التغطية المصورة لـ إحتفال اهالي وادي الدواسر بعيد الفطر المبارك برعاية المحافظ بالانابة

[معلومات العضو غازي المسعري]

بسم الله الرحمن الرحيم الحمد لله رب العالمين , والصلاة والسلام على أشرف الأنبياء والمسلين .. أما بعد : أعد التقرير والتقط الصور غازي المسعري ’ إبراهيم الصافي ’ خلف الدوسري نقلاً من صحيفة وادي الدواسر الإلكترونية www.alwadye.com برعاية "وادي الدواسر" إعلامياً محافظ وادي الدواسر يرعى احتفال أهالي وادي الدواسر محافظ وادي الدواسر بالانابة خالد بن محمد الغملاس رعى محافظ وادي الدواسر بالإنابة الأستاذ خالد بن محمد الغملاس وعدداً المسئولين من مدنيين وعسكريين ووجهاء وأعيان المحافظة الحفل الكبير الذي أقامته محافظة وادي الدواسر بمناسبة عيد الفطر المبارك لعام 1433هـ مساء أول ايام العيد بساحة المزرعة الاشادية بالمحافظة . حيث بدأت جموع المواطنين تتوافد لمقر الحفل بعد صلاة المغرب مباشرة , وبعد وصول محافظ وادي الدواسر بالإنابه واخذ موقعه بالحفل بدأ الحفل الخطابي بتقديم مميز من الإعلامي محمد بن عبدالله ال شملان – مدير الإعلام التربوي بإدارة التربية والتعليم بالمحافظة – حيث بدأ بالقران الكريم ثم كلمةً للأهالي القاها نيابة عنهم عبدالرحمن الحاقان , ثم قصيدة للشاعر عبدالرحمن بن سعد الضحيان . بعدها القى محافظ وادي الدواسر بالانابة كلمةً هنأ من خلالها خادم الحرمين الشريفين وسمو ولي عهده الأمين والشعب السعودي النبيل بحلول عيد الفطر المبارك، سائلاً الله تعالى أن يديم على بلادنا نعمتي الأمن والاستقرار والرخاء في ظل قيادتها الرشيدة، مشيراً إلى أهمية الاحتفاء بهذه المناسبة العزيزة على قلوب المسلمين جميعاً بعد تمام صيام شهر رمضان المبارك. ثم شارك الجميع في العرضة النجدية ’ التي تناول بعدها الجميع طعام العشاء الذي أعد بهذه المناسبة . واليكم بعض مالتقطته عدسة "وادي الدواسر" .

قصيدة للشاعر عبدالرحمن بن سعد الضحيان .

مساكم الله بالرضى والخير يالجمع الغفير = ياللي لكم في خاطري أسمى المعزة والقدر
من فرحتي بمقابلتكم أمشي وكني أطير = إلين ماوقفت بمكاني هنا وكلي فخر
يالله ياشعري فزعتك اليوم هذا يوم غير = وإن ماحضرت بشيءٍ يجمل فجعلك ما تحضر
عبر عن اللي داخل فوادي ومكنون الضمير = لربعي أهل وادي الدواسر كلهم بدو وحضر
عطر مسامعهم بشعرٍ ينتشي منه العبير = وأقطف لهم من أجمل أنواع الزهر باقة شعر
مضمونها كل عام وأنتم بألف صحة وألف خير = والله يبارك عيدكم من عقب مازل الشهر
شهر العتق والمغفرة والصوم والخير الكثير= شهر البذل والجود والمصحف وترتيل السور
يالله عسانا انعتقنا فيه من نار السعير = ويالله عسى دعواتنابه وافقت ليلة قدر
سبحانه الدايم وشهر الصوم من طبعه قصير = أمسٍ نبارك في الشهر واليوم في عيد الفطر
عيدٍ سعيد وفرحته ماهي بالثوب الحرير = أو كشخة ورزة وترسيمة وتنسيف الغتر
العيد فرحة وابتسامة للغني وللفقير = ماهوب لأصحاب الدراهم والمناصب محتكر
العيد لمّة أقربا يجمعهم البيت الكبير = ازعاجٍ وزجمة ولكن آه ياوسع الصدر
العيد جمعة أصدقا وتقابلوا جزّة عصير = من بعد مافرق بعضهم عن بعض ظرف وسفر
العيد فرصة للتزاور بينك وبين القصير = اللي موصينا عليهم سيدنا خير البشر
العيد جبرة خاطر اللي خاطره دايم كسير = كلن يحاول يجبر بخاطرْه ويزيل الكدر
العيد شمعة في طريق الوصل والعشرة تنير=تجدد اللي قد مضى وتذكر اللي ماذكر
العيد في وظل للي عايشٍ وسط الهجير = سحابةٍ تمظر لمن يرجي من الله المطر
العيد ماء عذبٍ فراتٍ سلسبيلٍ من غير = يروي المحبة بيننا ويلين قلوبٍ حجر
العيد بتغى العيد شوف العيد في الطفل الصغير= من ليلته مبسوط مستانس ويتحرا الخبر
ينام بدري ويحضن أشياءه ولا يطول سهير= ويصحى ويصحي العيد والعالم مع آذان الفجر
عجل يتوضى ويزبن الأول ماهو الصف الأخير = ويرجع لبيته ويتكشخ ويتعطر بالعطر
يحب راس أمه وأبوه ويدعي الرب القدير = يالله طلبتك مد أبويه وأمي بطول العمر
ياتي مصلى العيد من قده تقول إنه أمير = جالس مابين أبوه وأخوانٍ يشد بهم ظهر
وإذا رجع بيته بسرعة ينزوي تحت السرير = مخبي طراطيعه عسى الله يحفظه من كل شر
وتجمعوا أطفال لكن ماحدٍ منهم يغير = وسوالفٍ الله تقطر من براءتها طهر
يقنع ولو عيديته اريال أو حلوى وعصير = يفخر إذا قالوا رجل ويضيق لاقالوا بزر
إي والله إنه رجل لامن صاح صياح ونذير = يدوس ساحات الخطر لادق ناقوس الخطر
جده وأبوه أهل الوفا وهو على خطاهم يسير = يبيع عمره لجل دين ولجل فخاقٍ خضر
اللي جمعنا كلبونا ايها الجمع الغفير = ولي الشرف لاجيت أعايدكم بأبيات الشعر
ويني ووينك يا أبو الطيب وحسان وجرير = لكن عسى شعري يجملني بعين اللي حضر

 

 

 

 

[معلومات العضو راشد المسعري]

هلا ابو حســــــــــين

من العايدين وكل عام وانت واهل الوادي الكرام بخير وتقدم

كل الشكر لك على نقل الاحتفال الرائع والمميز لمحافظة الوادي بهذه المناسبة السعيدة أعادها الله على الأمة الإسلامية بعز ونصر وخير بإذن الله

لاهنت ولك ولمن قاموا بجهود -في هذا العمل- الشكر والتقدير ،،،،

 

 

 

 

[معلومات العضو شافي بن راشد النتيفات]

بيض الله وجهك على هذه التغطية الرائعة يابوحسين

وكل عام وانت واهل الودي بخير

 

 

 

 

[معلومات العضو حمد ابن فهد]

الاعلامي المميز غازي
بارك الله فيك وتغطية مميزة لك مني أجزل الشكر

 

 

 

 

[معلومات العضو الاعلامي]

الاعلامي المميز غازي
بارك الله فيك وتغطية مميزة لك مني أجزل الشكر

 

 

 

 

[معلومات العضو عبدالرحمن بن فلاح آل بريك]

فعاليات رائعة وتغطية مميزه . شكراً لك أبو حسين على المتابعة .

 

 

 

 

[معلومات العضو عقاب بن هذال ال بريك]

فعاليات رائعة وتغطية مميزه ,, شكراً لك أبو سلطان على المتابعة ’’

 

 

 

 

[معلومات العضو رفيف للتصميم]

يعطيكم العافيه الله يوفق الجميع