شكر وثناء على خطلان الايدي

[معلومات العضو دهام الوايلي]

مساكم الله بالخير... اولا معكم دهام الوايلي ... احد ابناء قبيلة وايلة
ثانيا تشرفت ب انضمامي الى منتداكم
ثالثا/ انا الحقيقة صار لي مواقف مع قبيلة الدواسر ولعل هذا المكان الانسب لذكر فعايلهم... وندري ان المدح في الوجه مذمه... لكن لابد نوفي الرجال حقوقها ونشكرها على افعالها اللي تجمل( انا قبل عدة سنوات تعطل سواق تريلة لي بين القيرة ووادي الدواسر وكلمني ومشيت له من نجران ووصلت وقت الغداء في الوادي ووقفت في اشارة وسألت رجال عن المطاعم القريبه وقال الحقني ولحقته الين وقفنا عند بيته وقال ضيوف الدواسر ما ياكلون بالمطاعم و اكرمني على ذبيحه الله يكثر خيره ويجود عليه .... والعصر رحت للصناعيه ابي اشل مهندس وقطع غيار ولقيت راعي الورشه الدوسري فيها وحرم وطلق ان اشل المهندس مجانا وان يلحقني بالعشاء في موقع التريله بين القيره والوادي..... هذي موقفين تجمل صارت لي من رجلين من الدواسر في نفس اليوم ولاهوب غريب على الدواسر كلهم الكرم والجود والشهامه... هذا علمي وسلامتكم

 

 

 

 

[معلومات العضو عبدالرحمن بن فلاح آل بريك]

مرحباً ومسهلاً يا الوايلي ونعم فيك وفي ربعك . وتستاهل الطيب طال عمرك . ومرحباً بك في موقع الدواسر الرسمي .

 

 

 

 

[معلومات العضو نآصر البدراني]

أررررررررحب سما يا دهام ونعم والله بك وبربعك وايلة


في ذمتي انك تستاهل وما سجلت في موقع الدواسر


لتشكرهم على فعلهم الاّ من طيب راسك نفداك ,


بيض الله وجييه ربعنا هل الوادي مجملينا أوّل وتالي صغير وكبير ,



مرحبابك ومسهلا في موقع قبيلة الدواسر الرسمي

 

 

 

 

[معلومات العضو راشد المسعري]

مرحبا بك يادهام ومسهلا والله يحييك في موقع الدواسر الرسمي
والطيب ما يستغرب من عيال الحمايل وهل الطيب
وتستاهل من يوقف معك ، وموضوعك هذا اعتبره وفاء منك
مرحبا بك مرة اخرى وآمل أن تجد مايسرك ونستفيد من قلمك في الموقع
تقبل ودي وتقديري ،،،،

 

 

 

 

[معلومات العضو بنت الذيب]

 

 

 

 

[معلومات العضو فهد الغريري]

وعليكم السلام ورحمة الله وبركاته اخي العزيز داهم اررررررررحب ترحيبةٍ عد نبت الربيع يانسل الاحرار ومرحبا ومسهلا وهذي ابرك الساعات يالنشمي يوم سجلت معنا في هذى الصرح الكريم الذي زاد نوره بوجودك.. والطيب ما يستغرب من هل الطيب وننتظر أطروحاتك ومقالاتك وكلماتك القيمة وتقبل مني فائق التقدير والاحترام في مقامك العالي اخوك / فــهــد الــغــريــري