في مقام سيدي خادم الحرمين الشريفين

[معلومات العضو فـلاح الشدقاء]

يالله يامنشـي صـدوق المخاييـل=ياعالـمٍ سـر العبـاد وجهرهـا
تنشي على شبه الجزيره هماليـل=وتشمل مرابعهـا بكامـل ديرهـا
وتعزني يامنزل الوحـي جبريـل=لامـن وقفـت بوقفـةٍ افتخرهـا
وانا علي اميح من شاطـئ النيـل=واسقي بنات الفكر صافي دررهـا
واسخر من جزال المعاني تماثيـل=واليا طرت لـي فكـرةٍ ابتكرهـا
والموقف اكبر من لحون المواويل=واكبر من جبال السراه وصخرها
في مدح ابومتعب زعيم الرجاجيل=حـرٍ تعـلا النايفـات وكبـرهـا
مليكنا اللي لـه معـزه وتبجيـل=واللي ملك حبه مشاعـر بشرهـا
هذا الكلام الصدق ماهـو تتاويـل=محبةٍ يعلـم بهـا اللـي سخرهـا
نفنى وحبه ورث جيل بعـد جيـل=حتى تساق الناس لارض محشرها
تاريخه مخلـد ولايمكـن يزيـل=وامجاده يفاخر بها مـن ذكرهـا
حكيم ومحنـك وحـازم وحلحيـل=وافعاله تهيب العداء من سطرهـا
ومده كما غيثٍ سقا الارض بالسيل=الين تنبـت كـل قـاعٍ زهرهـا
يعطي ويدبل في عطايـاه تدبيـل=واكبر دليل بنـوده اللـي ومرهـا
ياخادم البيتيـن نغليـك بالحيـل=احدٍ يلوم العين لاغلـت نظرهـا
في غيبتك من حزننا نسهر الليـل=ونطلب لك الوالي يصفي كدرهـا
وكلاً بعد ماجيت سـاق الهلاهيـل=حتى الحمام الساجعه في شجرهـا
والشعب من دونك بحدب المصاقيل=عقـب غـلامٍ قادتـه مانصرهـا
ويامٍ حزامك لاحصل فالدهر ميـل=لان حن مقابيس الحروب وخطرها

وسلامتكم
أخوكم فلاح بن سعيد الشدقاء اليامي

 

 

 

 

[معلومات العضو شافي بن راشد النتيفات]

وكلاً بعد ماجيت سـاق الهلاهيـل=حتى الحمام الساجعه في شجرهـا
والشعب من دونك بحدب المصاقيل=عقـب غـلامٍ قادتـه مانصرهـا
ويامٍ حزامك لاحصل فالدهر ميـل=لان حن مقابيس الحروب وخطرها

كفو كفو كفو يايام قول وفعل و شهادتي فيك مجروحة وانت شاعر بكل ماتعنيه الكلمة ويشهد على ذلك هذه الرائعة اللي امامي صح لسانك واعتلى شانك ولافيك حيلة والله يطول عمر ابومتعب ويحفظه ذخرا للاسلام والمسلمين

 

 

 

 

[معلومات العضو مبارك بن شافي النتيفات]

يستـــــــــــــــــــــــاهل ابومتعب

وصح لسانك واعتلى شانك على هذه الدرة

وكفو يايام في ذمتي انكم كفو

تقبل مروري المتواضع طال عمرك

 

 

 

 

[معلومات العضو اسد الوادي]

لاهنت يا اخييي الشاعر
فـلاح الشدقاء
كلمات روعه وصح السانك
وسلمت الأيادي
على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور



مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar

 

 

 

 

[معلومات العضو محمد مطلق آل بريك]

صح لسانك يابو سعيد على هذه الجزله

ويستاهل ابو متعب وكفو بك وبربعك

تحياتي وتقديري