كانها الفرقــــــــى طلبتك حاجتيــــــــن

**معلومات** **العضو** · 30-07-2010, 01:14 PM

كانها الفرقا.. طلبتك حاجتين !!

ومن هو أجمل قصائد الأمير بدر بن عبد المحسن

ليه أحس وانا اشوفك حزين
وقلبي الليله بهمي ممتلي

كانها الفرقا .. طلبتك حاجتين
لا تعلمني .. ولا تكذب علي

خلني مابين شكي واليقين
السكوت رضاي عنك .. وازعلي

باكر اللي خافي لازم يبين
الوعد بلقى مكانك به خلي

وانتظر لي ليلةٍ او ليلتين
لين مايقفي السحاب وينجلي

ولا طويت الياس بذرف دمعتين
للهوى الغالي وابوادع هلي

صاحبي باموت من كثر الحنين
خلني بختار لحظة مقتلي

**معلومات** **العضو** · 31-07-2010, 09:43 AM

احب اخاوي من تربى على الطيب رجل سنافي فيه من زين الاطباع من روس قوم ينطحون المواجيب ابن ارجال الي يعرفون الاسناع حر ولدحر عطيب المضاريب له مع زحول القوم مدخل ومطلاع رجل شجيع ولا عليه اية صعيب معروف فعله كان شانت الاوضاع قرب نهار العسر ماله مجانيب له ماقف بين الرجاجيل ينذاع اخوكم ابو مرسل الغييثي

**معلومات** **العضو** · 31-07-2010, 01:14 PM

صح لسآن شاعرها وناقلها .

يعطيك العافيه .ْ~

**معلومات** **العضو** · 31-07-2010, 01:29 PM

صح بدنك

ولاهنت على المرور

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية