قصيدة نايف بن مسرع في الأمير سلطان بن سلمان بن عبدالعزيز

[معلومات العضو راشد المسعري]

السلام عليكم ورحمة الله وبركاته:

اسعد الله اوقاتكم بالخير والمسرات

هذه قصيدة ألقاها الشاعر نايف بن مسرع الأسبوع الماضي في الحفل السنوي لجائزة الشيخ مران بن قويد للإبداع العلمي في عامها الثاني بوادي الدواسر ألقاها أمام صاحب السمو الملكي الأمير سلطان بن سلمان بن عبدالعزيز :

الليلة اللي شعشعت بالعلم وبنور الحضور= ساقت هبوب الود كاديها وذعذع ندها
العلم نور وجمعة أهل العلم وأهل الفضل نور = وحضوركم يامير جملها وكمل ودها
يامرحبا يامعطي التاريخ للطالة عبور=حتى تعدى صيتك الارض وتجاوز حدها
إنكان غيرك ينحت الامجاد في صم الصخور= مجدك تطاول للثريا لين وسّم خدها
قبل ثلاث عقود ياسلطان فرحت الصدور = أحييت نار العز في الامة ويدك (تمدها)
تفاخرت بك أمة الإسلام في كل الثغور= بعد السبات إللي تغشاها وبيح سدها
يامرحبا فحلالنا إللي سطرت عبر الدهور = أعظم ملاحم مع هل العوجا (وكل يعدها)
يوم إنها سيفٍ حدب.. يوم إنها ملحٍ يثور= سيوفنا من دون حد أغلى الديار نحدها
إللي يسالمنا سلم.. واللي يعادي للقبور = الارض عرض ومن بنى بيوت الشرف ماهدها
ويوم أصبحت جنة تمايل في خمايلها الزهور = ترقد قريرة عين .. وعيون العدوّ إنسدها
لا للتخاذل في بناها.. والتهاون .. والفتور = يالعلم نطلعها سما.. لين النجوم تردها
حييت يامن جيت لاجل العلم وحضورك حضور = برهن على معنى الامارة والتواضع والدّها
لبيت دعوة شامخٍ صيته مع ابوك مخبور = رحلة عمر.. عشرة فخر.. مهيب جبها ودها
مران أبو زابن وريث المجد من ماض العصور=لاعدت أذكار الشيوخ إللي ينومس عدها
شيخة ولاء.. شيخة وفاء.. والمجد في الذهن محفور= مع معزي لين وحّد حدها لاحدها
متعّبة عوص النجايب يوم زل الشيخ كور= دون الوطن قومٍ تعديها وقوم تصدها
يامرحبا بك ياولد سلمان ياواف الشبور= وادي الدواسر سطرت لك كلمةٍ وتردها
حنا خوال أبوك وأجدادك وزاد النور نور= إنا خوالك أنت.. وأطناب الكرام إنشدها
أبوك سلمان الامارة والسدارى راس طور= وجدك رفع راس العرب من حدها لاحدها
وإليا ذكر للمجد ياسلطان يمنىً ماتبور = مدّ اليمين إللي على العليا تربت مدها

 

 

 

 

[معلومات العضو سيف تغلب الدوسري]

لاهنت ياراشد
القصيده جزله ووافيه
اقول ل نايف بن مسرع
ترفع لك البيضاء بروس المراقيب
كفيت ووفيت

 

 

 

 

[معلومات العضو محمد راشد النتيفات]

صح السان ابوعبد العزيز

ولاهنت يابومحسن على النقل

 

 

 

 

[معلومات العضو مبارك بن شافي النتيفات]

صح لسان الشاعر الكبير نايف بن مسرع على هذه الشامخة

وسلمت يمينك على النقل يابومحسن

تحياتي وتقديري

 

 

 

 

[معلومات العضو فلاح بن عايد]

صح لسان الشاعر الكبير نايف بن مسرع ويستاهل الامير سلطان

 

 

 

 

[معلومات العضو عبدالرحمن بن فلاح آل بريك]

قصيدة حماسية وجزلة . وليس غريب على أبو عبدالعزيز هذه الإبداعات والحضور اللافت . صح لسانه ملايين ولا هنت أبو محسن على النقل .

 

 

 

 

[معلومات العضو شافي بن راشد النتيفات]

بيض الله وجهك يابومحسن على النقل
وصح الله لسان الشاعر الكبير ابوعبدالعزيز

 

 

 

 

[معلومات العضو بخيت الغييثي]

لاهنت ياراشد

القصيده جزله ووافيه من شاعر وافي ...


تقبل مروري ’’’’

 

 

 

 

[معلومات العضو نآصر البدراني]

شاعرنا ابن مسرع شامخ كشموخ قصيدته


صح لسانه واعتلى شانه


ويستاهل الأمير الخلوق سلطان بن سلمان المدح


سلمت وعشت ولاهنت يا ابو محسن ..

 

 

 

 

[معلومات العضو فهد الخريم]

قصيدة رائعه للغايه

صح لسانك يالشامخ