمراجل امـضراه
بـالـطـيب مـاتـعـلم ايـمـينه اشـمـاله
جــدك شـبوب الـحرب يـوم الـمثاراه
عـطب الـضرايب عـن جـماعه الحاله
كـــم ذود مــصـلاحٍ تـقـفـاه يـشـعـاه
مـــن ديــرة الـقـيمان مـاضـاق بـالـه
وأبـــوك مـطـلـق كـــل رجــمٍ تـعـلاه
دون الـمـراجـل كـــل حــالـه ومـالـه
صــوب الـجنوب ويـوم وقـت الـمثاراه
شـجـاعته مـضـرب مـثـل والـشـكاله
وانـته عـلى نـهجه وتمشي بمشاه
يـــوم اســتـدارت بـالـحبال الـمـحاله
جـيـناك يــوم الـوقـت بـانـت خـفاياه
ومــن غـيرك الـحمل الـثقيل ارتـكاله
سـهـلـت كـــل امـــرٍ اكـبـارٍ دهـايـاه
وانـهـيـتـها حــتـى بـفـعـل الـكـفـاله
وابـومـحـمـد يـــوم كــبـرت قـضـايـاه
انـهـيـتـها كــأنــك تــقـهـوى ابـيـالـه
ولــعـل رجــلٍ تـكـره الـطـيب يـمـناه
مــن عـيـشة الـدنـيا تـقـطع احـبـاله
طـــراة عــمـر الـرجـل ديــنٍ بـدنـياه
وفـعـله مـع مـن جـاه طـيب وجـماله
•••••••••••••••••••
قصيدة من الشاعر / فهد فارس الصخابره
مـرحـبا بـمحمد الـقرم واغـلى مـن حـضر
ابـــو مـطـلـق والـطـويـلة تـعـلـى فـوقـهـا
حـــراً امــضـرا لـصـيـد الـسـمينة لاشـهـر
ضـربـتـه فـــي هــدتـه مـاتـخـاط افـتـوقها
بـيـض الله وجــه راع الـفـخر طــول الـدهر
والـمـثل قــال الـنـشاما اتـخـلى اطـروقها
كـاسـياً وجـهه بـياضاً عـلى الـعليا انـتشر
مثل شمسن يشرق الكون عند اشروقها
يـطـبـخ راســـه حـمـية وفـزعـات وسـطـر
مـحـزمـاً لـلـكـايدة والـصـعـيب ايـسـوقـها
فـالـنـوايب يــقـدح الــزنـد مــاقـدم عـــذر
الــبـعـيـدة بــالـعـزايـم يــتــل اسـبـوقـهـا
عـشقته كـسب الـنواميس مـاطال وقـصر
والـعـشـيقة مـاتـغـير عــلـى مـعـشـوقها
اشـهـد انــه سـيـف نـصـراً يـوقـع فـالنحر
يـطـعن انـحـور الـشـدايد ويـظـهر عـوقـها
تـكـبـر الـقـالة ويـكـبر وهــو طـايـل شـبـر
يــــوم زادت زاد حــتـى قــطـع مـعـلـوقها
مـدهله قـفرن من الناس مايرضى الخشر
فــوقـه امـــزون الـنـفـايل تــلـوح ابـروقـها
والـفـخر دون الـمـطانيخ مـايـحسب فـخـر
الـمـدايـح دون اهـلـهـا تـضـيـع احـقـوقـها
يــابـو مـطـلق والله انــك كـفـو بـالـمختصر
الـمـراجـل سـقـتـها لـيـن وقــف سـوقـها
والـمـراجل مـثـل عــذراً مـاترضى بـالحجر
شـامـت لــراع الـنـواميس يـومـه شـوقها
ولـو يـطول الـقاف بـيشيب ماوفاك الشعر
سـمـعتك فــوق الـقـصايد وكــل اطـروقها
•••••••••••••••••••••
قصيدة من الشاعر / فهد جبعان الصخابره
جـعل راع الطيب يبقى على قيد الحياه
شـامـخاً لا مـيـل الـحـمل مـامال اقـدمه
صـيـرمـياً طـــوع الـكـايـد بــعـزم وجــراه
لـين فـي راس الطويلة ركز راس اعلمه
ذا مـحـمد جـعـل مـن مـثله يـطول بـقاه
لانـخـيـتـه مــاتـصـدد ولاهـــوب رخــمـه
وقــف بـفـعلا ً يـنـومس ربـوعـه واقـربـاه
كـــل عـلـمـاً غـانـمـاً بـالـصمايل يـغـنمه
يـوم شـان الـوقت والكون من كل اتجاه
دق صــدره والـحمايا جـرت مـجرى دمـه
مـاتـعـذر مـيـر وقــف وجــاب الـلـي وراه
يـرتـكي لـلـمعضلة بـالـحلول الـمـحكمة
لاحـتـما الـموقف تـبين وبـالفعل احـتماه
يـابـعد مـنـهو تـسـاوى وجــوده وعـدمه
نـــادراً لاوصــلـه الـعـلـم يـاصـل مـنـتهاه
و من يجاري طيب خطل اليمين بيفحمه
ابـلـجاً يـضـحك حـجـاجه لـضيفه لانـصاه
مـابعد شـفنا مـثل طـيب راسـه واكـرمه
لـه ورى الـهقوات هقوة وله وجهن وجاه
سـعـد مــن لاضـاع رايـه مـحمد مـحزمه
يـنطح الـصعبات ويـدوسها دوس الحصاه
يـوم ولـد الـلاش لـو يحترك ضاع نسمه
مـن سـلايل شايب ً يجذب الطرقي نباه
ريــف لـلـعاني ولـلـخصم ضـيق ً وعـتمه
ومـايـموت الـلـي يـخلد قـروم ً مـن وراه
يـاعـسـاه بـجـنـة الـخـلـد والله يـرحـمـه
والكفو مدحه ورى الجدي ما نلحق مداه
يـعـجـز الـتـعبير ويـمـوت ويـجـف اقـلـمه
ومـامـدحنا لـجـل نـرضيه لا والله حـشاه
مـيـر فـعـله شـاهدن لـه مـاوالله نـظلمه