مجاراه الشاعر حسن المخلفي الحربي لشاعر حمود عبيد ال بريك

[معلومات العضو ♫عـ7ـ♥ـ7ــبدإللـღ♫]

وقد تتظرق الشاعر حسن في قصيدة لذكر فعول الدواسر ومنها الشريف والدواسر وتوديه الجار

قصيدة الشاعر حمود عبيد ال بريك الدوسري

ياهجوس الشعر للميقاف عودي=حضري للمعرفه يدعيك داعي
من بحور الشعر قدام الورودي=ماقفي يعرف وشربي من ذراعي
اصخر الامثال واقدح من زنودي=مركزي مابه شقاق ولانزاعي
يعرف اسمي باول الشعب السعودي=للوطن مخلص وللاحداث واعي
افتخر والعود في عين الحسودي=والولا بالدم يشرا مايباعي
والثنا واجب بلا شرط وقيودي=مثل مالدنيا جعلها الله متاعي
صوب من ترقا له العليا سنودي=نادراً باعه تعدا كل باعي
فيصل اللي من ورى الهقوه يزودي=موقفه يعطي عن الطيب انطباعي
ابن بتلاء من عريبين الجدودي=بالثنائي والثلاثي والرباعي
ذروة اهل المجد مايبغى شهودي=ومن جهل ينشد ويقنع باقتناعي
اسمهم مثل العلم فوق العمودي=والقبيله حرب بالاسم الرباعي
سادت(ن)تعرف وتخشاها الاسودي=كل جود(ن) في حميدين المساعي
يوم صكات القنا عود(ن) بعودي=خيلهم تدعس على روس الافاعي
حرب ضلع(ن)ماتهزه كل نودي=يمن الخايف وحصن (ن) للسباعي
عند موجات الزوابع والرعودي=مايزيد الا شموخ(ن) وارتفاعي
ان ركد زادت به الدنيا ركودي=وان تحرك ماركد فالكون قاعي
دام ابو بندر ومثله بالوجودي=في بحور الشعر فليت الشراعي
جوهرالاشعار قدام النقودي=تذهل الناقد بحكمه واطلاعي
مانقصها بند من كل البنودي=وهكذا رد الجزا بالمد صاعي
من بنات الفكر باقات الورودي= لك يابن بتلاء الشجاع ابن الشجاعي

الشاعر حسن سمير المخلفي

ياهجوسي قادها للشعر قودي=شاعر(ن) شد انتباهي واستماعي
حطني في مفترق بيض (ن) وسودي=ولاقدرت ألحق قمره الاصطناعي
وقلت اذود عن الحما بالطيب ذودي=في مجاراة(ن) لها نور وشعاعي
من بحور الشعر ماهي بالعدودي=استثارن هاجسي واذن وطاعي
جوهريات(ن) نظمهن بالعقودي=لعالم (ن) مابين متذوق وراعي
مفردات(ن) فضلهن ماله حدودي=مبتدعهن للمواجيب ابتداعي
والثنا رده بالافعال محمودي=وهو سمة والله شريفين الطباعي
شار فيهن للفهد عقب الفهودي=وهم اهلها واهل وساع الرباعي
وللقبيله شار واستوجب ردودي=ويستحق اله الاشاره بالصباعي
يابن زايد جعل يفداك الجحودي=جاحد المعروف هربيد(ن) رعاعي
الحقايق هي ضما سود الكبودي=ولايخور الا الثعالب والضباعي
وانت والله ماانت بالرجل الشرودي = ومن يقول الحق له صيت(ن) يذاعي
اوفدتني حرب لك ضمن الوفودي= حامل(ن) شكر(ن) تضيق ابه التلاعي
حرب اشارات المكارم والصمودي= دون نقص بحق الاجواد وضياعي
والوثائق من عصر عاد وثمودي=لانعيل ولانطاوع كل لاعي
وانت ربعك مزبنة كل مهجودي=الشريف اصبح وتنعاه النواعي
دام حبل القوز مثني ومعقودي=للدواسر موقف(ن) مايستطاعي
اهل المثلوث في الليل البرودي=ضيفهم مابات مع ناس(ن) جياعي
مودين الجار عن جدر(ن) رجودي=بالزمان اللي يسمونه قطاعي
كل صدق(ن) ماتباح ابه السدودي=ناقص(ن) في حد ذات الامتناعي
ياحمود عبيد خذ مني عهودي=لتبع الحسنه بحسنات(ن) اتباعي

 

 

 

 

[معلومات العضو فهد المقابله]

صح لسان الشاعرين

ولاهنت ياعبدالله على النقل

 

 

 

 

[معلومات العضو راشد المسعري]

الله الله

صح لسان الشاعرين


بن عبيد شاعر كبير وكذلك المخلفي الله يبيض وجهه


لاهنت ياكحيلان على هتين الرائعتين ،،،

 

 

 

 

[معلومات العضو ناصر بن فهد]

صح لسان الشاعرين
ولاهنت ي عبدالله وبيض الله وجهك على النقل

 

 

 

 

[معلومات العضو عبدالرحمن بن فلاح آل بريك]

صح السان الشاعرين :

حمود بن عبيد آل بريك .

والشاعر حسن المخلفي الحربي .

ولا هنت يا عبدالله على النقل .

 

 

 

 

[معلومات العضو مبارك بن شافي النتيفات]

صح لسان الشاعرين
ولاهنت ي عبدالله وبيض الله وجهك على النقل

 

 

 

 

[معلومات العضو ♫عـ7ـ♥ـ7ــبدإللـღ♫]

ن

سيم الفيافي

راشد المسعري

ناصر بن فهد

عبدالرحمن بن فلاح ال بريك

ابو شافي الدوسري

---

شكرا لحضووركم المتميز

 

 

 

 

[معلومات العضو أعقل مجنون]

بيض الله وجيه الشعار كلهم بحوووووووووووووووووووور
ولا هنت على النقل

 

 

 

 

[معلومات العضو نايف آل بريك]

صح للسان ابو عبيد
والشاعر المخلفي
ولاهنت ياعبدالله على النقل