محاوره شعريه ,, بين بوش و شارون . . .! ! !

[معلومات العضو راكان العجمي]

(( السلام عليكم ورحمة الله وبركاته ))



هذه محاوره شعريه بين بوش و شارون ,,,


وللأسف ان هذه المحاوره تفسر الواقع المرير الذي يعيشه الإسلام ,,,


بوش :

شارون وش فيك عابس الوجه تعبـان=علمني تكلم وش جرى وش حصل لك

شارون :

يا بوش طول الليل مانمت سهران=خايف من التفجير يا بوش مثلـك

بوش :

تخاف وانته اتخوف اليوم قطعان=من هو يجي لك يا صديقي ويذلك

شارون :

المنتحر يا بوش ماهو بجبان=يتسلل بليل الظلام ويفلًـك

بوش :

خوفتني يا صاحبي والجبن بـان=مني واخاف اليوم من زول ظللك

شارون :

يا صاحبي المسلم يريد الجنان=مدري علامه يبغى اليوم يهلًك

بوش :

شارون خذ مني نصيحه وتبيـان=أحكم زمام الامـر قبـل التملـك
واحنا نمدك بالمعـدات و أطنـان=من الذخيره لين خصمـك يملـك
حنا صداقه ولازم نكون أخـوان=وفي ساعة العسره ترانـا نشلـك
وخل العرب في غفلة الملك دلهان=ماحد يريد الحرب شارون مثلـك
العب على كيفك ولا تقول خسران=حنا معاك وديرتي هـي محلـك
واللـي يعادينـا تعاديـه نيـران=من البحر والجـو كلهـا بتهلـك

شارون :

طمنتني يا بوش يا ولد ريجـان=ابيك ذا خالي وعرقي وصل لك
عقب الكلام الطيب اليوم كدحان=اني ابيد بيوت واقتـل واسفـك
ارتاح يوم اشوف نـار ودخـان=مكتوب يا مسلم في وقتي أذلـك
مادام عن دينك بعيـدٍ فخسـران=لا ترتجي نصرٍ بعيد ياصل لـك
ما خفت انا اليوم من انسان جبان=الخوف ما يلفي ضميري ويسلك
خوفي الوحيد وحاسب له بحسبان=هـو المسلـم اذا قـام يهـلـك

وسلامتـــــــــــــــــكم ,,,

عسى ان تنال المحاوره على إعجابكم ,,,

لأنها في الواقع تفسر حال العرب والمسلمين ,,,

نسأل الله (عز وجل) ان يخسف بهم ,,,

(( اللهم عز الإسلام والمسلمين ))

 

 

 

 

[معلومات العضو ابن وتيد السباعي]

مادام عن دينك بعيـدٍ فخسـران=لا ترتجي نصرٍ بعيد ياصـل لـك

ارحب ياراكان تراحيب المطر


محاوره واقعيه تبين حالنا عسا الله يجيب النصر عليهم

ويخفس بهم جميعا


لاهنت يالقرم وعساك على القوه


لك خالص الود وفائق الاحترام

اخوك / ابن وتيد

 

 

 

 

[معلومات العضو راكان العجمي]

الاخ العزيز/ ابن وتيد ,,,

تبــــــــــقى يالـــــــــقرم ,,,

ومن يقول ما يهان ,,,

وقد تشرفت بمرورك العطر ,,,

تقبل تحياتي في شخصك الكريم ,,,