قصيدة العتيبي في الدواسر وفي صادر بن ذيب الدوسري

[معلومات العضو راشد المسعري]

عندما كان احد كبار السن ويدعى سهل بن عناد العتيبي يرافق ابنه لتسجيله في احد الوظائف
وكان المتقدمين لهذه الوظائف بالمئات في هذه الاداره وفجأه خرج لهم مدير هذه الاداره
وطلب منهم الخروج خارج محيط الاداره فتقدم له هذا الشايب الكبير في السن وشرح له
ظروفه انه كبير في السن وليس لديه من الوقت الا اسبوع ويريد اكمال اوراق تعيين ابنه
فرد عليه المسئول وقال له يبغالك ياشايب اقل شي شهر مايمديك ولا فيه مجال للمساعده!
وقد يكون بسبب الضغط من المراجعين والفوضى ؟؟؟؟؟؟
المهم خرج الشايب خارج الاداره لايدري ماينتظره وجلس في ظل احد الجدران
في هذه اللحظه اقبل احد العاملين في هذه الاداره يريد الدخول ويدعى
صادر بن ذيب الدوسري فنهض اليه الشايب
واوقفه ولم يكن بينه وبين هذا الشخص أي معرفه وقام بشرح قصته له فقاطعه
هذا الشخص وقال له انت آمر ياشايب وش تبي بس؟
فقال له ابغى اكمال اوراق ابني فقال له اعطني شهاداته وبطاقته
وانتظرني لحظات! وماهي الا دقائق معدوده حتى رجع وقال هذه اوراق ولدك اذهب
بها للمستشفى وهناك شخص كلمته ينتظرك يخلصها لك اليوم !! وبكره ترجع
اكمل لك ماتبقى من اجراءات!
ذهب الشايب بين مصدق وغير مصدق !! ولكن فعلا اكتملت اوراق ولده وتم تسجيله!
رجع الشايب بعد ذلك وسأل عنه حتى وجده فحلف عليه باكرامه ! ومع الكرامه
هذه القصيده:

سلام ياصـادر عدد تسع الافــــــواج
اللي من عتيبه وباقي القـــــــــــــبايل

مانته بصادر واردن عـــــــــد هداج
وموردن لك مــع دروبك حـــــــمايل

يفداك ابو نجمــــه ويفداك ابو تاج
يابن الدواسر طيبيــــــــــن الفعـايل

حرن ليـــا زارك من الناس محتاج
تصهل كما يصهل حصان الاصايل

ربعن لكم في العز مبدأ ومنـــــ،هاج
يومن ولـــــــــــد اللاش ماله جمايل

يوم الردي عن درب الاجـواد منعاج
يشــــرب هماج وشرب غيره زلايل

بينه وبين الطــيب قفلن ومــــــزلاج
وليا وعــــــــــد يخلف عميل الهزايل

وقفت دون الجال من خلف الامواج
وقمت اتحرى طــــــــــــيبين السلايل

وعزي لمن ينخى عرب ساحل العاج
وعقبان نجــــــــدن يدورون الجزايل

ومقباس بالبــــــيبان سوالي ازعاج
يقفي ويقبل مار ماله حصــــــــــايل

والله يالولا صادر اني على صـــاج
ونـــطاحة القالـــــــــه يجونك قلايل

نظرت يم سهيل من فوق الابـــراج
نجمن لمــــع بين النـــــجوم الدلايل

يالبيض جيبن مثل صادر فا الانتاج
تكفن ياللي تمشطن الجـــــــــــــدايل

ومن لاخذت قرمن على المجد معراج
تقظي العمر في بيت الاجواد حايل

قولن صحيح ولاهو بهرج هراج
حيث ان طير البوم عقــــبه هزايل

النا على الجزلات مدخل ومخراج
ولا اقول مايل غير من كان مايل

والحق في وسط الدجا نور واسراج
ولا كــــال كـــــيالن بليا مكـــــــايل

وانا احمد الله يوم فرج لي افراج
الله عظيمن وعالمن بالمــــــسايل

وصلاة ربي عد ماطـــــايرن راج
وعداد ماتمــــــطر صدوق المخايل

وعداد مالـــــــبا من الخلق حجاج
على نبين وافـــــــــين بالخــــصايل

 

 

 

 

[معلومات العضو الكاتم]

كفوووووو
عز الله يستاهل القصيده الله يبيض وجهه
من مشى في حوايج المسلمين وقضلها لهم يبشر بالخير
وصح لسان العتيبي على كرامته وقصيدته

 

 

 

 

[معلومات العضو مبارك بن شافي النتيفات]

بيض الله وجه صادر الدوسري على علمه الغانم

والمرجله والطيب ..وهايب من الرحمن

وبيض الله وجه العتيبي اللي ذكر ماواجه من الطيب

والله يعطيك العافيه يابومحسن على النقل المميز

تحياتي وتقديري

 

 

 

 

[معلومات العضو شافي بن راشد النتيفات]

كفوووووو
عز الله يستاهل القصيده الله يبيض وجهه
من مشى في حوايج المسلمين وقضلها لهم يبشر بالخير
وصح لسان العتيبي على كرامته وقصيدته

 

 

 

 

[معلومات العضو نآصر البدراني]

صح لسان العتيبي وبيض الله وجهه على كرامته والرجل يستاهل ..


كُفو وبيض الله وجه ابن عمنا على فعله الطيّب والغانم


الله يقضي حوايجه مثل ماقضى حاجة الرجال


لاهنت يا ابو محسن ..

 

 

 

 

[معلومات العضو بنت روق]

يفداك ابو نجمــــه ويفداك ابو تاج*
يابن الدواسر طيبيــــــــــن الفعـايل


تستاهلون المدح
ويستاهل الدوسري المقصود

 

 

 

 

[معلومات العضو ابو زابن المسعري]

بيض الله وجهه على فعله الغانم اللي رفع راسه وروس قبيلته
وصح الله السان الشاعر ولاهنت يابو محسن على النقل

 

 

 

 

[معلومات العضو ابو مران البدراني]

كفو وعز الله أنه يستاهل القصيدة
وصح الله لسان العتيبي ولاهنت يا المسعري على الموضوع

 

 

 

 

[معلومات العضو راشد المسعري]

المشاركة الأصلية كتبت بواسطة الكاتم

كفوووووو
عز الله يستاهل القصيده الله يبيض وجهه
من مشى في حوايج المسلمين وقضلها لهم يبشر بالخير
وصح لسان العتيبي على كرامته وقصيدته

شرفتني بمرورك العطر يالكاتم
وفعلاً يستاهل الممدوح ماقيل فيه والعتيبي ماقصّر في رد الوفاء

 

 

 

 

[معلومات العضو راشد المسعري]

المشاركة الأصلية كتبت بواسطة مبارك بن شافي النتيفات

بيض الله وجه صادر الدوسري على علمه الغانم

والمرجله والطيب ..وهايب من الرحمن

وبيض الله وجه العتيبي اللي ذكر ماواجه من الطيب

والله يعطيك العافيه يابومحسن على النقل المميز

تحياتي وتقديري

يستاهل بياض الوجه
وشرفتني بمرورك العطر يابو شافي
تقبل ودي وتقديري ،،،

 

 

 

 

[معلومات العضو حماد الدوسري]

إطيب ماهوصعب من صاحب إطيب@ إطيب دايم الدواسرهل طيب

بيض الله وجه صادر

والا هي غريبه فعل طيب من إبناء هاذي القبيله العزيزه

والكم تحياتي وتقديري