قصيدة عويض بن قحيفان في النتيفات

**معلومات** **العضو** · 25-08-2010, 10:00 PM

بسم الله الرحمن الرحيم

هذه كلمتين قالها الشاعر/ عويض بن مسفر بن قحيفان الخضران ..

موجهه للنتيفات هل الدار اللحوات الغانمة .. هي تعبر عن نفسها وقول على الفعل زين ....

يا نديبي على اللي يجحد السيري * من تمانيه بعـد الـدار يـطويــها

راكبه نصـه قــروم مـــــعاطيبي * النتيفـات والديــرة ومــن فيــهـا

ديرة سلم أهلها أهــلاً وترحيبــي * جعل ترجع وماء الهدار يسقيها

فــارق ٍراعـي الهــدار با لطيبــي * والقبـايـــل كـلهـــا حقهــا فيهـا

مرحباً يــوم جيتــوا يالمساييــري * عـــد مــا هبـت النكبـا بـذاريهـا

علمكــم وافــي ما فيه تقصيـــري * وجيةٍ مثلكــم يفـرح بطاريـهــا

بـرك ليــلٍ جمـــع كل المناعيري * جــاب ربــع تقدرنــا ونغليـهــا

لابتي عود سمــر يجهل الكِيــري * من حاربنا يبـي العليا ويخطيها

جارنـــا نمنـه حشمـةٍ وتقـديـــري * عادة ٍ مـن الأوايــل ما نخليهــا

دربهـا هين الطــالات وصعـيبــي * ولايجيـب المرجله كون راعيها

صدق ذا القول ما يحتاج تعبـيري * كـلمتيـن على المطلوب نلقيــهـا

{ والسلام خـتام والسموحة على باقي الكلام }

**معلومات** **العضو** · 25-08-2010, 10:04 PM

الله يعطيك العافية ياعزتي في صلاتي على نقل القصيدة الجزلة

وصح الله لسان الشاعر/عويض بن مسفر بن قحيفان الخضران على قصيدته الجزلة

ويستاهلون ربعنا النتيفات الطيب والعلوم الغانمة وهم كفون لها بدون قاصر في احد

**معلومات** **العضو** · 25-08-2010, 10:16 PM

يعطيك العافية اخوي ولا هنت على نقل القصيدة

وصح السان الشاعر /عويض بن مسفر بن قحيفان الخضران

ويستاهلون بني عمنا النتيفات ما قيل فيهم وهذا من طيبهم

وبدون القصور في باقي القبايل

تحياتي وتقديري~ْ،

**معلومات** **العضو** · 25-08-2010, 11:02 PM

اخوي ( محمد بن حمد الشكره ) واخوي ( ابو فهد الرجباني )

يا مرحبا ولا هنتم على مروركم الطيب ..

**معلومات** **العضو** · 26-08-2010, 01:36 AM

لابتي عود سمــر يجهل الكِيــري
من حاربنا يبـي العليا ويخطيها

جارنـــا نمنـه حشمـةٍ وتقـديـــري
عادة ٍ مـن الأوايــل ما نخليهــا

دربهـا هين الطــالات وصعـيبــي
ولايجيـب المرجله كون راعيها

صح لسان الشاعر الكبير عويض بن قحيفان

ويستاهلون ربعنا النتيفات المدح والثناء

عزتي في صلاتي نقل جميل

تقديري واحترامي

**معلومات** **العضو** · 26-08-2010, 01:58 AM

بيض الله وجهك على ايراد هذه الابيات للشاعر ابن قحيفان

و لا خلا ولا عدم

**معلومات** **العضو** · 26-08-2010, 02:54 AM

صح بدنك أخوي ( محمد بن سالم ) ’’’ اشكرك على مرورك الطيب

لا عدمناك أخوي ( ابو زيد الغييثي ) ’’’ مرحبا ومسهلا

**معلومات** **العضو** · 26-08-2010, 04:48 AM

عزتي في صلاتي بيض الله وجهك والله يعزك على نقل هذه القصيدة وصح الله لسان الشاعر / غويض بن مسفر بن قحيفان الخضراني على ذا القصيدة الجزلة ولا عليكم زود فانتم اهل الطيب والناموس ويستاهلون هل الهدار ما قيل فيهم تحياتي لك

**معلومات** **العضو** · 26-08-2010, 02:23 PM

حياك الله أخوي ( شافي ) ’’’ لا هنت بارك الله فيك

وما قيل فيكم قليل بيض الله وجيهكم . .

**معلومات** **العضو** · 29-08-2010, 03:13 AM

يعطيك العااافيه على نقل القصيده

و صح لسان غويض بن مسفر الخضراني

و يستاهلوون ربعنا اهل الهدار

**معلومات** **العضو** · 29-08-2010, 03:58 AM

الله الله صح لسان عوويض
وصح لسسانك يا القرم ولاهنت ع القصيده
ويستاهلون ربعنا النتيفات

**معلومات** **العضو** · 29-08-2010, 08:49 PM

حيا الله القروم ( عايض بن فهاد ) و ( ناصر الفصام ) ولا هنتوا على المرور الطيب . .

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية