تجمع مئات الشباب أمام مستشفى عرقه المهجور

[معلومات العضو راشد المسعري]

السلام عليكم ورحمة الله وبركاته
اسعد الله اوقاتكم بالخير والمسرات







تجمع قبل قبل نصف ساعه ومازالوا إلى كتابة هذه الموضوع عدد كبير من الشباب أمام مستشفى عرقه المهجور - بحي عرقة الواقع نهاية طريق الملك عبدالله من جهة الغرب بالرياض.

وكان الشباب المجتمعين من أحياء مدينة الرياض ومن بعض مدن المملكة قد تواصلوا عبر وسائل التواصل الاجتماعي ( الفيسبوك-البلاك بيري وغيرها من المحادثات) واعتمدوا العاشرة من هذا المساء موعد لاجتماعهم للدخول داخل هذا المستشفى واستكشاف مابداخله رغم ما يشاع أن هذا المستشفى به جن.

وقد وصلت الدوريات الأمنية في الوقت المناسب وساهمت في تخفيف الازدحام وسهولة مرور السيارات ورغم ذلك فقد دخل عدد كبير من الشباب إلى داخل المستشفى ولازالوا حتى كتابة هذا الموضوع.

 

 

 

 

[معلومات العضو مبارك بن شافي النتيفات]

لعنبوهم وش يبون في المستشفى المهجور

الله يصلح احوال الامه

لاهنت على النقل

 

 

 

 

[معلومات العضو عقاب بن هذال ال بريك]

هلابك يابومحسن ’’

مآ تم نقله وتدآوله من شائعآت بوجود ( جن ) بمستشفى عرقه المهجور كلهآ كآذبه ولا صحت لهآ , فالمستشفى مجرد مهجور من فتره بعد خلاف بين وزارة الصحه وأحد شركاء ورثه أبناء الحريري ,
وهذا المستشفى البالغ تكلفته 500 مليون تم إهدائه من قبل الحريري رحمه الله قبل وفاته لوزارة الصحه , ولكن أحد الشركاء قام برفع قضيه لـ تثمين هذا المستشفى وأخذ حصته , لكن الوزآرة رفضت وتوقفت عن العمل فيه وسحبت الطاقم الطبي وبعض الاجهزه الطبيه وتركته الى حين أنتهاء القضيه , وتم تشكيل لجنه عام 2010 م , للأنهاء هذه القضيه وإعادة تشغيله من جديد , والى الآن لم تنهتي القضيه !

تحآيآي ’’

 

 

 

 

[معلومات العضو راشد المسعري]

المشاركة الأصلية كتبت بواسطة مبارك بن شافي النتيفات

لعنبوهم وش يبون في المستشفى المهجور

الله يصلح احوال الامه

لاهنت على النقل

ليتك تدري يابو شافي ، بعضهم جاي من خارج الرياض

ودخلوا داخل المستشفى وفي النهاية اشعلوا في سور المستشفى

وسكان الحي اللي يبغون سوق أو صيدلية توهقوا ، بسبب إقفال المخارج للحي من قبل الأمن

 

 

 

 

[معلومات العضو راشد المسعري]

المشاركة الأصلية كتبت بواسطة عقاب ال بريك

هلابك يابومحسن ’’

مآ تم نقله وتدآوله من شائعآت بوجود ( جن ) بمستشفى عرقه المهجور كلهآ كآذبه ولا صحت لهآ , فالمستشفى مجرد مهجور من فتره بعد خلاف بين وزارة الصحه وأحد شركاء ورثه أبناء الحريري ,
وهذا المستشفى البالغ تكلفته 500 مليون تم إهدائه من قبل الحريري رحمه الله قبل وفاته لوزارة الصحه , ولكن أحد الشركاء قام برفع قضيه لـ تثمين هذا المستشفى وأخذ حصته , لكن الوزآرة رفضت وتوقفت عن العمل فيه وسحبت الطاقم الطبي وبعض الاجهزه الطبيه وتركته الى حين أنتهاء القضيه , وتم تشكيل لجنه عام 2010 م , للأنهاء هذه القضيه وإعادة تشغيله من جديد , والى الآن لم تنهتي القضيه !

تحآيآي ’’

والله يابو هذال انا من سكان الحي من عشر سنوات
ولا فيه لا جن ولا شيء وكلها خرافات مثل ماقلت
لكن الإشاعات ماخلت شيء
والشباب ذولا الله يهديهم ضيعو وقتهم واهدروا طاقتهم على الفاضي

 

 

 

 

[معلومات العضو شافي بن راشد النتيفات]

والله انهم فاضين الله لايبلانا
لاهنت يابومحسن على النقل

 

 

 

 

[معلومات العضو راشد المسعري]

المشاركة الأصلية كتبت بواسطة شافي بن راشد النتيفات

والله انهم فاضين الله لايبلانا
لاهنت يابومحسن على النقل

هذي يابو شالح اللي يسمونها الطاقات المهدرة
تقبل ودي وتقديري ،،،