(غزه) للشاعر// فهد بن قحيفان الخضران

[معلومات العضو سالم الخضراني]

الحرب قامت في نواحي فلسطين =ويا ربي انك تنصر أبطال غزه
وأنك تثبتهم على الحق والدين =ومن يعتصم بالدين ربي يعزه
والله ينصرهم معي قولو أمين =وادعو لهم بالنصر في كل حزه
واخسو خسيتو يالطغات الملاعين =يا أكالة الخنزير يالمستفزه
حنا على خوض المعارك جريين =والى اعترى المظلوم يبشر بعزه
وصهيون عيا يعترف بالقوانين =وملعونته قامت علينا تدزه
والى متى يا اللي تقولون بعدين =بعدين منها نفوسنا مشمئزة
والى متى بتقودها يا احمر العين =خل البيارق تسهج اطراف عزه
ارسل عليهم قوتن ضربها شين=وهز الكيان اللي عسى الله يهزه
خل السريا تشتبك بالميادين =وابشر بعون الله ونصره وغزه
وعقبه تزين ويرجحن الموازين=ويبري ضميرٍ كان جرحه يحزه
ولا للقضيه يوم ضاعت فسلطين =ألا ملكنا جعل ربي يعزه
تكفى يا بو متعب حبيب الملايين =صهيون ظالم واللعين استخزه
يا فزعه المظلوم يا نصرة الدين =ينخونك الشجعان وأطفال غزه
وشعبك تراهم لأمركم مستعدين =رهن الإشارة لك على ايات حزه
آمر على مليون ويجي ملايين =والدرب يبغى له دليل يقزه
طال الطويل وراحت ايام وسنين =وصف العرب ما جاه رجلٍ يعزه

 

 

 

 

[معلومات العضو مبارك بن شافي النتيفات]

تحياتي

[معلومات العضو شافي بن راشد النتيفات]

لاهنت ياسالم على النقل وصح لسان الشاعر فهد بن قحيفان والله ينصر اهل غزة

 

 

 

 

[معلومات العضو محمد بن سالم الخضراني]

لاهنت ياسالم وبيض الله وجهك ع النقل الرائع

وصح لسان الشاعر فهد بن قحيفان

وحبيت ابين ل ابو شافي الدوسري ان القصيده لفهد بن قحيفان

وهو الاخ الاكبر لشاعرنا الكبير محمد بن قحيفان

تقديري وحترااامي ,

 

 

 

 

[معلومات العضو عبدالرحمن بن فلاح آل بريك]

صح لسآن الشاعر فهد بن قحيفان على هذه الرائعه .

والله ينصر أخوانناا المسلمين في كافة بقاع الأرض .

لا هنت يا سالم على النقل وبيض الله وجهك ..

 

 

 

 

[معلومات العضو بنت الذيب]

صح لسان شاعرها وتسلم يد ناقلها

لاهنت ياالخضراني على اختيارك الطيب

والله ينصر المسلمين في فلسطين

 

 

 

 

[معلومات العضو فارس الدبالين]

سالم لاهنت يالقرم على النقل المميز

وصح الله لسان الشاعر الكبير/ فهد بن قحيفان الخضراني

والله ينصر اخواننا المسلمين في كل مكان

احتــــــرامي ..