وش عذرنا

[معلومات العضو بن الجراح]

وش عـذرنـا

وش عـذرنا وش قـولنـا وش احـججنا ......... وذي شـامنا بــالثـانيـه تـسـتبـاحـي

يـا للاسـف ؟ من صمتنا ما انـحرجـنا ........ ولا عـاد نــوحي من قسانا الصيـاحـي

علــى المـــذّلـه والتـغـاضــي درجـنا ........ والـــذل جــانـا مـن جـميــع النـواحـي

عـدوانـنـا مـن ظلمهـــم مـا انـزعجـنا ........ وعقـب الاهــانـه لبسـونــا اوشـاحـي

ايــران مــا فيـهـــــا ومنهــا ابـتـهجـنا ........ غــدر وخيــانــه ريـحهــا اليـوم فـاحـي

اهـدافهــا مكشــوفةً لــو ســهـجــنا ........ ولــو انتـجــاهـلهــا بعيـــدة مشـاحـي

يـا شــام حنــا للســكوت انـتـهـجـنا ........ رغـم القتـل ياشـام رغــم الجــراحـي

يـامــا ويــامــا بالمحــافـل هــرجـــنا ........ وتـنـديــدنـا مــا رد عنــك اجـتـيــاحـــي

وليّـا متىى يالغــرب بســمك لـهجـنا ........ ومنكـم غــديـنـا نــرتـجـي للصــلاحــي

يــامــا ويــامـــا بــالبــلاديـــن دجـــنا ......... نبـحـث ولكـن ما اخـذنـا الســـمـاحي

واليــوم حنــا بالـحظيـظ انــدمـجــنا ......... واحـلامـنا ضـاعـــت ذرتـهـا الـريــاحـي

تكفـون يـااشـراف العـرب يا فـرجـنا .......... اظـفـوا مــن الفــزعـه عليها جـناحي

قـومـوا لعـل ابيــوم يطفـي وهـجـنا ......... يـذهــب قـهـر شـعبً يجــر النيـاحـي

وش عـذرنا يـا شـامنا وش احججـنا ........ وكــرامتــك بيـــد النـــذل تـسـتباحـي

محمد بن سوعان الربيّع

 

 

 

 

[معلومات العضو بنت الذيب]

اخوي ابن الجراح

صح لسانك وبارك الله فيك على الابيات المعبره

الله ينصرهم ويثبت أقدامهم ويفرج كربتهم

 

 

 

 

[معلومات العضو بن الجراح]

بنت الذيب لاهنتي وبارك الله فيك
اشكرك على المرور الرائع والجميل
تقبلي خالص مودتي

 

 

 

 

[معلومات العضو تآج روس السلاطين]

صح السان شاعرها يسلم بنانك اخي الغالي قصيده عساها تصحي الضمير العربي النايم يعطيك العافيه تحياتي لك