يــا مــل عـيـنٍ فـــي محاجـيـرهـا شـــوك

[معلومات العضو مصوت بالعشا]

يــا مــل عـيـنٍ فـــي محاجـيـرهـا شـــوك =والـقـلـب بـــه عـــن لـــذة الـنــوم تـكــاك
لا دك فـــي قـلـبـي مـــن الـهــم داكــــوك =جـاوبـت طـربـات الحمـايـم عـلـى الــراك
عــزي لحـالـك يــا عـزيــز وأنـــا ابـــوك= كــان الـزمــان الـلــي وطـانــي تـوطــاك
إفـهـم وصـاتـي يــا عـزيـز وأنـــا ابـــوك= دامـــك صـغـيـر وغـايــة الـعـلـم يـقــراك
تـــراه مـــا ينـفـعـك خــالــك ولا أخــــوك =لاصــار مــا تـقـضـي لـزومــك بيـمـنـاك
وربـعـك لـيـا بــان الخـلـل فـيـك عـافـوك =أقـرب قـريـب ٍ لــك مــن الـنـاس يشـنـاك
إن كـثـر مـالـك صـدقـواّ لــك وطـاعــوك= وإن قـــل مـــا بـيـديـك شـانــت حــلايــاك
لـو تطلـب المـا عندهـم كـان مـا أسقـوك= إبـعـد مـــزارك عـــن وطـنـهـم ومـربــاك
وإن طــاب حـظـك صـدقـوّا لــك وحـبـوك =وإن بــار كـلـن مــا يـبـي غـيــر فـرقــاك
وإلا إعترض لك من صروف النيا صوك =كــلــن تــبــرا مــنــك مــاهــوب ويـــــاك
هـراجــة المـجـلـس إلـــى جــيــت وروك =مــنـــازل ٍ تــطـــرب نـظــيــرك بــدنــيــاك
وإلــلا قـضــى مـنــك الـلــوازم وخـلــوك= تفـرقـوا وأنــت إحتـمـل كـــل مـــا جـــاك
كـنــك ســـراج الـبـيـت لـلـنــور شــبــوّك=.وإلى إنقضـى الـلازم حـدا الربـع طفـاك
وألا كـمــا ليـمـونـة الـحـمـض مــصــوك =وإلا قـضـى مـنـهـا الـطـعـم فـرغــوا ذاك
واللـي يجـي مـن رفقتـه ريــب وشـكـوك =إحــذر عـنــه لـيــاك تـصــدف بـمـسـراك
وإلا جـفـوك أهــل الـوطــن وإستـخـفـوك= قـلّــع غـريـسـك مـنــه وإهـــدم ركـايــاك
تـراك لــو تنـجـع عـلـى الـربـع صعـلـوك= أحسـن مــن الـلـي نلتـجـي بــه ويـاطـاك
عـطـهــم وضـيـفـهـم إلا مـنـهــم جـــــوك =وإغـلــق ضـمـيـرك لا تـعـلــم بـقـصـيـاك
إن طبـت مــا حـبـوّك وإن عـبـت زالــوك =تـمـضــي حـيـاتــك نــاقــل ٍ داك بــريـــاك
وإلــى نـفـوك إمــن الوظيـفـه وعـافــوك =خــفـــتّ مـوازيــنــك وكــلـــن تـهــقــواك
وإصـحـى لـخـلان الـرخــا لـــو تـغـالـوك= إعرف ترى أطيبهـم إلـى إحتجـت يجفـاك
كـنـك خــوي مقـيـط دهـــووك وأغـــووك =وحـقـك عـطـاك رشــاك وأقـفـى وخــلاك
وإحـذر عـن العلـة تـرى الحـق مــدروك =مـثـل العـمـل يـدركــك مـــا مـنــه فـكــاك
وإن كـان عدوانـك علـى الضيـق حـدوك= فـإخـصــم طـلابـتـهـم بـعـجـفـاك وقــــداك
وإن كانـهـم لـمـشـرّف الـحــق مـاشــوك=نـاظــر مطـالـيـع الـفــرج قــبــل مــبــداك
وإن طاوعـوا شيطـان الأنفـس وهـانـوك= فإصـبـر عـلـى البـلـوى ودفـنـك رزايــاك
زرهــــم تــــراك إلــيــا تـونــيــت زاروك= إن مــا بـديــت لـصـاحـب الـســو يـبــداك
مـا دامهـم مــا طـاوعـوا لــك وعـرفـوك =إضـرب علـى الكايـد إلـى عمسـت ريـاك
لــو هـذبـوك إمــن المـصـاوب وضــدوك= مــــا يـذبـحـونـك قــبــل تــدنــي مـنـايــاك
وإحلم على الجاهـل تـرى الحلـم مبـروك =وقـم للضعيـف اللـي مــن الظـيـم ينـخـاك
وإدمــح خطاجـيـران بيـتـك إلـــى أوذوك =تــرى القصـيـر وحـرمـة الـجـار بحـمـاك
عـطـهـم لـــوازم حـقـهـم لـــو تـنـاســوك =فــي كـــل مـــا يـصـلـح لـديـنـك ودنـيــاك
وقـم للضيـوف اللـي لفـوا لـك وضافـوك= أغـلــى كرامـتـهـم حـجـاجــك وبــشــراك
وإعـرف تـرا مالـك للأضيـاف مـشـروك =لــولاه يطـلـب حاجـتـه مـنــك مـــا جـــاك
وقــم للـرجـال إن رايـعـوا لــك وحـبــوك =وإحـشـم خـويـك وأكـرمـه عـنـد مـلـفـاك
وإلــى إعتـبـرت بسـيـرة الـنـاس كـفــوك =مــا كـثـر مــن شــي أتعـبـك ثـــم عـنــاّك
ولـــولا تــبــات بــهــمّ دنــيــاك مـظـنــوك= مـا طــاب لــك مــا دام لــك وإفتـهـم ذاك
لـو يطلبـون إخفايـك النـاس مــا أخـفـوك= الـرجـل مـثـل النـجـم فــي كـــل الأفـــلاك
وصــلاة ربـــي عـــدّ الأوراق والـشــوك= أو نـــاض بـــراق ٍ ومـــا هــــل ســفــاك

 

 

 

 

[معلومات العضو مبارك بن شافي النتيفات]

الله يعطيك العافية على الانتقاء المميز

مبدع دائما اخوي هادي

سلمت يمناك والله لايهينك

تقبل مروري

 

 

 

 

[معلومات العضو سالم الخضراني]

صح الله لسانك

كل الشكر والتقدير لك الله يعطيك العافيه

تحياتي وتقديري

 

 

 

 

[معلومات العضو هادي آل حشفل]

صح الله لسانكـ وفالــــكــ البيــــرق،،،
تقبل خالص تحيــــاتـــ / هادي آل حشفــــل

 

 

 

 

[معلومات العضو النايفه]

صح لسان الشاعر
وسلم ناقلها على ذائقته الرفيعه
تقديري

 

 

 

 

[معلومات العضو عبدالله الحافر الغييثي]

صح لسان شاعرها ولاهنت ياناقلها ..انتقاء رائع يدل على علو الذائقه الشعريه تقبل تقديري واحترامي

 

 

 

 

[معلومات العضو مصوت بالعشا]

تشرفت بمروركم الله لايهينكم

 

 

 

 

[معلومات العضو فهد ال راشد]

مصوت بالعشا
رائعه هالقصيدة
صح لسانك ولسان شاعرها بن شريم
طاب منقولك الرائع لا هنت ياخوي
لك ودي وعظيم شكري ,,,

 

 

 

 

[معلومات العضو شافي بن راشد النتيفات]

الله يعطيك العافية على الانتقاء المميز

مبدع دائما اخوي هادي

 

 

 

 

[معلومات العضو ابكي واجامل]

الله يعطيك العافية على الانتقاء المميز

 

 

 

 

[معلومات العضو مصوت بالعشا]

اشكركم على المرور لاهنتم