اللي عطاني خير بالشحذه بلاك (رديات رائعة)

[معلومات العضو راشد المسعري]

السلام عليكم ورحمة الله وبركاته


وأحببت ان اشاركم بهذا الموضوع وهي من أجمل الرديات الطريفة التي

جمعت بين الشاعر ضيدان بن صبحان اللزيزي العجمي ( الشايب )

و الشاعر سعد بن عبدالله بن حسين الهتلاني العجمي - رحمه الله ( الشاب )

صداقة مميزة رغم فارق السن الكبير بينهما إذ كان المرحوم سعد شابا

خريج جامعة الكويت كليه الآداب والعلوم السياسيه وكان تاجر
ً
بعكس صديقه المسن ضيدان , وحصل بين الشاعرين رديات كثيرة تمتاز

في الغالب بالطرفة حيث يحاول كلاً منهم إغاضة الآخرفي إطار من المزح الودود.

ولم تحل دون هذه الرديات سوا وفاة سعد (يرحمه الله) عام 1991م ( اثر وفاة طبيعيه )

ونطرح لكم بعض من محاورات الموفق التي جرت بين (ضيدان و سعد "رحمه الله")

التي تمتاز بالطرافه وكانت في ( دوله الكويت ) : -


1-(( شاهي وحليب )) :-


في احدى الرحلات وبالطياره دار هذا الحوار الذي بداه ضيدان معترضاً


- ضيدان :


تطلب لي الشاهي وتطلب لك الحليب
وانــــا عــلــى الـحـلـيـب كــبـــدي ذايــبـــه
انا احمد الله يوم ما انت بلـي نسيـب
يـقــطــع صــبـــيً مـــــا يـــقـــدر شــايــبــه

- فـرد سعـد :


قم اطلب لنفسك ترى مانت بغريب
ولانــي بطـالـب لــك ولانــب بجايـبـه
تبغـى الكفيـا يــوم طـريـت المشـيـب
واتعـبـتـنـي مــثـــل الــوزيـــر ونـايــبــه


-فـقـال ضـيـدان :



في خوة الطيب انا مالي نصيب
ومن خوة الرديان نفسـي طايبـه
قـد كـان ظنـي فيـك للعلـه طبيـب
والاريا بها مخطي وفيها صايبه


وكان رد سعد الأخير :



كــل يـبـي يـرمـي رفيـقـه فــي القلـيـب
وابــلــيـــس نـــــــوخ عــنــدنـــا ركــايــبـــه
وعلمته الممشى سبقني في الخبيب
الـــلــــي عــلــومـــه كـلــبــوهــا خــايـــبـــه




2 -(( الخط السريع )) :-

بعد ان باع ضيدان التاكسي الذي كان يملكها راى زبون واقفاً
في الطريق فقال لسعد الذي كان يقود السيارة طالباً منه التوقف
وتوصيل الزبون :

ضيدان :



اللي يلـوح لـك علـى الخـط السريـع
الظـاهـر انــه يـــا سـعــد مـــن ربـعـنـا
وقف ترى المعروف عمره مايضيع
خـلاّيـة الـرجـلـي مـهــي مـــن طبـعـنـا

رد سعد :




هذي سواتـك قبـل للتكسـي تبيـع
من لا يعرفك يبتلش في وضعنا
صاحبك هـذا وقفتـه وقفـة خليـع
حنا على الشارع وريخـه نشعنـا



رد ضيدان :



خلـه ونرجـع لـه الـى طــاح الربـيـع
ذا عرضـتـه يمـكـن تـفــرق جمـعـنـا
حنا ما صدقنا ان حن ناتي جميع
وشفنـا تهاوشـنـا وهــو مــا سمعـنـا



رد سعد:



طوفت لك هذي وحلم الله وسيع
يـالـلـي تـحــاول للمـشـاكـل دفـعـنــا
لا تنفضح طعني وسرك لا يذيع
هـــذا وشـكـلـه مــــا يـنـالــه نـفـعـنـا


3- (( الطيور الحايمة )) :

جاء ضيدان الى صديقه سعد وقد احس ان عنده ثروة يخبئها في البنوك فباده قائلاً


- ضيدان :


عطنا مـن اللـي ياسعـد ربـي عطـاك
عنـدك فلـوس فـي البـنـوك و نايـمـه
وانـــا رفـيـقـك دايـــمٍ و امــشــي وراك
وما ادري متى تمطر سماك الغايمه

- فرد سعد :


اللي عطاني خير بالشحذه بلاك
هــذي عطـايـا الله وذي قسـايـمـه
يومـك حـسـود وتــو مابـيـن رداك
مـا عندنـا لـك مـا يفـطـر صايـمـه



فرد عليه ضيدان :


أظن من زارك ببيتك ما نساك
ولا أظـن مثـلـك تنـسـي قدايـمـه
يا رجل فكر زين والرب يهداك
عـزم تـرى الرجـال مـن عزايمـه

رد سعد :


تعش عندي جعل ما تاكل عشـاك
عـسـى تعـشـاك الـطـيـور الحـايـمـه
واللي لنا جابك عسى يقطع مداك
والـلــي يـبــي فـرقــاك مـحــدٍ لايــمــه


وانهى ضيدان المحاورة بالقول :


لا تحسب انا قاعدين في رجاك
وعاد الجمل يمشي على قوايمه
يالله يالمعـبـود جـــارك ودخـــلاك
راحت خسارة ذا الصبي تمايمـه



4 - (( الـعـصابه )) : -


قال سعد



ضيدان.. ماودك نسوي عصابه
نحتـل بـعـض بنوكـهـا والمـحـلات
امـا يجـي لـي وألـك قـدر ومهابـه
والا تـبـيـتـنـا بــيـــات الـشـريــفــات
الرجـل ودك يشتـهـر فــي شبـابـه
بـالـطـيـب والا بـالـعـلـوم الــرديــات
مايهتـنـي بـاكـلـه ولا فـــي شـرابــه
الين تطلع صورته في المجـلات

فرد عليه ضيدان قائلا :



لاتحسـب انـا ياسعـد وسـط غابـه
هاللـي تـراوى لـك تـراهـا عـمـارات
وموضوعك اللي جبت كله غرابه
والظاهـر انـه سابـع المستحيـلات
اخـــاف لاتـنـبــح عـلـيــك الـكـلابــه
ثم هات نسلم من مخاليبها هات
يـابـوك ماعـمـري دخـلــت النـيـابـه
ومن العمـر ماباقـي كثـر مـا فـات
وان كان تبغى الراي قبـل يغدابـه
مـن واحـد جـرب جميـع الحيـالات
خل الخطـب للـي يعـرف الخطابـه
نهارنا شمس وعلى الليل لمبـات

- (( الـقـدوع )) : -


الشاعر ضيدان بن صبحان :


جـاك المسيـر مـا لقـى منـك ترحـيـب
لا جـبـت لــه قـهـوه ولا مــن قـدوعــى
يـــا ليـتـنـى دورت غــيــرك مـعـازيــب
جـايـك جـويــع واروح مـنــك بـجـوعـى
الظـاهـر انــك مــا تـعـرف المـواجـيـب
اكـيـد طبـعـك يختـلـف عـــن طـبـوعـى
حنا لجانا الضيف ننفض له الجيب
ونجيـب لــه مــن كــل شـكـلٍ ونـوعـى
عاداتـنـا والــرزق مــن عـالـم الـغـيـب
هــذا وانــا ابـخـل واحــدٍ مــن ربـوعــى



فرد عليه سعد إبن حسين :


اقدع عسى يقدع على راسك الذيب
فـى خـايـعٍ مـابـه مــن الـنـاس دوعــى
مـتـعـطـلٍ فــــى الــبــر قـبـلــى تـنـاقـيــب
مـــن لـيـلـة الجـمـعـه لـيــوم الـربـوعــى
ومـروك نـاسٍ غـايـبٍ عنـهـم الطـيـب
وخـلـوك وحــدك فـــى مـكــانٍ يـروعــى
ثــم جــاك ذيــب مــا سنـونـه بتركـيـب
ذيـــب ولـــد ذيـــب وشـــرس قـطـوعـى
وسـوابـك ســواةٍ عـلـى غـيــر تـرتـيـب
يـجـزع لـهـا قـلـب الشـجـاع البـتـوعـى
مرحـوم يـا عـودٍ كسـى راسـه الشيـب
هـنـديـتــه تـــــذرف عـلــيــه الـدمــوعــى

5-أحلام تاجر:

قصيده تحمل أماني جميله لضيدان وجمع معه صديقه سعد



ضيدان :



ياليـتـنـي تـاجــر وبـيـتـي عـلــى الــطــاش
ومـسـاهــم فــــي نــفــط بــحـــر الـشـمـالــي
واشري من اللي تنطح السحب بالكاش
مـاهـمـنــي لـــــو قــالـــو الــســعــر غـــالـــي
واحـجــج الــلــي كــــاده الـعـســر بــبــلاش
وادفـــــــــع مـــلايـــيــــن زكــــــــــاة لـــمـــالــــي
وعـنـدي سـعــد يـعـمـل مـقـهـوي وفـــراش
ولــيــا بـغـيــت امــشـــي يــطـــرّف نـعــالــي
رجــــلٍ نـعـرفــه زيـــــن مــاهـــو بـغــشــاش
ولــيـــا طـلـبــتــه حــاجــتــاً جــابــهــا لــــــي!



فرد عليه سعد غاضباً حيث قال :


البـارحـه فـكـري مــن الـهــم مـنــداش
مـــن واحـــد طـــرّش كـتـابــه وجــالــي
والله مالـي خلـق نمـزح مــع الــلاش
اللـي تمنـى الخيـر لـه والعـنـا.. لــي
وقـد قلـت لـه دعـواك بـتـرد بـهـواش
وأرسـل مكاتيـبـك عـلـى احــد بـدالـي
او اعتـذر مـا دام الاوضـاع تـنّـاش
والا..قـــلـــبـــنـــا الاولات الــــتــــوالـــــي
ياصـعـب فهّـامـك وتفهـيـم الادبــاش
وبـيّـن علـيـك انــك تـكـتّ الـدحـالـي!
والـيـوم كـثّـرت التمـنـي عـلـى مــاش
يـازيــن ضــربــك بـلـعـصـا والـعـقـالـي
وربــعــك يعرفونـك:كـمـيّـخ وعــمــاش
وجهك ماهوب إمن الوجيه الطوالي
يوم انت لاجـوك المساييـر تنحـاش
مـثـل الثـعـل مــن رافـعــات الـذيـالـي!

 

 

 

 

[معلومات العضو ابو زابن المسعري]

هههههههههه

والله بعضهم يحط على بعض ولا يعرفون الزعل

استمتعت يابو محسن بقراءت القصائد الله يبيض وجهك ولا يهينك على النقل الرائع

 

 

 

 

[معلومات العضو مبارك بن شافي النتيفات]

الله الله

مبدع دائما في الانتقاء يابومحسن

استمتعت جدا بهذه الرديات

لاهنت طالت حياتك

 

 

 

 

[معلومات العضو راشد المسعري]

المشاركة الأصلية كتبت بواسطة ابو زابن المسعري

هههههههههه

والله بعضهم يحط على بعض ولا يعرفون الزعل

استمتعت يابو محسن بقراءت القصائد الله يبيض وجهك ولا يهينك على النقل الرائع

هلا يابو زابن

ما يزعل إلا اللي يشك في عمره

وهذي طراة القصيد والمزوح الزينه

شف عنهم راحو وباقي ذكرهم وسوالفهم الطيبه

تقبل ودي وتقديري ،،،،

 

 

 

 

[معلومات العضو فارس الدبالين]

ابدااااااااااااع يابومحسن الله يطول عمرك

بصراحه استمتعت بهذه السوالف والرديات الجميله والطريفه وهذي والله الخوه اللي على النقاء والطيب

اهنيك على الذائقه الجزله يابومحسن ولاتبطي بمثيلاتها

تقديري واحترامي لشخصك الكريم ..