الحر يجزع يوم تُوطا حدوده - المرحوم الامير محمد الاحمد السديري

[معلومات العضو محبكم الدوسري]

بسم الله الرحمن الرحيم الحر يجزع يوم تُوطا حدوده المرحوم الامير محمد الاحمد السديري مـرقـا الـعــــلا خــطـرٍ عـسـيـر صـعـوده مـا يطـلـعـــه مـن لاتـجـلّـد عـلـى الـكـود والــبــيــت مـا يــبـنـــى بــلــيّـا عــمـوده والحيف يزعِل مـن عــن الحـق مــردود والــحـر يــجــزع يـــوم تــوطـــا حـدوده وتشـرّهِـه نفـسه عـلى الـطـيــب والـزود ولا يـشـتـكـي مــن لا تـضـره لـــهــــوده ان شاف جور الحيـف والعــدل مفـــقـود والــوقــت شـفـنــا كــل بِـيـضـه وســوده وشـفـنـا نـهـاره مـع لـيَـالـيه مـضــهــود والـغـيــم لـو تـسـمع صــواعـق رعــوده لامــمــطــرٍ وبــلٍ ولا هـــوب مــريـــــود يــامـدوّريـن الـطـيـب قــيــسـو عــــدوده والـطـيـب عــدٍ بــيـن الاجــواد مـــــارود والــنــاس بـارض الله تـراهـم شــهــوده وحـقٍ بلا فـعلٍ عـلـى الـرجـل مجـحـــود والـــنـذل حـــيـلات الــردى مــاتـكــــوده والـيـا بـغا الــطـولات مـايـدرك الـجـــود عــن الــمـراجــل قــــاصــراتٍ زنـــــوده طيـر العـشـا يصـبـرعـلـى كــل منـقــــود الـخـيـل مـاتـشـكـي مـضـاريــب عــــوده وبالقيـض ماركب النضــا مثل صاهـــود يـعــيــش فـــي دنـــياه هــــمّه رقــــــوده ولا نــفّـضــنّـه قـــرّح الــخيـل والـقــــود لاعــــــل رحــــمـة خـــالـقـــه مـاتـعــوده وعــسـاه مـع زمـرة هــل الـنار بـخـلـود هــــــذا زمــان هــــايــبــاتٍ فـــهــــــوده والـناس نادو عـنـتـره بــاســم مـسـعـود واشــوف لــي رجـــلٍ يـــعــدّد جـــــدوده لـو ان ابـوه وجـدّه اضعــف مــن الــدود كــلّـت مـن الـمــاطـا رواســي حــيــــوده والــبـوم شـــاش ولابــــــسٍ درع داوود والـنـيـص حـط لـهـامـــة الـراس خــوده عــقـب الـمـذلّــه لـه طـــوابــــر وجـنـود مــا كـن شــيٍ فــــي زمـــــانـه يـــكــوده شَـاهـد بــهـا الـدنـيـا ســلامـات وركـود وحـتى الـغـراب الـيـوم يــفـخـر بـجــوده والـفـار بــذراعـه قـــطــع كــل بـــالـــود والـشـري والـحـرمـل تــبـــاهــت وروده وقامت تشيـل غصونـه المـاس وعقـــود يـاحـسـيـن زانـت لــه لـيـالــي ســعــوده وصـدّق حـيـاه بــزايـد الــوبـــل ورعـود محمد الاحمد السديري جمع وتحرير د.بتال الدوسري

 

 

 

 

[معلومات العضو راشد المسعري]

من عيون القصائد للامير السديري ، مليئة بالحكمه
شكرا ابو محمد على الإنتقاء الرائع ،،،