الطـيٍب

**معلومات** **العضو** · 13-01-2012, 06:33 PM

كثر الطيب مع الناس ماهوب زين
الطيب لا زاد عن حده انقلب ضده

لان الــردي ماترك طبعه الشين
لا حلــف يتــركه مسير الايام ترده

خلك حزام فامرورك بين البينين
نوبــن ارخ الـحبـل ونـوب شــده

معـاد تنفع طيبة القـلب هاليومين
وش عاد منها بتلاقــي وتــحصده

اما بياض الوجــه مع الوافيـٍـن
ولا تتل القلب مع الوجيه المسوده

لا تـكون ملاك وحـولك شياطين
ومن لا يودك ويقدرك لا تقدره وتوده

خلك شديد ميـر سيد الـسلاطين
لا تثني الكلمـه وخـلها دوم وحـــده

واذا انــهم حاولـو يكونون طيبين
يخفون السم بالناب ولسانهم يمده

اسحب عليهـم ونـام قريـر العـٍين
ومـن ضيق علـيك سـارع وهــده

بكــره تجيبه الايـام يبكـي لـــٍين
يجــرح دمـع عٍـينه اوجــانه وخـده

قوله تذكر جزا طيبي وصلك وين
ماكـنت ابـي حـاجة ولا حتري مـده

كنـت ابــي ناس تقــدر الغاليــن
ولا انت خابــرك مــافيك شـــده

تعبت اسمع اعذارك وقول اسفين
ومعسول الحكي لين النفـوس تهده

لكــن خلاص سلـم على المـاضين
الــصاحـب الطـيب مـحـــال رده

رح آللـّھ حسيــبك عســاك تـلين
وعسى طبعك مع الايام تكون ضده

بوح : شيـهانه بكـف صقار