من دون مليون

**معلومات** **العضو** · 25-09-2010, 07:17 PM

ان ضاق فيك الكون عرضه و طوله=اعرف ترى اللي يسّعه خالق الكون
اللي على عرشه و لا احدٍ يطوله=محدٍ سمع غيره و جاوب لذا النون
آمنت بكتابه و بعثة رسوله=و ان كل شيٍّ قدّره بأمره يكون
يالله يا مِمّن عبادٍ شكوا له=عطاه لا منّه عطا غير ممنون
اغفر ذنوبي دقّها و الجلوله=يا عالمٍ ما كان ف الصّدر مكنون
خذيت في بحر التّفاكير جوله=و من لا يراجع واقع الفكر مجنون
نيل المطالب ما يجي بالسّهوله=و من لا حسب مخرجْه بيبات مغبون
و المجد ما توصله نفسٍ ملوله=و العزّ ما يبنى بلا ساس و ركون
و الدّين ما تكمل بلاه الرّجوله=و دنياك ما يمكن تجي لك على لون
و رجلٍ بلا ربعٍ تزايد حموله=و الرّزق من رب المخاليق مضمون
و العبد ما قدّم يجيه محَصوله=الخير منه الخير و الشرّ موزون
غلطان من يتبع رحايل ميوله=يرهن حياته بين معفى و مديون
و ياللي تحسّب المرجله بالسّيوله=غيرك شقَح للطّيب من دون مليون

**معلومات** **العضو** · 25-09-2010, 07:36 PM

ارررررررررررررررررررررررررحب تراااحيب المطر

" ابو صالح "

يشرفني أن أكون أول من يتلقى هذه الدره

و صح اللسانك ملاييييييييييييييييييييييييين

شاعر جزل جزل جزل

أبيات راائعه تتسم بالحكمه فلا غرابه

عليك هذا اللون من الالوان الشعرية

مميز و مبدع إلى أقصى الحدود

لا تحرمنا من جديدك يا شاعرنا

**معلومات** **العضو** · 25-09-2010, 08:12 PM

ابو زيد

تبقى و عساك على الخير باقي

لا هنت

و يفداكـ اللاش،،،

محبتي،،،

**معلومات** **العضو** · 25-09-2010, 08:14 PM

وياللي تحسب المرجله بالسيوله=غيرك شقح للطيب من دون مليون

صح لسانك ياعبدالله الدوسري حيه وحي ماجاب

قصيده من الطراز النادر وحكمه من الاول الى الاخر

بيض الله وجهك ولاهنت والبيت اعلا نادر جدا

تقبل مروري وتقديري وحترامي ,,

**معلومات** **العضو** · 26-09-2010, 12:29 AM

ارحب ياعبدالله وصح لسانك ملايين
قصيدة رائعة جدا جدا لاهنت

**معلومات** **العضو** · 26-09-2010, 01:24 AM

قصيده جزله فيها من الصور والمفردات الشي الكثير

**معلومات** **العضو** · 26-09-2010, 09:52 AM

اررررررررررررررررررررررحب ياعبدالله الدوسري
ابيات لايعلى عليها
صح لسانك ملاييييييييييييييييييييييييييييييييين
قصيدة جزلة يالجزل

**معلومات** **العضو** · 26-09-2010, 12:24 PM

ارحب يابو صالح

صح لسانك وسلم فكرك

جزالة غير مستغربة وحكمه

تقبل ودي وتقديري ،،،،

**معلومات** **العضو** · 26-09-2010, 07:05 PM

محمد الخضراني

لا هنت

و رفع الله قدركـ

سعدت لمروركـ

و يا هلا،،،

**معلومات** **العضو** · 26-09-2010, 07:41 PM

لله درك يابوصالح

شاعر ولافيك حيله

جزالة غير مستغربه يالصليبي

صح الله لسانك وعلا شانك

دره رائعه مليئه بالحكم

لك كل الشكر والتقدير

**معلومات** **العضو** · 30-09-2010, 06:27 AM

شافي النتيفات

لا هنت

و اشكر حضورك

دمت بكل خير و معزّة،،،

**معلومات** **العضو** · 30-09-2010, 06:48 AM

خذيت فـي بحـر التّفاكيـر جولـه
و من لا يراجع واقع الفكر مجنـون

نيل المطالب مـا يجـي بالسّهولـه
و من لا حسب مخرجْه بيبات مغبون

و المجد ما توصلـه نفـسٍ ملولـه
و العزّ ما يبنى بلا ساس و ركـون

و الدّين ما تكمـل بـلاه الرّجولـه
و دنياك ما يمكن تجي لك على لون

و رجلٍ بـلا ربـعٍ تزايـد حمولـه
و الرّزق من رب المخاليق مضمون

صح الله لساااااانك ياعبدالله
شاعر مافيك حيلة والجزالة انت واحد من معالمها
ومما يسعدني ورب البيت فالشعر والشعّار
اذا شفت قصيده فيها فكر وانتاج ابداعي
وناتج تفكير خاص بكاتبه وكانه يعطينا
ما استنتجه في حياته وتجاربه
ويعرف ويفيد المتذوق ويبدي لنا اراء وحاصل
من منظوره الخاص ورؤية من زاويته وتدبّر فكره...
ماشاء الله عليك ياسنايدي.. وعساك على القوة..
وبالفعل عز الله ان الشعار واجد....
لكن ماكل شاعر مبدع..
والحمدلله ان منتدى القبيلة
عامر بالمبدعين شرواك ..

يسلم فكرك ومنطوقك ياعبدالله

وتقبل نفداك :
اعجابي بما تكتب وبشخصك...
ومروري المتواضع....

**معلومات** **العضو** · 01-10-2010, 01:54 AM

الشاعر عبدالله الدوسري

صح لسانك ولاهان منطوقك ،،

وتسجيل اعجاب وتقدير بهذه الدرر

لك أطيب التحايا

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية