قصيدة سالم بن سحيم الضباعين في اخوه راشد

[معلومات العضو راشد المسعري]

السلام عليكم ورحمة الله وبركاته:

هذي قصيدة قال الشاعر/ سالم بن سحيم آل سحيم الضباعين الذي يعمل في الشمال رئيساً لمحمية الخنفة التابعة لمنطقة تبوك ، والقصيدة في اخوه راشد:-





‏ياراشد حزام جنبي ساعت الشده
اخوك ضايق وهاجوسه شغل باله

إلزم سويك الهدد يامسندي وده
شيكه بنزين منهاجه تهياله

لي نيه فاالسفر والارض ممتده
ربي بسطها لخلقه كلاً وفاله

مايستر الحال في جيبي ومن مده
والغيب عنده وكل يرقب اجاله

وقت يعومس غرابه مخلبه هده
والحرمربوط صيده ماتهياله

لو نطلب طويق حق صايب رده
والوقت كملي وأنا اطلب وين معداله

في فعله بكل قرمن ينزع العده
قرمن شجاع رجح بالطيب مكياله

اللي لياجى لزوم كايد سده
وان جاه حذف العدا ينطحهم لحاله

وان جاه محتاج لوهو ديين يسده
هذا هو اللي بوقت العسر يعناله

وانته بكثرالفقر ياوقته تضده
والاش في وقتنا عليت منزاله

ميل علا الاش لوماله كثر عده
تكفى ولوبس تكشف رده أفعاله

تلقاه عزمه قليل شاهده خده
الدمع من فوقها لمن نقص ماله

ومن أول يحسبنه ماحد قده
والطيب بالفعل غره كثره رياله

عزيل عود عليه حليله كده
ضمه ورباه لكن خيب أماله

فلعيون من تشبه القمرا سناخده
باالزين جمله وأبوها يكسب الطاله

ماننهزع لدهر لوطالت المده
لو يثقل الحمل نبركله ونشتاله

 

 

 

 

[معلومات العضو حمد ابن فهد]

والله والنعم ببن سحيم والله لايفرقهم ولاهنت يابومحسن للقصيدة الجزلة

 

 

 

 

[معلومات العضو راشد المسعري]

ارحب يابو فهد

وماعليك زود نافداك ، وشاكر لك مرورك العطر

تقبل ودي وتقديري ،،،،

 

 

 

 

[معلومات العضو ابو حسين الدوسري]

ونعم الاخوه والله يهدي سرهم
ويجمعهم ولايفرقهم
ولاهنت يبو محسن على هالنقل الموفق
كل التقدير والاحترام لشخصكم الكريم

 

 

 

 

[معلومات العضو راشد المسعري]

المشاركة الأصلية كتبت بواسطة ابو حسين الدوسري

ونعم الاخوه والله يهدي سرهم
ويجمعهم ولايفرقهم
ولاهنت يبو محسن على هالنقل الموفق
كل التقدير والاحترام لشخصكم الكريم

هلا يابو حسيـــــــــن جزاك الله خير على مرورك العطر ولك أجمل الود والتقدير،،،،

 

 

 

 

[معلومات العضو ابن غزه]

كل التقدير والاحترام لشخصكم الكريم