لاد العميري عند لاد العميري

[معلومات العضو شافي بن راشد النتيفات]

هذي مشاركتي في حفل الشيخ مشلح بن عايض النتيفات على شرف الشيخ عماش بن مبارك العمور وجماعته ويستاهلون



يامرحبا ن مارف بالجو طيري
ومادار من بين المطاليق جاوي
ترحيبة ن تهدى بمسك وعبيري
يقولها ناصر بعيد الهقاوي
واخوه حشر اللي بصيته كبيري
للي حداه الضيم طب ن مداوي
ويقولها اللي للمراجل سفيري
شيخ بفعل الجود دايم غناوي
مشلح على الترحيب حث المسيري
يهدونها لضيوفهم بالتساوي
بلاد العميري عند لاد العميري
متشابهين ن بالفعل والعزاوي
على شرف شيخ يحل العسيري
ماجاه طيبه بالحكى والمناوي
اللي بفعله عاش شيخ واميري
على النقا ما جاتله بالرجاوي
عماش عز اللي وقف له نصيري
فخر الدواسر مثل حر ن نداوي
عماش عماش السعد مايحيري
على دروب الطيب سيله نحاوي
انا اشهد انه للمراجل سفيري
حيثه بفعل الجود دايم رهاوي
شيخ ن يطول كل حبل ن قصيري
وللاش مايرحم ولاهوب ياوي
للطيب وبفعل المراجل جديري
ماجا على غرات ربعه دناوي
هو سعد منهو قام به يستجيري
لاجا نهار فيه صوت ونخاوي
وخواله اللي مثل حد الشطيري
لاد الحريجي مطوعة كل غاوي
تركي على كبود المعادي سعيري
قوم ن كفو ماخلق فيها دناوي
جال ن يعنز من لجاله كسيري
ينسى همومه عقب حر الملاوي
وربعه هل الوقفات عز القصيري
اهل الوفاء والطيب .زبن الجلاوي
اهل الفزوع اليا وصلها نذيري
ستر . البني لاحذفن بالغطاوي
في شعب تمره كم عقيد اسيري
من فعل ربع فوق الاعداء ماتاوي
قلته وربعي للمعالي تسيري
تاريخنا بفعل المطاليق حاوي
نتيفات اهل رمح وسيف شطيري
ما جاتنا بالهيلمه . والحكاوي
في كسرة العدوان مانستشيري
وعز القصير ومنهو النا مخاوي
هذا وكل ن فيه طيب وخيري
كل ورى الناموس يطلب وهاوي
ويامرحبا مارف بالجو طيري
ومادار من بين المطاليق جاوي
بلاد العميري عند لاد العميري
متشابهين ن بالفعل والعزاوي


شافي بن راشد النتيفات



وهذي كذلك ابيات سابقه في الشيخ عماش بن مبارك ( فخر الدواسر )

على دعوة المطنوخ راع الوفا عماش
لزوم اتعنا وافتخر كل ما جيته
كريم ن مادور للكرم سمعة ن وفلاش
طبيعة قوي الباس ومشرع بيته
تقدم على فعل المراجل واخذها كاش
الين اخضعت له كلها وجات ناويته
عسى اللي يصد ويتقي فدوته واللاش
حليم ن وفي ن حاضر ن في مواقيته
يوقف لها لا كلحت والردي انحاش
ويثني لها كحيلان ماقال يا ليته
والى من زهمته جاك ابومبارك شواش
دوافع حمية والكفو بين ن صيته


شافي بن راشد النتيفات

 

 

 

 

[معلومات العضو نآصر البدراني]

صح لسانك وبيض الله وجهك يبو شالح

ربعنا لاد العميري (النتيفات والعمور)

كفووو علومهم كلها طيبه ومجملينا الله يطول اعمارهم